Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ofikyɛ ɛhɔen huni me ne, ɛmɔ mane me aleɛ, nzuhɔen huni me ne, ɛmɔ mane me nzue, nyɛle ɛwɔfoɛ ne, ɛmɔlɛle me kama, mmerɛ bɔ me nwo la so ne, ɛmɔ wurale me atadeɛ, mvokyɛle ne, ɛmɔ wale bɛɛneane me, ná nna prizin ne, ɛmɔ wale bɛɛsrale me.’
"Yeɛ ateneneefoɛ nemɔ kobisa ye kyɛ, ‘Awurade, mmerɛ beni yeɛ yɛnwuni kyɛ ne ɛhɔen ku wɔ, bɔ yɛmane wɔ aleɛ maa ɛlili, anaa nzuhɔen ku wɔ, bɔ yɛmane wɔ nzue maa ɛnone ɔ? Mmerɛ beni yeɛ yɛnwuni kyɛ ɛte wɔfoɛ bɔ yɛfale wɔ yɛhɔle awuro, anaa wɔ nwo la so bɔ yɛwurale wɔ atadeɛ ɔ? Na mmerɛ beni yeɛ né afokyɛ anaa ɛla prizin bɔ yɛɛneane wɔ ɔ?’ Na Ɔhene ne kɔha kohyire bɛ kyɛ, ‘Nahorɛ meka mekyire ɛmɔ kyɛ, mmerɛ bɔ ɛmɔyɛ bɛmane nniema mmaa-mmaa he anu kõ ne, ɛmɔyɛ bɛmane me.’
Sɛ ebie serɛ wɔ nikye a, fa ma ye, na sɛ ebie pena kyɛ ɛbɔ ye bosea a, nnɛbɔ ye atienuserɛ.
Sɔ ala yeɛ ɛmɔ koso, ɛmɔma ɛmɔ kanea ta wɔ mmenia nyunu, ná banwu ɛmɔ nneyɛɛ pa ne, na bahyɛ ɛmɔ Baba bɔ ɔwɔ anwuro ne anuonyam.
Ɛmɔhyɛ nikye, na bɛkɔhyɛ ɛmɔ nikye. Bɛkowura kongo ne maa okoyi, ná bamia so, bawoso ye maa wabu wafa ye nwo kora ne bafa bagua ɛmɔ tena nu. Ofikyɛ kongo bɔ ɛmɔfa bɛsusu nikye bɛma mmenia ne, ɛhene ala yeɛ bɛkɔfa bɛkosusu bɛkɔma ɛmɔ ɔ."
Yeɛ mmenia ne bisale ye kyɛ; "Ye de, nzu yeɛ yɛyɛ ɔ?" Na ɔha hyirele bɛ kyɛ: "Sona bɔ ole ndadeɛ nyɔ ne, ɔma bɔ olle bie ne kõ, na bɔ ole aleɛ ne koso, ɔyɛ sɔ ala."
Ɛmɔtɔne nningyein bɔ ɛmɔle ye, ná ɛmɔyɛ ahiafoɛ adɔyɛ; ɛmɔyɛ sikaa bɔtɔ bɔ ɔnzɛkye bɛfa, kyire kyɛ, agyapadeɛ bɔ onyie lle wɔ anwuro, nekaa bɔ awiefoɛ mma berɛ, ná mvrɔlɔ koso nni ne. Ofikyɛ, nekaa bɔ ɛmɔ agyapadeɛ wɔ ne, ɛberɛ yeɛ ɛmɔ ahone koso wɔ ɔ.
"Me ahyɛdeɛ yeɛ ole kyɛ, ɛmɔdodɔ ɛmɔ nwo kyɛbɔ medɔ ɛmɔ nala.
Ebiala nne berɛ bɔ ole ɔdɔ bɔ ɔtra ɛhe ɔ, kyɛ ebie kɔfa ye ngoa kɔto berɛ kɔma ye nnamvo mɔ.
Mamaa ɛmɔ anwu ye wɔ nikye biala nu kyɛ, odikyɛ ɛmɔyɛ adwuma bɔ ɔyɛ se sɔa bɛfa bɛboka bɛbɔ bayɛ mmerɛ ne, ná ɛmɔkaye Awurade Yesu dwirɛ ne, yenwa: ‘Sɛ yɛkyɛ nikye a, ɔmaa yɛ nye gye pa tra kyɛ yɛkole ɔ.’"
Ɔhane ɛhemɔ yiele ne, obuli ndwerɛ, na ɔne bɛ mukoraati bɔle mbaeɛ. Nahorɛ nu, bɛ mukoraati bɛsuni, na bɛyɛle Paul atuu bɛfele ye noa. Bɔ ɔmaa bɛ wora bɔle koraa yeɛ ole edwirɛ bɔ ɔha hyirele bɛ kyɛ, bɛngonwu ye nyunu kõ ne. Ná bɛɛsomane ye bɛdwuli hyep nanwo berɛ.
Ɛmɔboka akrongronfoɛ ma bɛ sa ha bɔ behia ɔ. Ɛmɔsõ mmenia wɔfoɛ.
Yɛ bɔ yɛyɛ se ne, odikyɛ yɛsoa bɛ bɔ bɛnyɛ se ne mmerɛyɛ, na nnɛmɔ maa yɛyɛ bɔ ɔkɔsɔ yɛ mmom yɛ nye ɔ.
Ná ɛmɔhɔ so bɛboka-boka ɛmɔ nwo, sɛ ɛmɔyɛ sɔ a, né ɛmɔdi Kristo mmeraa naso.
Nnɛmaa awieniɛ wia kõ, mmom ɔyɛ adwuma, ɔfa ye sa yɛ adwuma pa, ná wanya bie wama ebie bɔ wahia ye ne.
Nná bɔ ohia ɛmɔ ngome yeɛ odikyɛ ɛmɔdwene ye nwo ɔ, mmom ɛmɔdwene ɛmɔ mmango mɔ nwo.
Nniema mɔ, sɛ ebie ka kyɛ ole gyidie, ná olle nyumaa a, mvasoɛ beni yeɛ ɔwɔ so ɔ? Aso sɔ gyidie ne kɔhora kole ye ngoa? Sɛ aliemaa bie nwo la so, ye noa aleɛ abɔ ye, na ɛmɔ nu bie ka kyire ye kyɛ, "Fa asomdwie kɔ, wɔ nwo yɛ wɔ hye, na wɔ ko yi." Nakoso wamma ye bɔ nipadua ne hia a, mvasoɛ beni yeɛ ɔwɔ so ɔ? Sɔ ala yeɛ gyidie koso, sɛ nyumaa bokka so a, né wawu.
Sɛ ebie bɔ ole wiase ahonyadeɛ nwu kyɛ oliema nwo kyere ye, ná onnwu ye anwunvo a, nzu yeɛ okyire kyɛ Nyameɛ dɔ te ye nu ɔ?