Ajuda ao próximo

Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.

35 Ntɔn mɛ, mɛ kàkäl anà ngyal, bɛ lan’pɛ isaa adyà. Mɛ kàkäl anà mfwää, bɛ lan’pɛ undiir anwà. Mɛ kàkäl ungyey, bɛ waa lan’wɛl, 36 mɛ kàkäl wànsàpɔl, bɛ waa lan’bwää. Mɛ kàkäl anà ukyal, bɛ waa làyan’ler. Mɛ kàkäl u bɔlokà, bɛ waa làyan’ler." 37 Apan, baar a balàbal bàsun’fuur naa: "Mwol, mpal nà kamɛn bi anà ngyal, waa bi kapɛ isaa adyà, itàkal anà mfwää, waa bi kapɛ undiir anwà? 38 Mpal nà kamɛn bi ungyey, waa bi kawɛl, itàkal wànsàpɔl waa bi kabwää? 39 Mpal nà kamɛn bi anà ukyal itàkal u bɔlokà, waa bi kàyaler?" 40 Mfum usafuur naa: "Mɛ, mɛ alakyään ndandaa: mbalà yanswà ayà làkyer bɛ indiir abi akà umwɛy ubɔɔ a bibaan akye bà, abà atɔŋ amɛ, bɛ bya làkyer akà mɛ." »

Mateus 25:35-40

42 Pà akà mbuur kàmalɔ̈ɔ̈m. Twon an’pà ngö akà mbuur akwen musɔɔm akà ngye. »

Mateus 5:42

16 Abun sye, wɛy pɛɛlà abɛ làŋyɛŋ u mii a baar, mpal bàman ba nsyääl abɛ yàŋàbwaŋ, ba bàsà Taaràbɛ awà u du làkoo. »

Mateus 5:16

38 Làpɛ, waa bɛ bàsàlapà: bàsàyööl mpàkɔr a kölàköl a ipfɛy abɛ a mbäl aŋàbwaŋ, yàŋàkinà, yàŋàndyeer, yàŋàpää. Ntɔn Nzam an’kab ande akà bɛ nde asàsi unsà isii làfàsyääl bɛ ntɔn baar bumwɛy. »

Lucas 6:38

10 Baar bun’fuulà naa: « Apɛy bi waa ikyer aben? » 11 Nde waa kàfuur naa: « Wɛy mbuur awe abyà inkur byeel upɛ imwɛy akà mbuur akɔ̈ɔ̈n a kya, wɛɛ mbuur awe anà isaa adyà ukyer sye abà. »

Lucas 3:10,11

33 Làyälà indiir abɛ, làpɛ ngim akà aŋàlàmbwà. Làkyer in’di a ngim mpa ifàbwà an’tär. Làyee in’naaŋ abɛ u du, waa mya mpa myàtäy. Mbüüb bàyàkwo anki muwal mya, anà nsɛɛl sye idyà anki mya. 34 Ntɔn ikal awà in’naaŋ abɛ, ikal sye iwà mpem abɛ.

Lucas 12:33,34

12 Le nswɛɛŋ amɛ ayi: làkwen bɛ a bɛ asànaa in’fàlakwen mɛ.

João 15:12

13 Kà we anà mbuur mwɛy anki awe anà ukwen a kölàköl isàkɔɔn akal asànaa mukɔɔb mɔ̈ɔ̈ ande ntɔn asam ande.

João 15:13

35 Mɛ kàlaswɛŋ taaŋ lanswà naa yubwaŋ musal abun ntɔn mubay baar abà u ngyal, muyɔbà ndaa kàtɛn Mwol Yɛsu ŋakwo naa: "Un’sak afàkal mbɔɔn mupà akwànaa muwal!" »

36 Ungö mutɛn abwɛy, nde kàbü an’köm mbwo mwɛy anà ba banswà, waa kàyamà. 37 Apan ba banswà waa bàlel, bun’bweel u bway ntɔn mukundüür. 38 Ngyɛb aba yàmbɔɔn yàfü unsà ndaa kàtɛn nde naa ba ntabwey ande bàfàsàman anki. Apan ba bàkun’swà tii kà an’swà.

Atos 20:35-38

13 - ntɔn ngyal a aŋin’kyɛɛl, labay, làkäl anà un’kaay.

Romanos 12:13

Un’sak ntɔn atɔŋ

1 Bi baar ibà ngwal, bi ikyer asɛɛn gyɔ̈ɔ̈là a baar mpa abà ngwal anà mukɔɔn aleŋ ubwaŋ abi ŋakwo.

Romanos 15:1

2 Làsɛɛn buur abɛ bɛ a bɛ, abun bɛ làsàkwey un’kɔɔn a Klistɔ.

Gálatas 6:2

28 Wɛy mbüüb ukɔ̈ɔ̈n afàyib, wɛɛ nde usi ngwal musal unsà lää kà an’kɔɔ ande ŋakwo, ntɔn nde umɛn undiir akab akà mbuur awe anà ngyal awa.

Efésios 4:28

4 Wɛy mbuur ukɔ̈ɔ̈n aler ndaa ande ŋakwo mpɛl, wɛɛ nde uler sye ndaa a baar bumwɛy.

Filipenses 2:4

Làkwikilà anà isal

14 Atɔŋ amɛ, ndöŋ nà mbuur mutɛn naa: « Mɛ in’we anà làkwikilà », isàkal naa nde isal byatɛy? Nkye làkwikilà alà lan’kwo lun’tsü mɔ̈ɔ̈? 15 Bi itàwal naa un’tɔŋ mwɛy wàbaal itàkal wun’kaar, kà we anà undiir a bwaar itàkal wàdyà anki ilä byanswà, 16 wɛɛ umwɛy uboo a bɛ utɛn a nde naa: « Kyen unsà duu, bwaar ipfɛy a mpye anà dyà ubwaŋàbwaŋ », wɛɛ nde akà undiir mwɛy kun’pɛ anki ntɔn ndür ande, apan ndöŋ nà? 17 Ya yà abwɛy sye ntɔn làkwikilà: isàkal naa la lan’kɔɔn isal, la là undiir aŋàkwà la ŋakwo.

Tiago 2:14-17

17 Isàkal naa mbuur u mɛɛn mà we anà indiir mbɔɔn, nde umɛn un’tɔŋ ande u mpay, wɛɛ nde kun’kääŋ mpem, ukwen a Nzam ban’kwo mukal aben amu nde?

1 João 3:17

Bíblia Online

Ajuda ao próximo

Oração para pedir a Deus que aumente a fé quando o coração está cheio de dúvida

Versículos sobre são João para refletir

7 atitudes que agradam a Deus segundo a Bíblia

10 promessas de Deus na Bíblia para fortalecer sua fé todos os dias