Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Te, ene yagl meglkwa i, ene ebinoma deno muduno teo. God Kere Yugwa Yagl yugobunomo mina nono suna munga i, ye okna dem muduo norsre, nono ere inagledi goglmere yegl, ene ebinoma deno muduno yegl tenaiglkwa pre diga.
Na diga magigl i, nono Jisas bogl u swara omga pre diga ba na ama yagl abu pre dinaglka, ene prio! Ene yagl meglkwa i, enene wakai kanimere mere yegl, ebinoma ama wakai kanibi, te ene abu meglkwa i, ene winoma moraiglmara mogl atne ede molo.
Ana Jisas nono dem muduo podo norsre, nono pre goglmere mere yegl, ene yagl ama ebinoma deno muduno tenaiglkwa pre diga. Te, ene enene ogono nagino ere wakai erimere yegl, ebinoma ere wakai ere teo. Ene ebino bogl swara kaima meglkwa pre yoba ye ebinoma ere wakai ere teigwa i, ye yene ama ere wakai ere teigwa. I siragl pre yoba yene ogono nagino ere kide erekrikwa. Ta manugwa. Ye ogono nagino ere wakai ere, kaya mokna tedre, yegl erikwa. Kuno yegl mere ene ebinoma ere wakai ere teo.
Ana yoba yene ogono nagino ere wakai erimere kuno yegl mere God Kere Yugwa Yagl yugobunomo mina munga i, nono ye ogo nagie mere yegl munga pre ye nono ama yegl mere ere wakai ere noro moglkwa.
Ana God ene deno muduno kor padigl togwa pre ene ka kibi digwa mabuno i, kide kodio. Nono erme yugobuno swara munga i, ka kaima keme di ikne ikne edinamga.
Te, ene ege tau deno kubraiglkwa ba ene deno kubraiglmara i, tadaglme erekre, tabre kide kodinaiglkwa. Ene deno kubraiglkwa i pai mogl enan, ade beinan, kide panabuka. Ene Satan agai tekrio.
Ana ene ka dinaiglkwa i, ka kide ya ka tewe ki dikrio. Ene ka yomere pamere didre, te, ene ka siragl mere dibi, yoba ake ple di tenan, wakai moraiglkwa i keme dio.
Te, ene yoba kide pre teigwa mabuno i, ene kide kodio. Ene deno kubro, yoba deno bogl tedre, kigl nonga digwa i kide kodidre, ama ene yoba kenaglno sigwa ya ene mabuno siragl mere ere, yoba ere kide ere tenamnedi erikwa i, kide kodio. Ene mabuno yegl kide kodidre, yoba deno muduno tedre, enene ikne ikne ere wakai erio. Te, God komono kana ere mogl, ye Kere Yugwa Yagl kogon erumara i mina ene tadaglmeno gugl ede tomere kuno yegl mere, yoba ta ene ere kide ere tenabuka i, ene ake moglkre, ere ede teo.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Yegl paugwa pre ye suo moglkre, yoba swara mere yegl miurka. Yegl pre God taragl ta ere i swara edenabuka i, yoba ta ere i pere pere edekraiglmiwe dugwa.
Yagl abu bogl inaiglkwa mabuno pre mitna edio. Te marit ere kide ere dinamnedi kunogl nekrio. I siragl pre kumugl abai mo yagl abu ta ye yagl abu pere bogl kunogl nenaiglkwa i, God ye ka tage tenabuka.
Gak neno manoma ya kogon erikwa ya bitno yoba bogl mabuno siragl mere eraiglkwa
Ene abu, yagl ebinoma ta meglkwa i, ene winoma kano prisre, mogl atne edenaiglkwa paugwa. Yaglno Kade mabuno i du pamedi kanugwa pre ene pre mediglkwa abu ta meglkwa i, yegl erio. Te, ene yagl, abu winoma ta meglkwa i, ene ebinoma deno muduno tedre, ye deno muduno ere kide eramnedi erekrio.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Nono mogl atne edidre, deno muduno te ikne ikne edinamga paugwa
God ene kere idre, yoba pere moraiglmedi edidre, ene dem muduo togwa. Yegl erukwa pre ene mabuno tau eraiglkwa paugwa i, yegl mere paugwa, ene kiede mogl, mogl atne edidre, yoba mitno gogl, mabuno wakai ere tenaiglkwa paugwa. Te, ene yoba tabre deno kubro tekrio. Agroma abaroma ta eribi, kide praiglkwa i, ene kanige ersre, tadaglmeno ama kide kodo teo. Yaglno Kade Krais ene tadaglmeno gugl ede tomere kuno yegl mere, ene ye tadaglmeno kide kodo tenaiglkwa pre diga.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Nono deno muduno ikne ikne tenamga pame diga i, ene prio! Nono yoba ta deno muduno tomun, nono tabre deno kubro tekre, ye ere wakai ere tenamga. Ama taragl wakai ta yoba i morabara plau dinan, nono ama kide pre tekre, wakai pramga. Te, nono yoba deno muduno tomun, no nono keme wakai muniwedi prikre, kagno ake mitna edekramga. Yegl ersre, te nono ama yoba i mabuno kide ere tekramga. Te, no nono keme wakai moramnedi prikre, yoba i ama wakai moraiglmedi pramga. Te, yoba deno muduno tomun, ye nono ere kide ere noraiglkwa ba nono deno kubro tekre, ere kide ere noraiglkwa i ta pre moglkramga. Te, nono yoba deno muduno tomun, ye mabuno kide eribi, nono gun yeikre, mabuno kaima pamere eraiglkwa i keme gun yenamga. Nono yoba deno muduno tomga yoba i ta yubun noribi, nono yage sikre, deno muduno te pai moramga. Yegl ersre, te, God ye nono agroma abaroma i nomano mina kogon erabedi pre pai moglsre, nomane wakai inaiglmedi sugl mogl, agroma abaroma i ta kide kodokramga.
Ana yagl abu ta bogl igwa meglkwa i, na ye siragl mere eraiglkwa paugwa i, nana primere ta dikraglka. Nono Yaglno Kade Jisas dra mina yegl dugwa, Abu ta ere mogl, wie kide kodokrabiwe dugwa. Yegl dugwa ba aglau ta eran, abu ta ye wie moglmara kide kodinan, ye ede yagl kor ta pikrabuka paugwa. Ye ede ikne wie moglmara unabo mo ta ukran, ye yagl kor pikre, yoko morabuka paugwa. Te, yagl ere mogl, ebino sedekraiglkwa paugwa.
Ana yagl abu ta bogl i kodibrika i, ye bogl swara panabrika kuno erukwa pre wie mo ebie mo swarano ta panabugledi pran, ta mane dinabuka i ta kuno erekrukwa. Yagl ta ebie moglkwa i, ebie ogo nagie i, abu i yene pre manga. Ye ogo nagie i wie pre paugwa. Te, abu wie ta morabuka i ama wie ogo nagie i, yagl i yene pre manga ba ye ogo nagie i ebie pre paugwa. Yegl pre ene tau bogl idre, yagl abu meglkwa ba akie bogl swara paikrikwa mabuno i, kide kodio. Ene moraiglmara yubun ta panan, ene yagl abu suo kamage keme erabugledi prisre, ege i bogl swara paikrabugledi prabrika i, pra ba ene ege olto yegl ta ere moglkrabrika. Ege sugunagle yegl ersre, okuo ene aglke kor bogl swara panabrika paugwa. Yegl ta erekribr, Satan ene ake nu sinan, ene yobuglno ta paikrukwa pre mabuno kide ene deno muduno mina pogglau boran, ene yage si dinabrika pre diga.
Ene swara swarade moraiglmara i, ene enene we di prikre, te ene kagno kade inamnedi pre taragl swara kaima ta erekrio. Ene yegl ta erekre, enene pre i atne edidre, agroma abaroma tau moraiglkwa i pre i mitna edio. Te, ene enene keme wakai moramnedi prikre, agroma abaroma tau i ama wakai moraiglmedi prio.
Yoba ta ene ere kide ere tebi, ene mabuno kide ta ere ikne ede tekrio. Ene mabuno ta eribi, agroma abaroma tau wakai moraiglkwa i, ene mabuno i keme ere ikne ikne edidre, yoba meda meglkwa i ama mabuno yegl ere teo.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.