Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
ओ मर्धो, आपणीं-आपणीं लाल़ी संघै करा झ़ूरी, ज़िहअ मसीहा बी विश्वासीए टोली संघै झ़ूरी करी आप्पू ई हुअ तिन्नां लै बल़ीदान।
पर अह गल्ल आसा तम्हां लै बी, तम्हां मांझ़ै करै हरेक ज़ण्हअ आपणीं लाल़ी संघै आप्पू ज़ेही झ़ूरी, तैही रहणअ मणछ आपणैं ईज-बाब छ़ाडी आपणीं लाल़ी संघै मिली, अर तिंयां दुहै हणैं एक देही। लाल़ी बी लोल़ी कि सह आपणैं मर्धे डरा हेठै रहे।
एऊ साबै आसा इहअ ठीक कि मर्ध ज़ुंण आपणीं-आपणीं लाल़ी संघै आपणीं देही ज़ेही झ़ूरी डाहा, सह डाहा आप्पू ई लै झ़ूरी। किल्हैकि कोही निं कधू आपणीं देही संघै ज़ीद किई, पर तेता धाचा-पाल़ा हेर-सभाल़ करी, ज़िहअ मसीहा टोलीए हेर-सभाल़ करा
इहअ करै झ़ुठअ बोल़णअ छ़ाडी बोला हरेक आपणैं साथी-संघी का शुचअ, किल्हैकि हाम्हैं आसा आप्पू मांझ़ै एकी देहीए आंग।
ज़ेभै तम्हां रोश्शै एछे, तेता करै निं लोल़ी थारै पाप हुअ, सान्हां का आजी लोल़ी थारअ रोश्श मुक्कअ।
नां राख्सा लै दैआ आप्पू कबाता पाणैओ मोक्कअ।
कोई बी नथोघी गल्ला निं लोल़ी थारी खाखा का निखल़ी, पर एही भली गल्ला करनी ज़ेता करै होरीए बी मज़त होए थारै बोल बोल़णैं करै लोल़ी शुणनै आल़ै मणछे बर्गत हुई।
सोभी रंगे कल़बिश, प्रकोप, रोश्श, ज़ीद, निंदा, अर ज़ीदा संघी लोल़ी हर बूरी गल्ला तम्हां का दूर। एकी-दुजै लै हआ झणैल़ू अर झ़ूरनै आल़ै। ज़िहअ परमेशरै मसीहा ईशू दी थारै ज़ुल्म माफ किऐ, तिहै ई करा तम्हैं एकी-दुजै माफ।
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
तैही निं तिंयां ऐबै दूई देही आथी पर तिंयां रहा एक देही बणी। इहअ करै ज़ुंण परमेशरै आसा ज़ोल़ै दै, तिन्नां ज़ुदै करदै निं तम्हैं लागा।"
ज़ै तम्हैं बिधाते च़ाकरी नांईं करनी च़ाहंदै, तैहा गल्ला लआ आझ़ ई सोठी कि तम्हां कसरी च़ाकरी करनी? तै तम्हां फरात दरैऊआ पार तिन्नां देबते च़ाकरी करनी ज़सरी च़ाकरी थारै दाद-बाब करा तै? कि इधी तिन्नां अमोरीए देअआ-देबीए च़ाकरी करनी ज़सरी ज़ैगा तम्हैं एभै आसा बस्सै दै? रही मेरी गल्ल, मुंह ता करनी आपणैं टबरा संघी सदा बिधाते च़ाकरी।"
बैहो करनअ सोभी अदर, अर आपणीं ज़िन्दगीए साथी संघै रहणअ शुचै-पाक्कै अर नर्दोश किल्हैकि परमेशरा दैणीं कंज़रै अर पराई बेटल़ी सेटा डेऊणैं आल़ै लै सज़ा।
टबरा मांझ़ै नऊंईं ज़िन्दगीओ बधान
ओ बेटल़ीओ, आपणैं-आपणैं मर्धे डरा हेठै रहा किल्हैकि तम्हैं आसा प्रभू ईशू दी विश्वास करनै आल़ै।
ओ मर्धो, आपणीं-आपणीं लाल़ी संघै करा झ़ूरी अर तिन्नां लै निं काठै रहा बणी।
सोभी का ज़रूरी गल्ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़। सह आसा मसीहा ई थारअ परमेशरा संघै अर एकी-दुजै संघै मेल़-ज़ोल़ करा, थारअ सभाब लोल़ी तिहअ शांती दी रहअ। तम्हैं आसा तेऊ एते ई तैणीं एक देही हणां लै शादै दै। कबल्लै रहा परमेशरो शूकर करदै लागी।
तै आसा परमेशरै तम्हैं आपणैं पबित्र लोग हणां लै छ़ांटै दै अर सह करा तम्हां लै झ़ूरी, बडी झींण, भलाई, शरीफ, मानदार, झ़ूरी अर सबर करनै आल़ै। ज़ै कहा लै दोशा लाणैंओ किज़ै कारण होए, तेता बी काढै ज़िरी अर होरीए ज़ुल्म बी करा माफ, ज़िहै प्रभू थारै ज़ुल्म माफ किऐ, तिहै ई करा तम्हैं बी।
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
ज़ुंण होरी लै झ़ूरी करा, सह डाहा सबर अर दुजै लै झींण अर ज़ुंण झ़ूरी करा सह निं कोहिए निंदा करदअ आथी, झ़ूरी निं आपणीं बड़ैई करदअ आथी, अर नां आप्पू सराहंदअ आथी, सह निं दुजे बेइज़ती करदअ, नां सह मतलबी हंदअ, सह निं धखी का रोश्श करदअ, ज़ै तेऊ लै कुंणी बूरअ बभार किअ तेता बी निं सह आद डाहंदअ, ज़ै कुंण तेऊ लै पाप बी करे, तेता बी करा सह माफ। ज़ुंण झ़ूरी करा सह निं लोगे कदुष्ट कामां लै खुश हंदअ, सह हआ भलै अर शुचै कामां लै खुश। सह ज़िरा झ़ूरी दी सोभी गल्ला, सह निं विश्वास करनअ छ़ाडदअ, सह डाहा सोभी गल्ला दी आशा अर सह धरा हर गल्ला लै धीर।
ज़सरअ बैह हई आसा गअ द, तिन्नां लै निं हुंह बोल्दअ आथी, तिन्नां लै दैआ प्रभू आप्पै ई हुकम कि लाल़ी निं आपणैं मर्धा का बैईदाऊअ लई दूर रही अर ज़ै तिंयां ज़ुदै बी होए, दुजअ बैह निं करी अर नांईं ता लोल़ी तै सोभी आपणैं मर्धा संघै मेल़-ज़ोल़ किअ, अर नां लाल़ै लोल़ी आपणीं लाल़ी छ़ाडी।
बेटल़ी लोल़ी आपणैं मर्धो हक पूरअ किअ, अर हर मर्ध करै आपणीं बेटल़ीओ हक पूरअ। बेटल़ी लै निं आपणीं देही दी हक आथी, पर तेसे देही दी आसा तेसे मर्धो हक, अर तिहअ ई आसा मर्धा लै बी कि तेऊ लै बी निं आपणीं देही दी हक आथी, तेऊए देही दी आसा तेऊए बेटल़ीओ हक।
तम्हैं निं एकी-दुजै का ज़ुदै रही, पर सिधअ थोल़ी घल़ी सका आप्पू मांझ़ै सैहमती दी सका ज़ुदै हई, ताकि प्राथणां करना लै किछ़ बगत भेटी सके, अर तेखअ रहै भिई संघा, राख्सा निं आप्पू परखणैं दैई नांईं ता तम्हां हणीं आपणीं देहीए भुख आपणैं बशै करनी कठण।
ज़ेऊ साबै तम्हैं ज़िन्दगी ज़िऊआ, तेथ निं सिधअ आपणअ नफअ भाल़णअ। घमंडी निं हणअ। हथू करनी होरीए बी इज़त। होर मणछ बी समझ़णैं आप्पू का खास। सिधै आपणैं ई बारै निं सोठणअ कि थारी कै ज़रुरत आसा। तम्हैं सोभी करनी होरीए बी गरज़ पूरी।
ऐहा गल्लो डाहै धैन, तम्हां मांझ़ै निं कोहै कसरै कदुष्ट कामें बदल़ै बूरअ करी। पर कबल्लै रहणअ भलाई करना लै आजू, अर आप्पू मांझ़ै अर सोभी संघै करा भलाई करने कोशिश।
सोभी लै आसा सोभी का ज़रूरी गल्ल एही कि एकी-दुजै लै करा दिला का झ़ूरी। किल्हैकि, ज़ै तम्हैं मणछा लै झ़ूरी करे तै हणैं तम्हैं तिन्नें हर गलती माफ करना लै हर बगत तैर।
ज़ुंणी बैह करी बेटल़ी आणी, सह लोल़ी तेऊ आप्पू लै बधिया च़ीच़,
ऐहा गल्ला का लागा इहअ थोघ कि बिधाता आसा तम्हां लै भलअ।