Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
ओय घरवालो आपरी बायको लक माया करने। वसोच का जसो मसीह ना भी कलीसिया लक माया राखिसेस, अना आपरो खदच ला ओन्हीसीन लाई चघाय देइसेस।
एकोलाई काही भी होय, तुममा ला हरेक ला आपरी बायको लक वसोच माया करनो चाहिसे जसो तुमी खुदच अपरो आपला करोसो। अना एक बायको ला भी आपरो मरद को डर मानत हुयो ओको मान करनो चाहिसे।
ऐना तरीका लक जरुरी से की नौरा भी आपरो बायको लक आपरो बदन को जसो माया करेत, जोन आपरो बायको लक माया करासे। उ खुदच आपरो आप लक माया राखासे। कोनी आपरो बदन लक ता कबच गुस्सा नही राखा पर उ ओला पाला पोससे, अना ओको धियान राखासे वसोच जसो मसीह आपरी कलीसिया को
यो काजी तुमी खोटो कव्हनो तज देने। अना आपरो पड़ोसी लक खरो सांगने, कायसेकि आमी आपस मा एक दुसरो का आँग सेजन।
गुस्सा मा आयके पाप नोको करने। दिवस बुढ़न लक पयले अपरो गुस्सा ला साँत कर लेने। सैतान ला आपरो पर मौका नोको देने।
कोनी फालतू गोस्टी तुमरो टोंड लक नही निकलनो पाहिजे, पर केवल असी गोस्टी हिटनो पाहिजे जोन ओना बेरा की जरुरत को जसो तरक्की को साठी साजरो होय, जोको लक की आयकन वालो पर दया होय।
सब परकार की कडुवाहट, ताव, गुस्सा, मुसीबत अना निन्दा सब परकार को ईरसा तुमी आपरो भीतर लक हेड़ फेकने। आपसी मा एक दुसरो को दया अना रहमसील बनने, अना परमेस्वर ना मसीह मा जसो तुमरो गलती ला छिमा कियो गईसे। वसोच तुमी भी एक दुसरो की गलती ला छमा करने।
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
असो परकार अबा परमेस्वर वय दूई ला एकच तन कह्यो सेत ता "उनला कोनी बेगरो नोको कर सका सेत?"
लग्न को सबला आदर करनो पाहिजे लग्न को सेज ला पवितर राखो। काहेका परमेस्वर छिनाला करनवारा, गाली बकन वालो ला सजा देहेत।
नयो जिंदगी को समाजिक करतब
हे बायकागीन जसो पिरभु मा साजरो से; वसोच आपरो घरवालो को बसमा रव्हने।
हे नौरागीन आपरी-आपरी बायको लक माया राखो, अना उन लक कठोर नोको होवने।
ऐन सब सुभाव मा माया जुड़से जोन सबला एक संगा बाँध लेव। मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।
एको लाई परमेस्वर को बेचयो जसो जोन पवीतर अना पिरेम को से। मोठी दया ना भलाई अना दीनता अना दयालू पन अना सहनसिलता धारन कर लेव अना अदी कोनी ला कोनी पर दोस देवन को कोनी कारन से ता एक दुजो ला सह लेव अना एक दुसरे को दोस छिमा करोह, जसो पिरभु ना तुमरो दोस छिमा करीसे वसोच तुमी करो।
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत। माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत। उ अन्याय लक नही, पर सच्चो चाल लक खूस होवासेत। उ सबा काही ला ढाँक देसे, सबा काही पर भरोसा ठेवा सेत। सबा काही को आस राखासेत, अना सबा सह लेवा सेत।
पर सादि-सुदा गिनला मी नही, पर पिरभू यो हुकूम देवा सेत, का बायको आपरो नवरा ला नोको सोड़े। पर अदी वा सोड़ भी देवे, तो पाठ नोको करे, पर आपरो नवरा लक मिलाप करे, अना नवरा आपरो बायको ला नोको सोड़े।
एक मरद ला नवरा को रूपमा आपरो करतब पूरो करनो पाहिजे। वसोच एक बायको ला एक नवरी को रूपमा करतब पुरो करके दूई एक दुसरो को जरुरत पूरो करनो पाहिजे। बायको ला आपरो देह मा हक नहती, पर वोको नवरा को सेत, वसोच नवरा को आपरो देह मा हक नाहती, पर वोकी बायको को सेत। एक दुसरो ला यो हक लक दुहुर नोको राखो, पर काही दिवस काजी, दुई को मनको लक, बेगरो भई जावोत, जेनको लक पिराथना काजी बेरा मिल जाहेती, मंग एक संग रव्हो, सैतान ला मौका नोको देव, का उ तुमरो परिक्सा करे।
बिरोध अना बनावटी बड़ाई को लाई काही नोको करो, पर दीनता लक एक दुजो ला साजरो समझो। हर एक आपरो हित को नही, पर दुजो को हित को भी चिन्ता करेत।
ध्यान राखो का, कोनी बुराई को बदला बुराई नोको करो पर हमेसा एक दुसरो ला अना सब लोक गीन ला भला करन मा कोसीस करतो रहेयो।
मुख्य गोस्टी मंजे एकमेक को मनमा मना पासुन गहरो पिरेम बनायो राखो। काहेका पिरेम लगत पापगिन ला पांघरून घालते।