Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Nà-kpɔbai ɠa ʋaazu é zeɠe Ɠɔoɠɔ GALAGI ʋɔ bɛ,
nii é geeɠɔlɔgi ɓɛtɛa ta zooi.
Guye loo ɠundiɠii nɔnɔi ʋe. Kolé mavofodaiti ta-wuyei. Too ʋelei ɠaaɓaingai.
Ee, GALA, nà-maanɛɛnɛ wooi mɛni,
woilo dàawooiti ma!
Telebo nuiti ta-ɠizogi ɠa ʋaazu, é zeɠe Ɠɔoɠɔ GALAGI ʋɔ bɛ.
Tɔ ɠa é ga ti-lɔɔɠuzuʋɛ, kidaaʋili foloi.
Ɠɔoɠɔ GALAGI ɠa ɓɔ ti ʋa, é ti unmɔɔ.
Toɠa ti unmɔɔ, é ti ɠula faa ɲɔu ɠɛ nuiti zea, é ti ɠizo,
tɔɔzei naati ta lɔɔɠuzu pɔ bɛ.
Ee, Ɠɔoɠɔ GALAGI, mina ɠɛlɛ bà.
Nà-GALAGI, mina maaɠooza bà.
Gá-ɠizo GALAGI, ɓɔ gi ʋa, è-laaseigi ma lɛbiyai maaʋele ma.
Gi unmɔɔ, è gá-ɠotoiti gba, è-laaseigi wɔɔlɔ vai zu.
Mamagi ɠa Ɠɔoɠɔ GALAGI ʋɛ!
Mazɔlɔɔ toɠa woilosu nà-maanɛɛnɛ wooiti ma.
Ɠɔoɠɔ GALAGI ɠa é ga sùvikɛi ta nà-kɔɔɠɔ zɛpɛgi.
Gè ɠalivaaʋɛ ma, toɠa ɓɔsu bà.
Zìimaʋɛ laavegɛ ga koozunɛɛi.
Nà maamusɛzu ga nà-guye wooiti.
Ni Ɠɔoɠɔ GALAGI la ɠɛni ɓɔni bà,
é ga gè lia gaalɛi adaʋɛ.
Mazɔlɔɔ nà ga Ɠɔoɠɔ GALAGI, ɗa-ƓALAGI,
é è zosu è-yeei ʋa,
é ɠɛɛzu è ma: ‹Maaɠili mina ɠɛ è ma,
nà ná ga gè ɓɔ è ʋa.›
Unmɔɔgi è bosu ga ze, naa ɠa é ga nà-kɔɔɠɔ zɛpɛgi,
ɗa-ɓɔbaiti ta sɛ̀bɛlɔɔzu.
À ʋa pɔ̀, wɔi pɛ wo ɓɔlɔai, kasɔi laani wo unma, nà dooɠo fe wo ʋɛ.
Nɔ̀un, nà Kɛ̀ɛ maanɛɛnɛ, é Kpɔba Nu ɠili teʋe wo ma, nii a yɛ wo ʋa eyɛsu ɠɔ.
Zenɔ ɠana ɓalaa é la, Zɛnvu Ɲadegai ɠa ɗa ʋa, é ɓɔ de ʋa, da-zɛbɛsulalai zu. Mazɔlɔɔ de la naa ɠwɛɛ, nii soloogai ga de fali da-ƓALA falii zu. Kɛlɛ Zɛnvui ɓɔɠɔi ɠa maanɛɛnɛi wosu ade ʋɛ, é ɗa kpalagi wo, nii nu la zooga a ʋa ti pɛ suɠula. GALA é nu yiimaʋɛ ʋɛtɛsu, é naa ɠwɛɛ, nii Zɛnvu Ɲadegai pɔ é fali, mazɔlɔɔ Zɛnvui ɠa maanɛɛnɛi wosu GALA ná-nuiti ta-vaa zu, eɠɛʋelei GALA ziimai la.
Ɠaliva Ɠɔoɠɔ GALAGI ma ga è-yiimaʋɛ pɛ,
mina ʋoluzei è ɓɔɠɔ ɠeleɠelegi ʋa.
Ziimai ɠaiziɛ è-ɠɛɛ vaiti kpein su,
toɠa è-ziɛ ʋele ʋagɔiti dɛɛ ga ɗe.
À wa-yiizoolɛ vaiti pɛ da tɔun unma, mazɔlɔɔ tɔ ɓɔɠɔi ɠa é ɠaaɓaazu wo ma.