1 Guye loo ɠundiɠii nɔnɔi ʋe. Kolé mavofodaiti ta-wuyei. Too ʋelei ɠaaɓaingai.

2 GALA ka ade ʋɛ ga ade-lɔɔɠuzuʋɛ, ta siɠigi é ade ma,

kpɔbai é nu yeema yeenɔpɛ kidaaʋili foloi zu.

3 Naa ɠa é ba, maaɠili la ade ma, siɛgi zu eteai ɲiikpisu da,

gizeiti ti ɓusɛ, ti ʋu kpoloɗɛiti saamaʋɛ,

4 siɛgi zu ma ɗɛiti ti zɔngɔzu la, ti ɗa vuɠe,

ti ɗa gizeiti ɲiikpi, ti ɗa ti wuzeɠe.

Lo!

5 Ziɛ wolai ɠa ná, nii ma lobaiti ti GALA ná-taai ɠoozunɛɛzu,

nii é Anii-Pɛ-Unda, naa zeizu ɲadega wolai zaamaʋɛ.

6 GALA ka zeini saama, é la ɲiikpiga eyɛsu pɛ,

GALA ka ɓɔsu ba, é lɔɔzei folo lie kulazuʋɛ ma.

7 Zii ɠiligiti ta zɔngɔzu, masadaiti ti ɗa ɲiikpi.

Kɛlɛ GALA ga ɓɔɛna, eteai ɠa lua.

8 Ɠɔoɠɔ GALAGI, Fai-Pɛ-Maliɠii ɠa ade ʋa,

Zakɔɓe ná-GALAGI ɠa é ade ʋɛ ga siɠi gaaɠoozagi.

Lo!

9 À ʋa lɛɛ, wo Ɠɔoɠɔ GALAGI ná-kɛɛwotiiti ka,

laavɔɔ vaa wolaiti é ti ɠɛai eteai zu!

10 Tɔ ɠa é kɔɔi ɓegai eyɛsu é zeeli zou ɓela ga.

Toɠa mɛɛin ɠaleɠalezu, é kpɛɛin zuɠaleɠale,

é kɔɔɠɔ wotoloiti*46:10 kɔɔɠɔ wotoloiti: Eɓulu woo zɛʋɛ wɔlɔmai zu, naa ɠa ga: kɔɔɠɔ zɛpɛgiti. gala ga abui.

11 «À lo! À suɠwɛɛ ga nà ɠa gè ga GALA.

Nà zeini ziiti pɛ unda, nà zeini eteai unda.»

12 Ɠɔoɠɔ GALAGI, Fai-Pɛ-Maliɠii ɠa ade ʋa.

Zakɔɓe ná-GALAGI ɠa é ade ʋɛ ga siɠi gaaɠoozagi.

Lo!