1 Guye loo ɠundiɠii nɔnɔi ʋe. É loozu ga kɔnigiti. Davide ná-kidafaawui. 2 Siɛgi zu Zife nuiti ti ʋaani la, ti ɠɛ Sayile ma: «Davide lɔɔɠuʋɛ gi zaama.»

3 Ee, GALA, kìzo è-laaseigi ʋɔ,

telebo fai ɠɛ bɛ̀, ɗa-zobogi ʋɔ!

4 Ee, GALA, nà-maanɛɛnɛ wooi mɛni,

woilo dàawooiti ma!

5 Mazɔlɔɔ wɛɛinti ti wuzeɠea dàalɔɠɔma,

suɲɔu zunuiti ta pɔ ti zɛ̀nvui ɠula zèa,

ti la ɠisiɛzu GALA su ga tago ɓalaa.

Lo!

6 Kɛlɛ wɛlɛ, GALA ka é ga nà-kpɔba nui!

Maliɠii ɠila kpe ka é ga pòluzeigi.

7 Toɠa sìli nuiti ta-vaa ɲɔi loo ti ma ʋolu.

Ɗa-wooɠɛɠiladai ʋɔ, ti laaɠulu, eyɛsu ɠɔ!

8 Nà zalaɠaiti kula è ʋɛ ga zìimaʋɛ pɛ,

nà è-laaseigi maamusɛ, Ɠɔoɠɔ GALAGI, tɔɔzei pagɛ.

9 Mazɔlɔɔ è ùnmɔɔni, è kùla kidaaʋiligiti su,

niizu, nà zoosu gè wɛlɛ sìli nuiti ba, ti maa ɗa nɔɠɔ.