Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
N ma maliin kelima Alatala nan ma
naxan ariyanna nun dunuɲa daxi.
Koraa diine Ala tantun sigina, bɛti baane kuntigin xa. Sungutunne xa a ba.
Ala, n ma maxandi xuiin namɛ.
I tuli mati n fala xuine ra!
Alatala tinxin muxune rakisima nɛn.
E yigiya makantanxin nan a tan na tɔrɔ waxatine yi.
Alatala e malima nɛn a e ratanga.
A e ratanga muxu ɲaxine ma nɛn,
a e rakisi,
amasɔtɔ e luxunxi a yi.
Alatala, i nama n nabeɲin.
N ma Ala, i nama i makuya n na.
Ala, nxu rakisi muxuna,
nxu mali i xinla binya feen na!
Nxu xunba,
i yi nxu mafelu nxu yulubine ra
i xinla a fe ra.
Barikan bira Alatala xa,
a bata n ma mayandi xuiin mɛ.
Alatala nan n sɛnbɛn na.
A n xun mayɛngɛma
alo wure lefana.
N yigin saxi a fari,
bayo a n malima.
Nanara, n bɔɲɛn bata rafe sɛwan na.
N na a tantunma nɛn bɛtine yi.
Xa Alatala mi yi n mali nun,
n niin yi bama nɛn mafurɛn!
Amasɔtɔ n tan nan Alatala ra,
ɛ Ala,
naxan ɛ yiifari ma yiin suxuma,
n yi a fala ɛ xa,
n naxa, "Ɛ nama gaxu,
n tan nan ɛ malima."
I bata n nakisi
alo wure lefa yɛ masansanna,
i ya fanna n sɛnbɛn gboma ayi.
"Ɛ tan naxanye birin xadanxi, goron binyene ɛ tan naxanye xun ma, ɛ fa n ma, n xa matabun fi ɛ ma.
N Fafe Ala maxandima nɛn, a yi Mali Ti gbɛtɛ so ɛ yii naxan luma ɛ fɛma habadan.
Alaa Nii Sariɲanxina en tan sɛnbɛtare kanne malima na kii kedenna nin. Amasɔtɔ en mi a kolon en lan en xa Ala maxandi naxan ma. Koni Nii Sariɲanxin yɛtɛna Ala mafanma en xa kutunni naxan mi nɔɛ falɛ. Ala naxan muxune bɔɲɛ yi feene toma, na a Nii Sariɲanxina miriyaan kolon, amasɔtɔ Alaa Nii Sariɲanxina Ala mafanma a yama sariɲanxin xa alo Ala sagoon kii naxan yi.
I yigin sa Alatala yi i bɔɲɛn ma feu!
I nama la i ya xaxilimayaan na.
I xa Ala kolon i ya feene birin yi,
a tan yi i ya kirane matinxin.
Ɛ ɛ xaminna feene birin lu a ma, amasɔtɔ a yengi ɛ xɔn.