Aliança
A aliança é o modo como Deus se relaciona com seu povo. Da aliança com Noé à Nova Aliança em Cristo, Deus se compromete com amor e fidelidade irrevogáveis.
Alianças com Israel
Deus firmou aliança com Abraão, Moisés e Davi. No arco-íris, na lei, nas promessas — Ele é o Deus da aliança.
Te Pachia nynh Noah te a ccaaw hae kyakhe, "Nanning te naemaw koute nae ciihan hae kya thuasah, te nanning ryte a um hae paw hiin zah mih hysue hae paw (ahiinpaw ahysuepaw athua hae paw) pavaw hae, sahiin-awvaw hae, ramsaw miakaw—sanphalung kyate a pou hae paw kya thuasah ka byakin kha ka tynsah cih. Tuipayn keiccuze ahysuepaw balyn hynh papin buachih vae lan khyh, te laephi ro khylan tuipayn hynh mazi bua ynkuh vae lan khyh, nanning kya ka byakin kha ka tynsah," a ci. Pachia nynh, "Kamaw te naemaw, nanning ryte a um hae paw ahiinpaw ahysuepaw miakaw laku, malang she balyn hanlan ka raepaw byakin kya-e muihsahnaw tuh hynh-e nynh athua: Ka sawdoih kha maeking kya ka nung vae, tuh-e tuh kamaw te laephi laku byakin muihsahnaw ccangkheit athua cih.
Tuipayn keiccuze ahysuepaw balyn hynh papin buachih vae lan khyh, te laephi ro khylan tuipayn hynh mazi bua ynkuh vae lan khyh, nanning kya ka byakin kha ka tynsah," a ci.
Ka sawdoih kha maeking kya ka nung vae, tuh-e tuh kamaw te laephi laku byakin muihsahnaw ccangkheit athua cih.
Tuh-e nin khe Bawipaw nynh Abram kya byakinnaw rae zah, "E ram hynh na ciihan hae ka pya hae, Izip vaw kyate vawpi athuapaw Zufrates kyacia, Ken hae ram, Keniz hae ram, Kadmon hae ram, Hit hae ram, Periz hae ram, Refaim hae ram, Amor hae ram, Kanaan hae ram, Girgash hae ram te Jebus hae ram kha ka pya hae," a ci.
Te Abram nynh ccukharutungte a bakhung; Pachia nynh, "Hynh-e hynh na hanlan ka byakinnaw nynh thua: Nang tuh minphuin patae hae thokeinaw paaw na thua cih. Na min tuh Abram thua vae leite Abraham na cikuh vae cih; pawccecize nang kha minphuin patae hae thokeinaw paaw lang kae rae vae. Nang kha myaryamaw a pungzaepaw lang kae rae cih; na kyate minphuin hae ka rae cih zah siapharan hae kha na kyate oun langkuh cih hae. Ka byakinnaw tuh kae te nang laku, namaw koute na ciihan hae mih she takyh kya ka tynsah cih, pawccecize namaw te na ciihan hae Pachia ka thua cih, tuh-e tuh zungzae tynpaw byakinnaw nynh thua. Atu ramccang ccungccaw lang na tangnaw oh Kanaan ram balyn hynh nang te namaw koute na ciihan hae kalan zungzae hanlan kae pya cih oh; te kae tuh mih Pachia ka thua cih," a ci.
Pachia nynh Abraham kha, "Nang te she takyh e na ciihan hae nynh ka byakinnaw hynh na zui cih oh. Hynh-e tuh kae, nang te namaw koute na ciihan hae laku umpaw na zui lan oh paw ka byakinnaw nynh thua: Nanning laku e pise miakaw tuh vingdung na awkuh cih oh. Nae vingdung e ngesaw kha na awkuh cih oh, tuh-e tuh kae te nang laku byakinnaw muihsahnaw athua cih.
Kum haw lae palinaw kyakhe Khedorlaomer tuh amaw te a pankheih hae paw siapharan hae ryte oun thua hae zah Ashteroth-karnaim khua kya Refaim hae kha thuasah, Ham khua kya Zuzim hae kha thuasah, Kiriathaim vahue kya Emim hae kha thuasah,
Tukeiccuze atu ka bya kha na ngae oh zah ka byakin kha na zui oh zetuh, ccungccaw balyn laeze ka hoipaw aphutepaw ka rho na thua cih oh. Accaccing tetuh laephi balyn hynh ka uccaw nynh thua.
Na ramri tuh Rili Se kyate Filistin Rili cia, laesia ram kyate Zufrates Vaw cia athua cih; pawccecize tuin ram kya um hae paw kha na kuih kya kae pya cih zah na malang khate na dee cih hae. Minmin te thuasah, mih pachia hae te thuasah byakinnaw na rae lan khyh.
Bawipaw nynh, "Byakinnaw kha ka rae. Laephi vawlan balyn kya te pawpaw minphuin kya mah rae a thua boi leipaw ngaeangnaw kha na ccungccaw balyn malang ka rae cih; na umnaw e ccungccaw balyn nynh Bawipaw ryalawnaw kha a muih cih hae; pawccecize tuh-e tuh namaw hanlan ka rae lanpaw ri lan umpaw uccaw nynh thua.
Moses tuh Bawipaw ryte nin sung pali te zi sung pali tuin kya a um; looh mah ae khyh zah tui mah neih khyh. Lungphe hae vawlan khe byakinnaw bya hae kawbya ccanghaw, kha a zei.
Moses tuh Bawipaw ryte nin sung pali te zi sung pali tuin kya a um; looh mah ae khyh zah tui mah neih khyh. Lungphe hae vawlan khe byakinnaw bya hae kawbya ccanghaw, kha a zei.
Zui lan ae pya oh paw a byakinnaw kha ae thaesah oh, tuh-e tuh kawbya ccanghaw kha nynh thua; te aning nynh tuh-e tuh lungphe phe ning vawlan khe a zei.
Tukeiccuze Bawipaw nae Pachia tuh Pachia thua zah, amaw kha a sungsah hae paw te a kawbya a zui hae paw tungvaw kya she thong kheit cia, byakinnaw te lungzi sungsahkunaw kha a tynsahpaw Pachia nynh thua cipaw nytua oh,
Alianças renovadas
O povo renovava a aliança diante do Senhor. A fidelidade de Deus permanece mesmo quando o povo falha.
Ccungccaw hae tuh Jordan vaw zua khylan mih bu kyate he a pou hae te, byakin thingkua a puihtu ranpibawi hae tuh ccungccaw hae malang a cceih hae. Loohrue ccyh balyn kya Jordan vaw tuh varang lang cia pong aleikuh. Tukeiccuze byakin thingkua a puihtu hae tuh Jordan vaw thua hae zah, tuh-e a puihtu ranpibawi hae ccuphe nynh tui kha he a sy te, palung langte aluapaw tui tuh phang thadyn zah, asawnaw umpaw Zerethan khua pe e Adam khua kyacia tui tuh san kheit kya atingkuh thung; Arabah rili cikuhpaw Rili Chih kalan alua hae paw tuh marya a kan hae; te ccungccaw hae tuh Jeriko khua langkhe hawite a zua hae. Israel hae balyn tuh laerou kyate vaw khuraw a zua cciamang lya hae te minphuin pynpi nynh laerou kyate khuraw a zua kou hae makhia, Bawipaw byakin thingkua a puihtu ranpibawi hae tuh Jordan vaw angaelung laerou kyakhe phang a thadyn hae.
Jehoiada nynh minmin tuh Bawipaw ccungccaw athua nawlan hae, Bawipaw te siapharan te ccungccaw zapi hae laku kya byakinnaw kha a rae; siapharan te zapi hae laku kya mah a rae.
Siapharan tuh tungpi pe thadyn zah, Bawipaw kha zui khylan, a kawbya hae, a phunglang hae te a phungbya hae kha a thinlung balyn te, a hiinnaw balyn te zui khylan te e ccauh lungkhu azeikuhpaw hynh-e byakinnaw bya hae hynh cyi khylan Bawipaw malang khe byakinkunaw a rae. Ccungccaw hae balyn nynh mah tuh-e byakinnaw tuh a raebua hae.
Tukeiccuze tuh ccyh lyakhe Siapharan Jehoram tuh Samaria khua kyate pou zah Israel hae balyn kha a pum hae. Judah siapharan Jehoshafat kalan bya cciasah zah, "Moab siapharan nynh kae hynh yn dou vae; Moab ram kha tuk khylan nae cciakhae cih tou?" a cipya. Aning nynh, "Kae cciakhae cih, kae pankhae cih, ka ccungccaw hae tuh na ccungccaw hae thua hae zah, ka marang hae tuh na marang hae nynh thua hae," a cipya.
Jonathan nynh David ciihan te byakinnaw rae zah, "Bawipaw nynh David a rhaw hae kha phulah vae hae sah," a ci. Jonathan nynh amaw a hiinnaw kha a sungsah hawte David kha a sungsah keiccuze amaw kha mah a sungsahru nawlan David kha bya bua a kinsaku.
Bawipaw nynh Moses kha, "Ranpibawi Aaron ccapaw Eleazar a ccapaw Finehas nynh Israel hae kyate ka bungpawnaw kha ccanglang ccaring a mae vae, ka eiungnaw kya Israel hae kha ka maemih khyh nawlan hae, aning nynh minmin laku kya khahcite lungthonaw kha kamaw ccelang a langsahku hae. Tukeiccuze nang nynh, ‘Aning kha daenaw kya-e ka byakinnaw ka pya. Tuh-e tuh amaw te amaw koute a ciihan hae hanlan ranpibawi lang zungzae tangnawpaw byakinnaw nynh thua, pawccecize aning tuh a Pachia pankhawte eiungnaw hoi zah Israel hae hanlan seingaethyanaw kha a raepya hae,’ cite la ho," a cipya.
Moses nynh Bawipaw te byahoku khylan tungkunaw bu lungkhu lang he a tee te, byakin thingkua vawlan umpaw thawccinaw haungnaw luki, cherubim ccangning laku kyate amaw kalan a hopyapaw roi kha a thae; Tuhcite amaw kha a hopya.
Bawipaw nynh Moses kha, "Israel hae kha hopah hae lah, mih puizia kya-e cciakhaetu hae balyn kyate puizia phu kheit cci hanlan hoitang ccangkheit ccite hoitang haw lae ning kha minmin kyate lawtua. Mih hoitang raveih kyakhe mih min kha ccarou zei lah, Levi hoitang kyakhe Aaron min kha zeitua. Pawccecize puizia phu kheit cci kya-e lupi hae hanlan hoitang ccangkheit cci athua cih. Tuh-e hoitang hae kha tungkunaw bu lungkhu, byakinnaw malang nang te ah tungkunaw khe nung hae. Te ka popaw ccungccaw kya-e hoitang tuh anaw yn toih cih; tuhcite Israel hae nynh nang kha palei ae rawse hae zah ae ccohnuaku hae paw kha ka daesah cih," a cipya. Moses nynh Israel hae kha a hopya hae; te mih cciakhaetu hae balyn nynh mih puizia thyhte, cciakhaetu lu kheit hanlan hoitang ccangkheit ccite, hoitang haw lae ning kha Moses kalan a pya hae; Aaron hoitang tuh mih hoitang hae kya a umbua. Tukeiccuze Moses nynh hoitang hae kha ccaekiakhannaw bu lungkhu Bawipaw malang khe a nung hae.
Awkhualan khe Moses nynh ccaekiakhannaw bu lungkhu lang he a tee tuh, Levi phin kya-e Aaron hoitang tuh anaw phe la toih vae, apaw lungkuhpaw mah la um vae zah apaw phe la paw vae, te avoipaw almond thae hae kha la thae hae. Oute Moses nynh hoitang hae balyn kha Bawipaw malang kyate Israel hae balyn kalan a cciakhae; minmin nynh do hae zah mih hoitang raveih kha a lawku hae. Te Bawipaw nynh Moses kha, "Rawsetu hae hanlan raeringnaw pyapaw lante Aaron hoitang kha byakinnaw malang khe bua nung; tuhteze nynh kae yn ccohnuaku hae paw kha na daesah kho cih, tuhkhyhze tuh a chihsei cih hae," a cipya. Moses nynh tuhcite a cyi; Bawipaw nynh kaw a pya thathyhte a cyi.
Israel hae nynh Bawipaw muihnaw kya hoyleinaw kha bua a rae hae; Bawipaw nynh Israel kha rawsete Moab siapharan Eglon kha thawzung a hoisah, pawccecize Bawipaw muihnaw kya hoyleinaw kha a rae hae. Eglon nynh Ammon hae te Amalek hae ryte nawccawkheihnaw raete Israel kha ccianua zah a tae; te ungcci ku khua kha a law.
Nova Aliança
Eis que dias vêm em que farei nova aliança. Jesus é mediador de uma aliança superior, fundamentada em melhores promessas.
Bawipaw nynh a hopaw tuh: Israel phin te Judah phin hae ryte byakinnaw thawpaw kae rae ccyh tuh solei yn thua cih. Tuh-e tuh mih minpaaw hae kha Izip ram kyate mih kuih te suete ka poukhae lya hae ze, ka raepaw byakinnaw te lokuh lan khyh. Mih vawpaw hawte ka la thua zemah, minmin nynh tuh-e byakinnaw kha a ro hae, cite Bawipaw nynh a ci. Tuh-e nin hae koute Israel phin kya ka rae lanpaw byakinnaw tuh hynhte nynh athua: Ka phunglang kha mih lungkhu kya ka nung cih zah, mih thinlung kya ka zei cih; te kae tuh mih Pachia ka thua cih zah, minmin tuh ka ccungccaw hae athua cih hae. Minmin nynh, "Bawipaw kha nytua," cite lu kheit te lu kheit ccangpyakute hopakuh vae lan khyh hae, pawccecize adih huaccepaw kyate ale huaccepaw kyacia mih balynte kae kha yn nyh vae cih hae; mih hoyleinaw kha ka ngaethya cih hae zah, mih seinaw kha ka liathui vae lan khyh, cite Bawipaw nynh a ci.
Bawipaw nynh hynhte a ho: Khuazi te khuadae tuh mimaw ccyh thyhte a um khyh ccaw hae cite, khuazi hanlan te khuadae hanlan ka raepaw ka byakinnaw kha ro kho athua ze rou nynh, ka ryalahtu David kya ka raepaw ka byakinnaw tuh ro kho athua cih zah, David a bawitungkhung vawlan te a uk cih paw ccapaw kha hoi lan khyh, te ka ryalahtu Levi phin hae kya ka raepaw ka byakinnaw kha mah ro kho athua cih.
Tukeiccuze Khri tuh byakinnaw thawpaw kya-e hopiatu nynh thua, tuhteze nynh Pachia nynh a ko hae paw tuh bya a kinpyaku hae paw zungzae tynpaw rho uccaw kha a ccou kho cih hae, pawccecize masaty byakinnaw zakaw kya cyiseimenaw kha shawkhaw khylan Khri tuh chinaw a ing vae.
Tukeiccuze Khri tuh byakinnaw thawpaw kya-e hopiatu nynh thua, tuhteze nynh Pachia nynh a ko hae paw tuh bya a kinpyaku hae paw zungzae tynpaw rho uccaw kha a ccou kho cih hae, pawccecize masaty byakinnaw zakaw kya cyiseimenaw kha shawkhaw khylan Khri tuh chinaw a ing vae.
Thuasalama Jesu tuh ahoy huapaw byakinpyakunaw kya thadynsah thua zah ahoy huapaw byakinnaw kya-e hopiatu mah athua keiccuze atu aning tuh ahoy huaccepaw ryalaw kha phe a mue vae.
Zungzae atynpaw byakinnaw chiise liate, tuu hae kya-e alesaepaw Tuurintu, ah Bawipaw Jesu kha chinaw kyate a thoosahpaw, daenaw Pachia nynh, amaw malang a lungrythuapaw rya kha Jesu Khri liate nae kya lah zah a rynaw kha na rae kho nawlan oh, ahoypaw ryalaw miakaw kya nanning kha ae ccingsah vae oh sah. Jesu Khri kya zungzae te zungzae cia phu-enaw um sah. Amen.
byakin thaw kya-e ryalahtu hae lang tang khylan Pachia nynh kaening kha cyi khonaw oun pya vae; tuh-e byakin thaw tuh zeipaw kawbya kya-e thua leite, Muisaw kya-e nynh thua; pawccecize zeipaw kawbya nynh tuh hiinnaw kha a chia, thuasalama Muisaw nynh tuh hiinnaw kha a pya.
Hynh-e hae kong hynh tousenawpaw nynh thua: hynh-e nopi hae lu ning tuh byakin ccangning nynh thua; Hakar athuapaw byakin ccangkheit tuh Sinai mua kyate yn thua zah a ccaaw hae kha see lang a saah hae. Hakar tuh Arabia ram kya umpaw Sinai mua nynh thua, aning tuh a ccaaw hae ryte seetangnaw kya a um hae keiccuze atu a umpaw Jerusalem te nynh aloku. Thuasalama ccangpaw nopinung tuh vaawlang umpaw Jerusalem nynh thua; aning tuh a luepaw nopi thua zah aening nung nynh thua.
Fidelidade da aliança
A aliança de Deus é eterna. Ele não quebra seu pacto nem altera o que saiu dos seus lábios.
Thuasalama Bawipaw kya-e
atynpaw sungsahnaw tuh
amaw rawrih hae paw tungvaw kya
zungzae te zungzae cia tyn zah,
a dingnaw tuh ccaawsenopaw cia atyn,
a byakin a zui hae paw tungvaw te
a kawbya zui lan
a ning lei hae paw tungvaw kya atyn.
E ka byakinnaw hynh minmin ryte ka rae, cite Bawipaw nynh a ci: Nae tungvaw a umpaw ka muisaw te nae munglae kya ka nung vae paw ka bya tuh nae munglae, nae ccaaw hae munglae, nae mintaw hae munglae kyate atu te zungzae cia phiakuh lan khyh, cite Bawipaw nynh a ci.
Minmin ryte daenaw byakin kha ka rae cih zah, loramsaw hae kha ram kyate ccaring ka dee cih hae, tuhteze nynh minmin tuh ramkaw kya khyndadyh lan a um cih hae zah tuhpi kya a rya cih hae.
Na malang a cceihpaw tuh Bawipaw nynh thua. Nang kha ae umkhae cih; nang kha ae cciataw lan khyh zah ae vua lan khyh. Rih nan lah, na lungroh nan sah," a cipya.
Aning nynh lonaw naw kheit lungkhu ccungccaw patae ryte atynpaw byakinnaw kha a rae cih, tuh-e lonaw angankuh he thua te, silawnaw te pyanaw kha umsah vae lan khyh; anungsikuhpaw rohtupaw tuh a um cih zah, tuh-e paw tungvaw kya thangnaw kawthonaw kha a thua mawlaezung tuin kya a um cih," yn cipya.
"Tetuh alia lang e siapharan tuh thawzung a hoithung cih, thuasalama a rhawbawi hae kya-e lu kheit tuh amaw laeze thawzung a hoihua cih zah, amaw laeze ram akohua a uk cih. Kum patae aro koute minmin tuh nawccawnaw a rae cih hae, alia lang e siapharan ccanung tuh thahlang e siapharanpaw kalan khe nawccawnaw tynsah khylan zu lang a cceih cih. Thuasalama tuh-e nopinung nynh huhan hoi lan khyh zah, tuh-e siapharan ciihan hae tuh tyn lan khyh hae. Tuh-e nopinung te a kya umbua hae paw, a ccaaw, amaw a bawmtupaw kha chia athua cih hae.
"Tuh ccyh lyatuin,
Tuh-e yn ccianuatupaw thahlang e siapharan nynh a rythyte a cyih cih zah, humhung nynh mah khee kho lan khyh. Ram apuithyapaw kya a um cih zah, tuin ram e atyn-are tuh a kuih kya a um cih. A peenaw balyn kya-e thawzung khate ccianua lan a tuakuh cih zah, daenaw a um nawlan a rae cih. A rhaw hae peenaw kha ro khylan nopinung kha zu lang a pya cih; thuasalama tuh-e a tuakunaw tuh thua kho lan khyh zah thane lan khyh.
Ka mit te byakinkunaw
kae rae vae,
tukeiccuze pawtemou
liaccady tuh ka do kho ung cih?
Nopi hoyleinung,
nawpali lan byahothyapaw ohhuanung,
a zawthaw lya-e
a mungkuh hae paw kha vua zah
a Pachia byakinnaw a ningpaw
nopi kyate ae khum cih;