Alimento
O alimento é provisão de Deus para o corpo e a alma. Jesus disse: Eu sou o pão da vida. A Bíblia ensina a receber com gratidão, partilhar com generosidade e confiar no Provedor.
O pão da vida
Jesus disse: Eu sou o pão da vida. Quem vem a mim nunca terá fome. O alimento espiritual sacia plenamente.
यीशुए तिना खे बोलेया, "जीवनो री रोटी आऊँ ए; जो मांगे आऊणा, से कदी पूखा नि ऊणा और जेस मां पाँदे विश्वास करना, से कदी त्याया नि ऊणा।
नाशवान रोटिया खे मईणत नि करो, पर तेसा रोटिया खे मईणत करो, जो अनन्त जीवनो देओई, जो मां माणूं रे पुत्रो तुसा खे देणी, कऊँकि पिता परमेशरे माखे इजी खे देणे रा अक्क देई राखेया।"
यीशुए ज्वाब दित्तेया, "पवित्र शास्त्रो रे लिखी राखेया,
‘माणूं रोटिया साथे ई जिऊँदा नि रणा,
पर हर एक वचन, जो परमेशरो रे मुंओ ते निकल़ी रे तिना खे मानी की जिऊँदा रओआ।’"
धन्य ए सेयो, जो धार्मिकता री जिन्दगी जिऊणे खे पूखे ए और त्याय ए,
कऊँकि सेयो रजाए जाणे।
इजी री खातर, जे पईले तुसे परमेशरो रे राज्य री टोल़ करो और धार्मिकता री जिन्दगी जिओ, तो यो सब चीजा तुसा खे मिली जाणिया।
तेबेई तो आऊँ तुसा खे बोलूँआ कि आपणी जिन्दगिया रे बारे रे ये चिन्ता नि करो कि आसे क्या खाऊँगे और क्या पिऊँगे? ना आपणे शरीरो रे बारे रे कि क्या पईनुँगे? क्या जिन्दगी रोटिया ते और शरीर टाल्लेया ते बढ़ी की निए?
बल्कि नये जम्मे रे बच्चे जेड़े साफ आत्मिक दूदो री उम्मीद करो, ताकि तेसरे जरिए उद्धार पाणे खे बढ़दे जाओ।
Provisão divina
Deus provê alimento em abundância. Ele multiplica pães e peixes, enche os famintos e supre toda necessidade.
तेबे यीशुए सेयो पाँज रोटिया और दो मछलिया लईया और स्वर्गो रे कनारे देखी की धन्यवाद कित्तेया और रोटिया तोड़ी-तोड़ी की चेलेया खे देंदे गये कि लोका खे देओ। तेबे सब खाई की रज्जी गे और बचे रे टुकड़ेया रिया बारा टोकरिया परी की चकिया।
से त्याया खे पीणे खे बऊत पाणी देओआ
ओर पूखेया खे खरिया चीजा साथे रजाओआ।
सारे दशमांश मेरे मन्दरो रे पण्डारो दे लई आओ। तेबे तेती बऊत खाणे-पीणे रिया चीजा ऊणिया। ईंयाँ तुसे माखे परखो, सेना रा यहोवा ईंयाँ बोलोआ, "तेबे तुसा देखणा कि मां स्वर्गो रे द्वार खोली देणे। मां इतणिया आशीषा बरसाणिया कि तुसा गे राखणे खे जगा नि ऊणी।"
परमेशर ईए जो जिम्मीदारो खे बाणे खे बीजो रा और खाणे खे रोटिया रा इन्तजाम करोआ। तेस तुसा खे बी इन्तजाम करना और तुसे फलवंत करने, ताकि तुसे जरूरतमंद लोका खे खुले दिलो ते मताद करी सको।
खुले दिलो ते देणे वाल़ा माणूं खरा ओआ,
ओर जो ओरी रा पला करोआ, तेसरा बी पला ई ऊणा।
मनो खे अच्छे लगणे वाल़े वचन, सईतो जेड़े प्राणो खे मिठे लगोए,
ओर आड्डिया खे मजबूत करी देओए।
तेबे तिने तिना खे बोलेया, "जाई की तल़ी री रोटी खाओ, ओर मीठा-मीठा रस पियो ओर जिना खे कुछ बणी नि रया तिना गे रोटिया रा समान पेजो; कऊँकि आजका दिन म्हारे परमेशर यहोवे खे पवित्र ए; ओर उदास नि रओ, कऊँकि यहोवे री खुशी तुसा री मजबूत तागत ए।"
Gratidão e moderação
Nada trouxemos para o mundo e nada levaremos. Tudo o que fizerdes, fazei para a glória de Deus — inclusive comer e beber.
कऊँकि ना आसे दुनिया रे कुछ ल्याए और ना ई कुछ लयी जाई सकूँए। और जे आसा गे खाणे खे और पईनणे खे आए, तो इना रेई सन्तुष्टी करनी चाईयो।
तो तुसे चाए खाओ, चाए पियो, चाए जो कुछ करो, सब कुछ परमेशरो री महिमा खे करो।
और सेयो हर रोज एक मन ऊई की मन्दरो रे कट्ठे ओ थे और कअरे-कअरे रोटी तोड़ी की खुश और मन लगाई की रोटी खाया करो थे और परमेशरो री स्तुति करो थे और सब लोक तिना ते खुश थे और जो उद्धार पाओ थे तिना खे प्रभु हर रोज तिना बीचे मिलाई देओ था।
देख, आऊँ द्वारो पाँदे खड़ेया रा खटखटाऊँआ। जे कोई मेरा शब्द सुणी की द्वार खोलोगा, तो मां तेस साथे पीतरे आयी की रोटी खाणी और तेस मां साथे खाणी।
जो लोक मांस खाओए तिना खे शाकाहारी लोक तुच्छ नि समजो और शाकाहारी लोक मांस खाणे वाल़े लोका पाँदे दोष नि लगाओ। कऊँकि परमेशरे सेयो दोनो ई ग्रहण करी राखे।
तेबेई कोई तुसा खे तोखा नि देणे पाओ और खाणे-पीणे या त्योआर, नए चाँद या रामो रे दिनो रे बारे रे तुसा रा कोई न्याय नि करो। कऊँकि यो सब नियम आऊणे वाल़ी गल्ला रिया छांयाँ ए, पर मूल़ चीजा मसीह रिया ए।
तिने ताखे कष्ट दित्ते, ताखे पूख महसूस कराई। पर तिने ताखे मन्ना बी खुल़ाया, जेतेखे ना तो तूँ जाणो था ओर ना ई तेरे बुजुर्ग जाणो थे, ताकि तूँ जाणी लओ कि माणूं बस रोटिया साथे ई जिऊँदा नि रंदा, पर जो-जो वचन यहोवे रे मुंओ ते निकल़ोए, तिना तेई से जिऊँदा रओआ।
फेर जितणे पाणिए बीचले जीव ए तिना बीचा ते तुसे इना खे खाई सकोए, मतलब जितणेया रे पंख ओर छिलके ओए। पर जितणे जन्तु पंख या बिना छिलके ते ओए तुसे सेयो नि खाणे; कऊँकि सेयो तुसा खे अशुद्ध ए।
फेर परमेशरे तिना खे बोलेया, "सुणो, जितणे बिऊओ वाल़े छोटे-छोटे डाल़ सारी तरतिया पाँदे ए ओर जितणे डाल़ा रे बिऊओ वाल़े फल़ ओए, सेयो सब मैं तुसा खे देईते रे, सेयो तुसा खे खाणे खे ए;
जिंयाँ तुसा खे अरे-अरे डाल़-बूटे खाणे खे दित्ते थे तिंयाँ ई एबे सारे चलणे वाल़े जन्तु तुसा खे खाणे खे ऊणे, इजी खे एबे सब कुछ तुसा खे देऊँआ। फेर बी मासो खे प्राणो समेत मतलब लऊए समेत तुसे नि खाएओ कऊँकि लऊए रे प्राण ओआ।
तिना तीन अफ़्ते पूरे ऊणे तक, मैं ना तो स्वाद रोटी खाई ओर ना मास ओर शराब आपणे मुंए दे राखेया ओर ना आपणे शरीरो दे कोई तेल लगाया।