Alimento
O alimento é provisão de Deus para o corpo e a alma. Jesus disse: Eu sou o pão da vida. A Bíblia ensina a receber com gratidão, partilhar com generosidade e confiar no Provedor.
O pão da vida
Jesus disse: Eu sou o pão da vida. Quem vem a mim nunca terá fome. O alimento espiritual sacia plenamente.
यीशुए तैन सेइं ज़ोवं, "ज़िन्दगरी रोट्टी (ज़ै ज़िन्दगी देनेबाली रोट्टी) अव्वें आईं, ज़ै मीं कां एजते तै कधी निअन्नो न भोल्हो, ते ज़ै मीं पुड़ विश्वास केरेलो तै कधी ट्लिशोरो न भोल्हो।
नाश भोने बैली रोट्टरे लेई मेहनत न केरा। पन तैस रोट्टरे लेई मेहनत केरा ज़ै हमेशारी ज़िन्दगी देतीए, ज़ै मैन्हेरू मट्ठू यानी अवं तुसन देइलो, किजोकि बाजी परमेशरे मीं एन्च़रां केरनेरो अधिकार दित्तोरोए।"
यीशुए तैस जुवाब दित्तो, "अवं न केरेलो किजोकि परमेशरेरी किताबी मां लिखेरूए,
‘मैन्हु सिर्फ रोट्टेइं सेइं ज़ींतो न राए,
बल्के तै हर गल मन्ने सेइं ज़ींतो राते, ज़ै परमेशर ज़ोते।’"
परमेशर तैन लोकन बरकत देते, ज़ैना परमेशरेरी नज़री मां रोड़ी गल्लां केरनेरी बड़ी इच्छा रखतन, (ज़ेन्च़रे कोई ढ्लुखोरो खाने पीनेरी इच्छा रखते)
तैन परमेशर अपनि मेर्ज़ी पुड़ च़लनेरे लेई शक्ति देते।
पन पेइले तुस अपने आपे परमेशरेरे राज़्ज़ेरे लेई अर्पण केरा, ते तैन कम केरा ज़ैन परमेशरेरी नज़री मां रोड़ू भोते, त इना सैरी चीज़ां भी तुसन मैल्ही गैली।
एल्हेरेलेइ अवं तुसन सेइं ज़ोताईं, कि तुस अपने ज़िन्दगरी ज़रूरतां केरे लेई फिक्र न केरा, कि तुस कुन खाले या कुन पीले, ते न अपने जानरी कि कुन लामेले। कुन प्राण रोट्टी करां ते जान लिगड़े करां बेद्धतां नईं!"
ज़ेन्च़रे नंव्वे ज़र्मोरे बच्चे अपने अम्मरे खालिस दुद्धेरी इच्छा रखतन, तेन्च़रे तुस भी परमेशरेरू वचन शिखनेरे लेई इच्छा रखा ज़ैस सेइं तुस आत्मिक तरीके सेइं मज़बूत बनेले। फिरी आखरी मां परमेशर तुसन दुनियारी बुरी चीज़न करां पूरे तरीके सेइं बच़ालो।
Provisão divina
Deus provê alimento em abundância. Ele multiplica pães e peixes, enche os famintos e supre toda necessidade.
तैखन तैनी तैना पंच़ रोट्टी ते दूई मेछ़ली नी, ते अम्बरेरां तेकतां शुक्र कियूं, फिरी तैनी तैना रोट्टी ट्लोड़ी ते चेलन कां दित्ती, कि तैन बिशालोरे लोकन खांने जो देन। सारे मैन्हु खेइतां रेज़्ज़ी जे। तैल्ला पत्ती, यीशुएरे चेलेईं बच़ोरे टुक्ड़न सेइं 12 टोकरी भेरि।
किजोकि तै ट्लिशोरी जानी पानी पियाते,
ते ढ्लुखोरे रोड़ी-रोड़ी चीज़ेइं सेइं रज़ानते।
सारो दशोवं हिस्सो भण्डारे मां आनां कि मेरे भवने मां खानेरी चीज़ां भोन। ते सेना केरो यहोवा एन ज़ोते, कि एरू कम केरतां मीं परखा कि अवं तुश्शे लेई अम्बरेरी दैरी खोलतां तुसन पुड़ बड़े बरकतां केरि झ़ड़ी केरताईं कि नईं।
आखरी, ज़ै बेनेबाले बीज़, ते खानेरे लेई रोट्टी देते, तै तुसन बीज़ देलो, ते तैस सेइं फलवन्त केरेलो, ते तुश्शे धार्मिकतारो फल बधालो।
खुल्ले दिले सेइं देनेबालो मैन्हु सहतमन्द भोइ गाते,
ते ज़ै होरन पानी पियाते तैस भी पियावं गालू।
मन पसंद वचन मैछ़ी सेइं भेरतां कशेरे ज़ेरे प्राणन मिट्ठे लगतन,
ते हेड्डन हेरी-भेरि केरतन।
फिरी नहेम्याह तैन सेइं ज़ोवं, "गेइतां अपनि मन पसंद रोट्टी खाथ ते मिट्ठू शर्बत पीया, ज़ैन कां किछ नईं तैन केरे लेई खानेरो इंतज़ाम केरा। किजोकि अज़्ज़ेरी दिहाड़ी इश्शे प्रभुएरे लेई पवित्रे। ते उदास न भोथ, किजोकि यहोवारो आनन्द तुश्शे लेई मज़बूत गढ़े।"
Gratidão e moderação
Nada trouxemos para o mundo e nada levaremos. Tudo o que fizerdes, fazei para a glória de Deus — inclusive comer e beber.
ते न असेईं दुनियाई मां किछ आनोरू, ते न किछ नेही बटम। ते अगर असन कां किछ खाने पीने ते लाने जो भोए, ते इस्से मां खुशी रहम।
आखरी मां अवं इन ज़ोताईं, तुस चाए खाथ, चाए पीथ, या चाए ज़ैन किछ केरा परमेशरेरी महिमारे लेई केरा।
तैना रोज़ अक मन भोइतां मन्दरे मां अकोट्ठे भोते थिये, ते घरन मां साथी रोट्टी खाते थिये ते प्रभु भोज मनाते थिये, ते अकोट्ठे भोइतां खुशी सेइं खाते थिये। तैना परमेशरेरी तारीफ़ केरते थिये, तैना सैरी केरि नज़री मां रोड़े थिये। ज़ैन पापन करां मुक्ति मैलती थी, परमेशर तैन लोकन तैन केरि टोली मां शामल केरतो थियो।
हेर, तेरे दिले मां एजनेरे लेई अवं ज़ेन्च़रे कोई घरेरू दार गुड़काते अवं तेन्च़रे आईं; अगर तू मेरी आवाज़ शुन्तां अपनो दिल खोल्लस, त अवं अन्तर एज्जेलो ते अस एप्पू मांमेइं संगती केरमेले।
सब किछ खाने बालो तैस पुड़ दोष न लाए ज़ै सब किछ न खाए, किजोकि परमेशरे तैना दूईये कबूल कियोरेन।
एल्हेरेलेइ खानू पीनू या तिहार या नव्वीं चाँदनी, या आरामेरे दिहाड़ां केरे बारे मां तुश्शो कोई फैसलो न केरो। किजोकि सब एजने बैली गल्लां केरि छावे, पन असली चीज़ां मसीहेरिन।
तैनी तू नम्र बनाव, ते नियन्नो भी रख्खो, फिरी तै मन्नो, ज़ैस न तू ते न तेरे सियाने ज़ानते थिये, तैन्ने तीं खुवाव; एल्हेरेलेइ कि तै तीं शिखाले कि मैन्हु सिर्फ रोट्टी सेइं ज़ींतो न राए, पन ज़ैना-ज़ैना वचन यहोवारे ज़बाना निसतन तैन्ने सेइं तै ज़ींतो रहते।
"फिरी ज़ेत्रे पैनेरे जीपन, तैन मरां तुस इन्न खेइ सकतथ, मतलब ज़ेत्रां केरां फंघां ते शेकड़ां भोतन। पन ज़ेत्रे बगैर फंघां ते शेकड़ां केरे भोतन तैन्न तुस न खेइयथ; किजोकि तैना तुश्शे लेई अशुद्ध आन।
फिरी परमेशरे तैन सेइं ज़ोवं, "शुना, ज़ेत्रे बीज़े बाले निक्के-निक्के बुट पूरे धेरती पुड़ आन ते ज़ेत्रे बुट्टन मां बीज़े बाले फल भोतन, तैना सब मीं तुसन दित्तोरेन; तैना तुश्शे खानेरे लेई आन;
सब च़लनेबाले जीप तुश्शे खाने लेई भोल्हे; ज़ेन्च़रे तुसन नीले-नीले निक्के बुट दित्तोरे थिये, तेन्च़रे तुसन सब किछ देताईं। पन तुस मासे प्राणे सने मतलब खूने सने न खेइयथ।
तैना ट्लाईए हफते पूरे भोने तगर, मीं न त सुवादे बाली रोट्टी खाई ते न मास खावं ते न दाछ़रो रस पीयो, ते न एपनी जानी पुड़ तेल मल्लो।