Alimento

35 Maabaho Yesu kawalongela, "Niye na ndiya ya ugima. Wanhu wowokwiza kumwangu hawezawona nzala bule, na wanhu wowonihuwila hawezawona nilu bule.

27 Sekemugaiye ndiya yoiwola, mbali gaiyeni ndiya yoikala siku zose. Ndiya ino iyo Mwana wa Munhu kezawena, kwaviya Mulungu kamtogolela kutenda ivo."

4 Mbali Yesu kamwidika, "Yandikigwa muna Yamaandiko Yelile,

‘Munhu hadaha kuwa ngima bule kwa gate muhala,

mbali kwa chila mbuli yoilawa muna umulomo wa Mulungu.’ "

6 Wamweda waja weli na nzala na ng’hilu ya kutenda yoyomnogeza Mulungu,

kwaviya Mulungu kezawegutiza.

33 Teng’hu zahileni Ufalume wa Mulungu na yaja yoyolonda muyatende, maabaho Mulungu kezamwing’hani yayo yose.

25 "Lekamana nowalongela, sekemuwe na hangaiko, viya vondamukale kuno molonga, moja choni na mong’wa choni na iviya ng’huli zenu muyawale choni, vino ugima ni kuja muhala? Na lukuli ni kuyawala muhala? Vino viwalo vinoga kufosa lukuli na lukuli kufosa viwalo?

2 Fana viya wana vititi lusita lose wonda kong’ha tombo, mweye iviya molondeka kuwa na ng’hilu ya motombo ya chimuhe hayahanganyigwe na mazi, muladi mudahe kukala na kukomboligwa,

16 Yesu kayasola yaja magate matano na somba waidi, kalola kuulanga, kamwing’ha hewela Mulungu. Maabaho kayamogola yamagate na somba, kaweng’ha wanahina wake wawagolele wanhu. 17 Wanhu wose waja na weguta. Wanahina wadondola vigelo longo na vidi va masigavu.

9 Yeye kowang’hwiza wanhu weli na ng’hilu,

na kowegutiza weli na nzala vinhu vinogile.

10 "Galeni zaka zose muna didungu jangu, muladi muna ikaye yangu muwe na ndiya ya kufaya. Munigeze kwa mbuli ino muladi muwone one sizavugula ulanga kumgalilani mvula na kumtemelani mate ng’hani, mbaka mswele dungu da kwika. Niye Mndewa Mulungu Nili na Udahi nolonga ivo.

10 Mulungu iyo yomwing’ha muhandaji mbeyu na ndiya ya kuja. Ivo kezamwing’hani mbeyu yoyose yomuilonda na yoimfayani, kwa ichimu cha moyo wenu wa kulava kwa makono maidi ulele madaka mengi.

25 Wanhu wolava vinhu kwa makono maidi wezatemeligwa mate,

wanhu wowang’wiza mazi wamwenga wezakung’wizigwa.

24 Mbuli zinogile zilinga fana sega da uki,

zamulile muna umoyo na zohonya lukuli.

7 Mana cheye hachizile na chinhu chochose hano hana isi, na hachizasegela na chinhu chochose. 8 One chihawa na ndiya na viwalo, cholondeka kwenezwa navo.

31 Ivo chochose chomutenda, iwe kuja hebu kung’wa, tendeni yano yose kwa utunhizo wa Mulungu.

46 Chila siku kwa moyo umwe wagendelela kuiting’hana hamwe muna Ikaye ya Mulungu, waja ndiya hamwe muna zikaye zawo na wadeng’helela ndiya ya Mndewa. 47 Wamtogoza Mulungu na wanhu wose wanogeligwa nawo. Chila siku Mndewa kakala kowongezela wanhu wakalile wolopoligwa.

20 Lola, nokwima hana ulwivi nohodiza. One munhu yahahulika dizi jangu na kuvugula lwivi, nizakwingila mgati yake na kuja hamwe nayo, nayo kezakuja hamwe na niye."

3 Munhu yoja chila chinhu sekeyamwehule ija haja chila chinhu, ija yoja mboga ya mayani muhala sekeyamtaguse ija yoja vinhu vose, kwaviya Mulungu kamtogola.

16 Ivo munhu yoyose sekeyamtaguseni kwa ichimu cha ndiya hebu ching’waji, hebu kwa ichimu cha kwamha madugila, ihawa dugila da kwima kwa mwezi hebu Zuwa da Mhumulo. 17 Mbuli fana zino ni sisila muhala da mbuli zikwiza, mbali ukweli ni Chilisito.

3 Kamnyendaninyendani na kamulekani muwone nzala na hamwande kamwing’hani mana muje, ndiya hamuimanyile hebu wasaho zenu hawaimanyile. Katenda ivo muladi yamfunzeni kuwa munhu hawa mgima kwa gate muhala, ila kwa chila mbuli iyolonga Mndewa Mulungu.

9 "Muna ivilumbe vose vikala muna yamazi modaha kuja vino, chilumbe chochose chili na mpepe na makalabandu modaha kuja. 10 Mbali chilumbe chochose chilibule mpepe na makalabandu sekemuje. Icho kumwenu chambula mwiko.

29 Maabaho Mulungu kalonga, "Lola, nomwing’hani chila modeli ya mimeya ili na mbeyu na chila modeli ya mibiki yoikwima matunda yeli na mbeyu muje.

3 Chila chinhu chili na ugima na chitambala molondeka kuchija. Fana vinimwing’hileni mibiki isuka, sambi nomwing’hani chila chinhu. 4 Mbali sekemuje nyama ili na damu, kwaviya ugima wake waumo muna idamu.