1 Mndewa Mulungu Yeli na Udahi kolonga, "Kweli siku yokwiza, yokwaka fana tanuli. Wanhu wose weli na chibuli na wotenda mbuli zihile wezakuwa makang'ha. Siku iyo ikwiza izawatimbula na haizaleka zizi hebu tambi. 2 Mbali kumwenu womunihishimu, zuwa da haki dizamulawililani, dili na udahi wa kuhonya muna imilambi yake. Mweye mwizalawa kunze na mwizazumhazumha fana viya madang'ang'a viyolawa muna dibumba. 3 Muna isiku iyo yondanitende mbuli izo, mwizawabojoga wanhu wotenda mbuli zihile, kwaviya wezakuwa maivu hasi ya migulu yenu. Niye Mndewa Mulungu Nili na Udahi nolonga ivo. 4 Muyakumbuke malagilizo ya Musa msang'hani wangu, malagilizo na ndagilizi zonimwing'hile uko Holebu kwa ichimu cha Waisilaili wose. 5 Lola nizamgalilani mulotezi Eliya ing'hali hainafika siku ya Mndewa Mulungu ya kutagusa ija idumbiza. 6 Mulotezi Eliya kezawatenda tata na iwana wawo wailonde, muladi sekenize kuitowa isi kwa kuiduwila."