1 Kɨ Ikiavɨra Itir Godɨn ziam fam.

Kɨ uan duam ko, navir averiam ko, namnam sara

Ikiavɨra Itir Godɨn ziar aghuim pɨrafam!

1 ✝O God, nɨ nan God, kɨ nɨn ganasa

nɨ baghavɨra mɨzua iti.

Kɨ mati, dɨpaba puvatɨzir danganimɨn ikia

dɨpam bagha ariaghiri moghɨn,

nan duam nɨ ko ikiasa ifongezɨ,

kɨ bar uabɨ isa nɨ ganɨngi.

11 Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme?

Kɨ osɨman kogham.

Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam.

Nan God, a nan Akurvazir Gumazim.

1 ✝Godra, kɨ nɨghnɨzir gavgavim an ikia a baghavɨra mɨzua iti.

Anarɨra, a nan akurvazima kɨ angamɨra ikiavɨra iti.

5 ✝Kɨ uabɨn akurvaghasa ifongegha,

Ikiavɨra Itir God, a mɨzua iti.

Egha nɨghnɨzir gavgavim an akamɨn iti.

23 Kɨ ighiam bangɨ bar akongegh dɨmam.

Kɨ nɨn ighiaba bangɨ, egh uan akamra da bangan kogham.

Puvatɨ. Nɨ ua na inizir bizir kam bagh,

kɨ uan navim ko, nɨghnɨzim sara nɨn ighiaba bangam.

7 ✝Ikiavɨra Itir Godɨn Araziba, da bar guizbangɨra,

egha ikɨrɨmɨrir aghuim e ganɨdi.

E nɨghnɨzir gavgavim Ikiavɨra Itir Godɨn akabar ikiam.

Ezɨ fofoziba puvatɨzir darasi,

a fofozir aghuim me ganɨdi.

13 Guizbangɨra, nɨ nan mɨkarzimɨn ingarir dughiam,

nɨ nan amebamɨn navir averiamɨn aven bar nan ingarizɨ,

nan mɨkarzim bar moghɨra iti.

14 Nɨ nan mɨkarzimɨn ingari,

ezɨ nan mɨkarzim bar deragha igharagha gari.

Kamaghɨn kɨ nɨn ziam fe.

Bizir nɨ ingariziba, da bar dera,

ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.

2 Kɨ ghaze, "O Ikiavɨra Itir God, gumazir ifariba na gasɨghasɨghasava ami.

Nɨ men akar ifavaribar ua nan akuragh,

men dafaribar ua na inigh."

26 ✝Gumazitam o amizitam nguazimɨn itir biziba bar da inigh, a gɨn oveghtɨ, bizir kaba manmaghɨn an akuragham? Bar puvatɨ. A ivezir manam uan duam bagh anerenɨngam? Bar puvatɨ.

37 ✝Ezɨ Iesus kamaghɨn a mɨgɨa ghaze, "Ia bar uan navir averiaba ko uan duaba ko uan nɨghnɨziba ko uan gavgaviba sara bar a gifongegh.

28 ✝Ia gumazir namnar kɨnibav sozibar atiatingan markɨ. Me ian duabav sueghan kogham. Puvatɨ. Ia Godram atiating. A namnam ko duam uaghara aning isɨva helɨn avimɨn aning gasɨghasɨghamin gavgavim iti.

29 ✝Egh ia dughiar kamɨn ua Ikiavɨra Itir God, ian God bagh izɨsɨ navim dɨkavam. Ia uan navir averiam ko duamɨn aven a burisɨ bar gavgavigh, a batogh bar an boroghɨra izam.

5 Egh ia Moses damuasa mɨkemezir Akar Gavgaviba ko Moses Osirizir Araziba, ia bar deraghvɨra dar gɨn mangɨ da bakɨnɨghnɨghan markɨ. Da ghaze, ia Ikiavɨra Itir God, ian God, bar a gifongegh, deraghvɨra an gɨn mangɨ an Akar Gavgaviba bar dar amu. Ia zurara pamtemɨn an suiragh. Egh ia uan ifongiaba ko navir averiaba sara, an ingangarim damu."

14 "Datɨrɨghɨn kɨ ia ataghɨraghamin dughiam a roghɨra ize. Ezɨ ia guizbangɨra uan navir averiaba ko duabar aven bar fogha gɨfa, Ikiavɨra Itir God, ia danɨngasa akam akɨrigha gɨvazir bizitam, pura mangɨghan kogham. A ia ko akam akɨrizir biziba da guizbangɨra bar otifi. An akar dɨkɨrɨzir katam pura ghuzir puvatɨ.

13 ✝Eghtɨ dughiar kamɨn ia uan ifongiaba ko navir averiabar na buri nan gansɨ bar pamtemɨn ingaram. Ia kamaghɨn damu nan apigh nan boroghɨra izam.

16 ✝Ikiavɨra Itir God uan gumazamizibav gɨa ghaze:

"Ia tuavir akamɨn mɨtɨgh nɨghnigh, ia tuavir manam mangɨsɨ ifuegh, an mangɨ.

Ia tuavir aghuir ian inazir afeziaba faragha ghuezim bagh gan an apigh an mangɨ.

Ia tuavir kamɨn mangɨtɨ, bizitam osɨmtɨzim ia danɨngan koghtɨ,

ian naviba purama amɨraghɨrɨgh nɨmɨra ikiam."

Ezɨ Israelia a ikaragha ghaze,

"Ti puvatɨgham,

E tuavir mamɨn gɨn mangan aghua."

24 Mɨgɨrɨgɨar aghuim mati hani, a bar isɨngigha, gumazamizibar mɨkarziba gavgavim me ganɨdi.

2 Nan namakar aghuim, kɨ nɨ bagha God ko mɨgɨa ghaze, nɨn duam deravɨra iti moghɨn, nɨn mɨkarzim bar deravɨra ikɨtɨ, bizir aghuaribara nɨ bativam.