Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"तुसेईं शुनोरूए, कि मूसेरे कानूने मां लिखेरूए, कि ‘अपने पड़ोसी सेइं अपनो ज़ेरो प्यार केरथ ते दुश्मने सेइं बैर रेखथ।’ पन अवं तुसन सेइं ज़ोताईं, कि अपने दुश्मन सेइं प्यार केरा, ते ज़ैना तुसन सतातन तैन केरे लेई प्राथना केरा।
"मेरो हुक्मे ईए ज़ेन्च़रे मीं तुसन सेइं प्यार कियो, तुस भी एक्की होरि सेइं प्यार केरा।
एप्पू मांमेइं प्यारेरे अलावा ते केन्ची गल्ली मां कोन्ची चीज़रे कर्ज़दार न राथ; किजोकि ज़ै होरन सेइं प्यार केरते, तैने परमेशरेरे दित्तोरे कानूनेरे हुक्म पूरे किये।
असन मरां हर कोई अपने विश्वासी ढ्लान ते बेइन्न खुश केरनेरे लेई मद्दत केरे ज़ैस सेइं तैन केरो विश्वास मज़बूत भोए।
ज़ैन किछ केरतथ तैन प्यारे सेइं केरा।
ते प्रभु एरू केरे, कि ज़ेन्च़रे अस तुसन सेइं प्यार केरतम; तेन्च़रे तुश्शो प्यार एप्पू मांमेइं, ते सेब्भी मैन्हन सेइं बधे, ते तरक्की केरतो राए।
एक्की होरि सेइं ढ्ला ते बेइनां केरो ज़ेरो प्यार केरते राथ। बखले लोकां केरि खातरदारी केरा, किजोकि एरू केरने सेइं किछेईं अनज़ाने मां स्वर्गदूतां केरि खातरदारी कियोरीए। कैदन याद रखा, मन्ना कि ज़ेन्च़रे तुस एप्पू भी तैन सेइं साथी कैद आथ, ते ज़ैन सेइं बुरो बर्ताव भोते तैन भी याद रखा, इन सेमझ़तां मन्ना कि ज़ेन्च़रे तुसन सेइं बुरो बर्ताव भोव।
फिरी भी तुस पवित्रशास्त्ररेरे इस वचनेरे मुताबिक कि, "तू अपने पड़ोसी सेइं अपनो ज़ेरो प्यार केर," सच़्च़े तैस राज़-कानून पूरो केरतथ, त रोड़ू केरतथ।
सेब्भन करां रोड़ी गल ईए, कि एक्की होरि सेइं ईमानदैरी सेइं प्यार केरा, किजोकि अगर तुस लोकन सेइं प्यार केरेले त तुस तैन केरि पाप भी माफ़ केरनेरे लेई तियार भोल्हे।
एल्हेरेलेइ परमेशरेरे च़ुनोरां केरे ज़ेरे ज़ैना पवित्र ते ट्लारेन, बड़ी करुणा, ते भलियाई, ते दीनता, ते नम्रता, ते बरदाशत धारण केरा। ते अगर केन्ची, केन्ची पुड़ दोष लांनेरी वजा भोए, त एक्की होरेरी झ़ैल्लां, ते एक्की होरेरे पाप माफ़ केरा, ज़ेन्च़रे प्रभुए तुश्शे पाप माफ़ केरे, तेन्च़रे तुस भी केरा। इन सेब्भन करां बा प्यारे ज़ै सेब्भन सिद्धतारो पटकोए बन्धा। ते मसीहेरी शान्ति ज़ेसेरे लेई तुस अक जान भोनेरे लेई कुजेवरे भी आथ, तुश्शे दिलन मां राज़ केरे, ते तुस शुक्र केरते राथ।
ज़ै खबर तुसेईं पेइली शुनी, तै ईए, कि अस एक्की होरि सेइं प्यार रखम।
ज़ै अपने ढ्लाए सेइं बैर केरते, तै खूनी आहे, ते तुस ज़ानतथ, कि कोन्ची खूनी मां हमेशारी ज़िन्दगी न राए। असेईं प्यार इस्से सेइं ज़ानो, कि यीशु मसीहे इश्शे लेई अपने प्राण दित्ते, एल्हेरेलेइ इश्शो भी ढ्लां केरे लेई प्राण देने फर्ज़े।
असेईं प्यार इस्से सेइं ज़ानो, कि यीशु मसीहे इश्शे लेई अपने प्राण दित्ते, एल्हेरेलेइ इश्शो भी ढ्लां केरे लेई प्राण देने फर्ज़े।
हे ट्लारव, अस एक्की होरि सेइं प्यार केरम; किजोकि प्यार परमेशरे करा आहे, ज़ै कोई प्यार केरते, तै परमेशरेरो बच्चोए, ते परमेशरे ज़ानते। ज़ै होरन सेइं प्यार न केरे, तै परमेशरे न ज़ाने, किजोकि परमेशर प्यारे।