Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Voi avets avdzãtã cã fu dzãsã: ‘S-vrei aproapili a tãu shi s-aurãshti neamiclu a tãu.’ Ma mini ma vã dzãc: S-vrets neamitsilji a voshtri, ghinicuvintats atselji tsi vã blastimã. Fãtsets ghini atsilor tsi vã aurãscu, sh-rugats-vã trã atselji tsi vã fac arãu, sh-vã aĝunescu,
Aestã easti dimãndarea a mea: S-vã vrets cu un-alantu, ashã cum mini vã am vrut voi.
A vãrui s-nu lji avets mprumut, di cãt s-vã vrets cu un-alantu, cã atsel tsi va alantu, u-ari mplinit legea.
Cathiun di noi s-lji arseascã a aproapilui trã ghinea sh-nãintarea a lui.
Fãtsets-li tuti cu vreari.
Domnul s-vã multseascã shi s-vã artirseascã vrearea trã un-alantu sh-trã tuts, ashã di-cum sh-noi cãtrã voi.
Vrearea frãtseascã s-armãnã ntrã voi. Nu agãrshits ghini-ashtiptarea, cã prit nãsã niscãntsã farã s-shtibã ashtiptarã anghilji. Adutsets aminti hãpsãnitslji, canda s-eara ligats deadun cu elji, sh-atselji cai s-tirãnseascã, metsi sh-voi idyilji avets un trup ca elji.
Macã mplinits legea amirãreascã dupã Scritura: "Su vrei aproapilu a tãu ca cum ti vrei tini," ma fãtsets ghini.
Pristi tuti, s-avets unã vreari mari trã un-alantu, cã vrearea va s-anvãleascã unã multsãmi di amãrtii.
Nvishtets-vã ca aleptsã a Dumnidzãlui, sãmtsã sh-vruts cu njila a dorlui, cu bunãtati, cu tãpinii, cu frunimeatsã sh-cu arãvdari. Arãvdats-lu sh-ljirtats-lu un-alantu, macã un ari vãrã tsiva contra a vãrui, ashãtsi di cum Domnul vã ari ljirtatã, ashãtsi fãtsets sh-voi. Pristi tuti aesti, nvishtets vrearea, tsi easti ligãtura a perfectsionariljei! Pacea a Hristolui trã cai voi fut acljimat tu un singur trup, s-domneascã tu ininjli a voastri shi s-hits hãristisitori.
Cã aestã easti dimãndãciunea tsi avdzãtã di tu ahurhitã: s-nã vrem cu un-alantu,
Caitsido tsi aurashti fratili a lui easti vãtãmãtor, sh-voi lu shtits cã nitsiun vãtãmãtor nu ari banã di totãna armas tu nãsu. Di aestã lu avem cunuscut vrearea: elu deadi bana a lui trã noi, trã atsea sh-noi prindi s-dãm bana a noastrã trã fratslji.
Di aestã lu avem cunuscut vrearea: elu deadi bana a lui trã noi, trã atsea sh-noi prindi s-dãm bana a noastrã trã fratslji.
Multu-vruts, s-lu vrem un-alantu, cã vrearea easti di la Dumnidzãlu shi caitsido tsi va, easti amintat di la Dumnidzãlu sh-cunoashti Dumnidzãlu. Atselu tsi nu ari vreari nu lu ari cunuscutã Dumnidzãlu, cã Dumnidzãlu easti vreari.