Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
AYeso tees naton itonong Ishim sak bafi ifa ni ngɔn
<<I ki mang fok yin fɛ́ ba kin fɛ̀, <Shim afidang isot ngɔn, ni rangɔn afi ifa ngɔn.> Awɛt imi tsin fɛ̀ ni yin: Shim yin bafi ifa yin, ras yin bayɔng fɛ́ ba ki nesek yin iyɔm awon,
Agbat ifɛ̀ hom yo: Shim yin bafidiin, kyɔn ti imi kin ki shim yin.
Tonoso yin ishim sak na bayɔng fɛ́ ba ki mɔɔt yin
Ba bi ki kuus yin kuta ikikak awo, tit kufi iya kashon itonoso ishim sak na bafidang, nek ngma ayɔng fɛ́ a tonong ishim sak na afidang, a mi shining ntsi.
Won kaangan ayɛt yit na a nye ikyɛng itɛrɛk iyɛ sak na afidang, na ban ku nok mo, inɔɔk atsak wu.
Won ngma ikyɛng fi i da ra yin, ni ra yin ide ayɛt ishim.
Won aTisa na sak itonoso ishim yin ni bang di barasa juut-juut sak na bafidang, ni ishɛrɛp banet, kyɔn ti fi ifiit di tsees ni yin.
Itabak igang e
Ya yin kashon ni itonoso ishim sak na bafidang tɛ baruneng. I bi te burum yin dang shashang yin batsen awo, nek ishashang batsen, bakak mi ya na batomaza dang rēn. Yiring yin ne bayɔng fɛ́ ba se na nasa-inyang, ti iyin se yin gung ni iba azɔng, nɛ bayɔng fɛ́ ba ka ba nesek iyɔm, ti i tsin sɔ yin mgbang gung ni iba.
I da se gyat ki in nye yit ikyɛng fi i se ni ijɛk ni Ntsi Adakunom yɛ, <<Shim afidang isot ngɔn ti ice ngɔn.>>
Iratek e ngma yet shim yin bafidang ni iyɛ izining. Nek ishim famasa ihwyanang anɛn dot.
Nek anɔng, tɛ bayɔng fɛ́ Adakunom mi myak, fɛ́ ba se jɛrɛ, fi iwu ka ba shim makiyi, sot yin bafi nggɔn amushish, bafi itek, ni nhwyɛ, bafi imen ice, nɛ akabɔk. Nye yin akabɔk na bafidang. Fuut yin bafidang anɛn fɛ́ ba ki nye yin e, kyon tɛ aTisa ki fuut yin ne, anɔng wu fi i da fuut yin bafidang anɛn ba ba. Ayɛt nkyɔrɔk nang ngma, sok yin ishim aza akaakyɛ, iye fi itoos ishɛrɛp e gyat ngma.
Won kukyang fi ku nes ne Anet-Isheshek ni ku sot na áyɛ yin, nek ti nkap kurɔm kuzining, ba ki yes yin ni kusot kukyang. Nesek yin ifeng.
Shim yin bafidang
Itees e yeng ye fi in kin fok yit ni imɛsɛng e: i se gbing-gbing ni in shim yit bafidang yit.
Ngma ayɔng fɛ́ a rawu arunyining, a yet anet ikok kutset. Iyin rēn yin fok, ngma ayɔng fɛ́ a kok kutset fɛ́ a bɛ̀ kutset vit igang ayɛt wu.
Ne ane fi in di rēn yit ikyɛng fi ishim yet: aYeso Kristi mees kutset wu nek iyit. Nek anɔng, i se yɛɛt ni in mees yit kutset yit nek baruneng yit.
Ne ane fi in di rēn yit ikyɛng fi ishim yet: aYeso Kristi mees kutset wu nek iyit. Nek anɔng, i se yɛɛt ni in mees yit kutset yit nek baruneng yit.
Ishim Adakunom ni ifiit
Bafidang in, won ni in shim bafidang yit, nek ishim nes na Adakunom. Ngma ayɔng fɛ́ a tonoso ishim, a yet kutes Adakunom, a rēn Adakunom. Ngma ayɔng fɛ́ da a tonoso ishim awo, a rēn Adakunom awo, nek Adakunom yet ishim.