Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
« ‹Jaalo atika eeyyi! Naapha atika jibbi› hiyyendeexxa laqqine’een. Ani kinni ha’noo hiyyane qici: naapha ha’nooka eeyye! Ha’no shorraakeeri’anna soodatte.
Ajaji ankinna, Ani ha’noo eeyyanneshshani ha’noonna weli’anni weli eetinaashshaten.
Weli’aan weli eeyyat gadhidarre ayyik liqinna ha’no’n hedhoqe’e; wele manjo eeyaak isi seera muuxeekenn.
Mitti mitti no’ong mitti manji amanate’n jaaremo’a iso gammachisaxxanna isi’a la’o utaaxxa yaanne assa no’o’a hassissaan.
Assitinaaxxe duuchcha jaalalati assee!
No’o ha’no’a jaalala anfenneshshanni ha’noonna weli’anni weli affineexxa jalalanna welekeenna afineexxa jaalala Gootti ha’no’a birasa’issowwaal; lebe faqqaashshanna assowwaal.
Weli’aani weli dayyuwwiinsha weli eeyye. Keessumma adhdha deetinoqqee; mitti mitti tenne assaa wodda egennebaang erganna keesunse’een. Usuremeeka manna insa’nenni welti usurendineeshsha hexxine insa’ne hedde; iittanni manjiinxe anga’n rakko adhdheekaara ha’no rakko ifi’a adhdhitina’neesha kaddine’e insa’nee hedde.
Woyyichcha maxaafa’ni, «Jaalo ifika umo ifikishsha assite’e eeyyi!» hiyyemme borreessemmeeka ulfichcha seera muuxxinoole eloxxe assate’ni hexxineen.
Jaalala heddo cubbo buqqammaxxee duuchchiinxi iimi darre weli’anni weli eeyye.
Yoona ha’noo Mageni fi’leekenna woyyoole, eeyyendineeke kaddinemma qicinni maraarte, arjunte, shaqunte, sigguntenna ossunte oddo’we! Weli’anni weli dande’we! Manji mitti weleke’ni quuqemeexxe kaddoole weli weli’a gattowwaal hiyye! Gootti Yessuusi ha’no’a gattowwaali hiyyemmashshanni ha’noonna welekee gattowwaali hiyye! Tenne duuchchi iimi darre duuchchiinxe yaane’a wo’ma mittumma iyyedaggaxxa jaalala oddo’we! Mitte manjunteke biso kaddineemmaxxee ye’endinnechchi konne nage’i’aate kadeemmaxxee Kiristoosik nage’i qalbe ha’nooxxe moyowwaal; galatefattinaakenna kadde.
Siretinaa’n laqqineexxi weli’anni weli eeno hita’neexxi erga tenneten.
Dayyo ifika gibaak manjo anga sa’eek manjon; manjo anga sa’ee manji duuchchi woddixxa hedho afebaaxxa egendine’een. Yessuusi Kiristoosi hedho ifixxa no’o’a sa’isseexxi uwweemmaxxee jaalala maachcho kaddeexxa tenne’ni egennannon; no’onna hedho no’oxxa dayyuwwa no’okee sa’issine uwwa hasissaan.
Yessuusi Kiristoosi hedho ifixxa no’o’a sa’isseexxi uwweemmaxxee jaalala maachcho kaddeexxa tenne’ni egennannon; no’onna hedho no’oxxa dayyuwwa no’okee sa’issine uwwa hasissaan.
Anke jaaluwwa jaalala Mageniiba’nite kaddeemmaxxee’e weli’aanni weli eeno; eeyyaak duuuchchi Magenokenaa’ni ilemeeken; isi Magenokanna ege’naan. Mageni jaalalaate kadeemmaxxee’e manjo eeyyabaak Magno ege’nebaan.