Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
መና ሲቁዋን ታና ነ ዎዛና ቦላ አታማ፤
ነ ቀስያንካ ማታፋዳን፥ ታ ጻላላ ኦይቃ።
አያዉ ጎፐ፥ ሲቁ ሀይቁዋ ማላ ምና፤
ምሹካ ዱፉዋ ማላ መቀ ኢታ፤
አ ላጩካ ጾሳ ታማ ላጩዋ ማላ።
ሃ ዳሩ ሲቁዋ ታማ ቶይሳናዉ ዳንዳየና፤
ድኡካ ሜጪደ አፋናዉ ዳንዳየና።
አሳይ ሲቁዋ ሻማናዉ ባረዉ ደእያ አቁዋ ኡባ እሞፐካ፥
ሲቁ ሻሉዋን ሻመተና ድራዉ፥
አሳይ ሄዋ ካ ያጋዱ።
ታ ሲቁዋ ምቻቶ ግድያ ታ ሲቃቴ!
ነ አይፍያ ጼሉነ ነ ቆያ አሌቁ፥
ታ ዎዛና ናሸቻን ጎሼዳ።
"ነ ሲቁ ዎይንያ ኤሳፐ አ ናሸችያ ድራዉ፥
ነ መተርሻን ዛራ ዛራደካ ታና የራ።
ነ ኦከትያ ሽቱ ዎት ሳዊ!
ነ ሱንይ ጼሰትያ ዎደካ አያ ናሸቺ!
ጌላዮቱ ኔና ሲቅያዌ ሄዋሳ።
ታ ሲቃቴ፥ ኔን ዋታ ሎአይ! ኔን ዋታ ሎአይ!
ነ አይፈቱ ሀራጵያ አይፍያዳን ሎኢኖ ያጌዳ።
ታ ሲቆዉ፥ ኔን አያ ሎአይ! አያ ናሸቻይ፤
ኑ አርሳይካ አጬዳ ማታዳን ናሸችያዋ።
ሄዋፐ ጉየ መና ጎዳይ ጾሳይ፥ "ብታኒ ባረካ ደእያዌ ሎአ ግደና፤ ታን አዉ እንጀትያኖነ አ ማድያኖ መና" ያጌዳ።
መና ጎዳይ ጾሳይ ብታንያፐ አኬዳ መቀ ማጫውኖ ኦዳ፤ ያቲደ እዞ ብታንያኮ አሄዳ። ያትና ብታኒ፥ "ሀያናሾ! ሀ መቀታ ታ መቀፐ፥ ሀ አሻታካ ታ አሹዋፐ አከቴዳውኖ፤ እዛካ አቱማ አሳፐ አከቴዳ ድራዉ፥ ማጫውኖ ጌተቱ" ያጌዳ። ሄዋ ድራዉ አሳይ ባረ አዉዋነ ባረ አቶ አጊደ፥ ባረ ማቻትና እትፐ ደአና፤ ኡንቱንቱ ላኡ እት አሾ ግዳናዋንታ።
ማቻቶ ደሜዳ አሳይ ሎኦባ ደሜዳ፤ ሄ ኡራይ መና ጎዳንካ ናሸቴ።
ሄዋ ድራዉ ነ ማቻትና ናሸታ፤ ያላጋተን ኔን አኬዳ ነ ማቻትፐ ናሸቻ ኮያ። ሎእያ ጋራትዳንነ ናሸችያ ገንአቲዳን፥ እ ንይ ኡባ ዎደካ ኔና አሎ፤ ኡባ ዎደ እ ሲቁ ኔና ኦሞዶ። ታ ናአዉ፥ ዎሹምያ ምሽራታ ኔና አያዉ ኦሞዳይ? ሀራ አሳ ማቻቶ አያዉ ቆማይ?
ሄዋ ድራዉ፥ ኡንቱንቱ እት አሳ ግድያዋፐ አትን፥ ላኡ አሳ ግድክኖ፤ ሄዋ ድራዉ፥ ጾሳይ እትፐ ደአናዳን ጋዋ አሳይ ሻኮፖ" ያጌዳ።
ሲቁ ዳንዳያንቻ። ሲቁ ኬኬ። ሲቁ ቃናተና። ጬቀተና፤ ቃይ ኦቶረተና። ሲቁ ባረዉ በሰናዋ ኦና፤ ኡዜተና፤ ይሎተና፤ ሲቁ ናቀቴዳዋካ ፓይደና። ሲቁ ቱማተን ናሸትያዋፐ አትን፥ ዎርዱዋን ናሸተና። ሲቁ ኡባባ ዳንዳዬ። ኡባባይካ ሀናናዋ ጊደ፥ ናሸቻን ናጌ። ኡባባን ገንጬ።
ስም ቃይ አስናይ ባረ ማቻቶ ባረ ቦላዳን ሲቃናዉ በሴ፤ ባረ ማቻቶ ሲቅያዌ ባረና ሲቄ። አያዉ ጎፐ፥ ባረ ቦላ እጽያ አሳይ ሙለካ ባዋ፤ ሽን ክርስቶስ ዎሳ ጎልያ ሙዝያዋዳንነ ናግያዋዳን ኦንነ ባረ ቦላ ሙዜነ ናጌ።
ግዶፐካ፥ ቃይ አስናይ ሁጲያን ሁጲያን ማችያ ባረ ሁጲያዳን ሲቃናዉ በሴ፤ ማቻታካ ባረ አስና ቦንቻናዉ በሴ።
ሄዋ ኡባ ቦላ፥ ኡባባ እትፐ ሺሽ ቃችያ ሲቁዋ ማይተ።
እቱዋ ግድያዋፐ ላአ ግድያዌ ሎአ፤ አያዉ ጎፐ፥ ኡንቱንቱ ኦሱ እቱዋዋፐ አደ፥ ሎኦ አይፍያ እማናዉ ዳንዳዬ። ቃይ፥ ላኡዋፐ እቱ ኩንዶፐ እቱ ደን፤ ሽን ባረካ ደእያ ኡራይ ኩንዶፐነ አ ደንያዌ ባይና ድራዉ፥ አዉ አየ አና! ሜጎ ዎድያን ላኡ እትፐ ግሶፐ ሆኤ፤ ሽን ባረካ ግስያ ኡራ ሀቃፐ ሆአናዉ ዳንዳዪ? እት አሳይ ባረካ ተአናዉ ዳንዳየና መቱዋ ላኡ አሳቱ እትፐ ኤቀቲደ፥ ተአናዉ ዳንዳዪኖ። ሄዙ ኩን ዶቀቴዳ ዎዶሩካ ኤለ ዱጸና።
መና ጎዳይ ህንተዉነ ህንተ ማቻትዉካ ማቻትዉካ እት ቦላይነ እት አያናይ ደአናዳን ኦቤኔየ? ሄዋ አያዉ ኦዴ? ጌሻ ዘረይ ደአናዳና ግደኔ? ሄዋ ድራዉ፥ ህንተፐ ኦንነ ባረ ያላጋተን አኬዳ ማቻትና ጫቀቴዳ ጫቆ አማነተናዋ ግደናዳን ናገቶ።
"ኦራ ማቼ አኬዳ አሳይ ኦላዉ ቦፖ፤ ሀራ ዴጾ ኦሱዋካ አዉ እሞፕተ። እት ላይይ አና ጋካናዉ፥ ሀቃነ ቤናን ባረ አኬዳ ማቻቶ ናሸቾ።