Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Ana Yawe God ere mogl, yegl dugwa, Yagl yene swara moglkwa kuno erekrukwa pre na yoba kunamo ta ye ake ple dinabuka ama bekenagle dugwa.
Si kegl didre, ye dagigle yobuglo ikra wagle abu ta bekidre, yu, yagl moglmara edugwa. Edugo, yagl yegl dugwa, Erme we, yoba i na moglmere moglkwa. God na yobra ya mienana idre, ye yobuglo ya miemo bekugwa. Na yagl yobra ya mienana idre, ye bekugwa pre na abu we dinagle di, yegl dugwa. Ana mabuno yegl paugwa pre yagl nem mam kide kodidre, ye ebie bogl si dakagl morabrika. Miur, ogono nagino swara kaima mere yegl paugwa.
Yegl paugwa pre ye suo moglkre, yoba swara mere yegl miurka. Yegl pre God taragl ta ere i swara edenabuka i, yoba ta ere i pere pere edekraiglmiwe dugwa.
Nono deno muduno ikne ikne tenamga pame diga i, ene prio! Nono yoba ta deno muduno tomun, nono tabre deno kubro tekre, ye ere wakai ere tenamga. Ama taragl wakai ta yoba i morabara plau dinan, nono ama kide pre tekre, wakai pramga. Te, nono yoba deno muduno tomun, no nono keme wakai muniwedi prikre, kagno ake mitna edekramga. Yegl ersre, te nono ama yoba i mabuno kide ere tekramga. Te, no nono keme wakai moramnedi prikre, yoba i ama wakai moraiglmedi pramga. Te, yoba deno muduno tomun, ye nono ere kide ere noraiglkwa ba nono deno kubro tekre, ere kide ere noraiglkwa i ta pre moglkramga. Te, nono yoba deno muduno tomun, ye mabuno kide eribi, nono gun yeikre, mabuno kaima pamere eraiglkwa i keme gun yenamga. Nono yoba deno muduno tomga yoba i ta yubun noribi, nono yage sikre, deno muduno te pai moramga. Yegl ersre, te, God ye nono agroma abaroma i nomano mina kogon erabedi pre pai moglsre, nomane wakai inaiglmedi sugl mogl, agroma abaroma i ta kide kodokramga.
Ana Jisas nono dem muduo podo norsre, nono pre goglmere mere yegl, ene yagl ama ebinoma deno muduno tenaiglkwa pre diga. Te, ene enene ogono nagino ere wakai erimere yegl, ebinoma ere wakai ere teo. Ene ebino bogl swara kaima meglkwa pre yoba ye ebinoma ere wakai ere teigwa i, ye yene ama ere wakai ere teigwa. I siragl pre yoba yene ogono nagino ere kide erekrikwa. Ta manugwa. Ye ogono nagino ere wakai ere, kaya mokna tedre, yegl erikwa. Kuno yegl mere ene ebinoma ere wakai ere teo.
Ana yoba yene ogono nagino ere wakai erimere kuno yegl mere God Kere Yugwa Yagl yugobunomo mina munga i, nono ye ogo nagie mere yegl munga pre ye nono ama yegl mere ere wakai ere noro moglkwa.
Na diga magigl i, nono Jisas bogl u swara omga pre diga ba na ama yagl abu pre dinaglka, ene prio! Ene yagl meglkwa i, enene wakai kanimere mere yegl, ebinoma ama wakai kanibi, te ene abu meglkwa i, ene winoma moraiglmara mogl atne ede molo.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.