Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
ପ୍ରବୁ ମାପୁରୁ ଇର୍ହାନ୍, "ଲୋକ୍ ଅରେନ୍ ମାନିକା ନେଗେନ୍ ସିଲେ, ନାନୁ ୱାନି ଉଣ୍ତିଙ୍ଗ୍ ୱାନିନାନି ୱାନିୱାଲେ ଅର୍ସେ ତେବାନିତାନିଙ୍ଗ୍ ତିଆର୍ କିନା ।"
ମାରି ସଦାପ୍ରବୁ ମାପୁରୁ ଆଦମତି ମାଡ଼ାନ୍ ଏମେ ପାଞ୍ଜାରା ପେଡ଼େନ୍ ଅତାନ୍ ଆୟାମାଡ଼ାନ୍ ଅରେତ୍ ଆଇମା ତିଆର୍ କିଜି ଆଦମତି ଲାକୁତୁ ତାତାନ୍ । ଆବେଟ୍ ଆଦମ ଇର୍ହାନ୍,
"ଇଲେଇ ଆତାତ୍;
ଇକା ନା ପେଡ଼େନ୍ତି ପେଡ଼େନ୍ ମାରି କାଣ୍ତାଦି କାଣ୍ତା;
ଇୟାତେନି ଦରୁ ଆଇମା, ଏଣ୍ତେସ୍ କି ୱେଦୁ ମେମାରିଦି ମାଣାନ୍ ଅଆୟ୍ ଆତାମାନାତ୍ ।"
ଇୟାଉଣ୍ତିଙ୍ଗ୍ ଲୋକ୍ ନିଜେଦି ୟାୟା ବୁବେଙ୍ଗ୍ ଡ଼ିସ୍ସି ନିଜେଦି ଆଡ଼ିସିଦିମାନୁ ଅର୍ସେ ଆନାନ୍, ମାରି ୱାର୍ ଉଣ୍ତ୍ରେମାନୁ ଆନାର୍ ।
ଆମା ଲୋକ୍ ଆଡ଼ି ପୟ୍ନାନ୍, ୱାନ୍ ନେଗି ଜିନିସ୍ ପୟ୍ନାନ୍ ମାରି ପ୍ରବୁଦି ମାଣାନ୍ ଦୟା ପୟ୍ନାନ୍ ।
ନି ଉସାଏରୁ ଦନ୍ୟ ଆପିତ୍; ମାରି, ନିନ୍ ନିଜେଦି ମୁରୁଲି ବେଡ଼ାଦୁ ଆଡ଼ି ଲାକ୍ତୁ ୱେଡ଼ିକା କିଆ । ୱାଦ୍ ଲାଡ୍ତି ବନ୍ଗରିଆ ମାରି ସୁନ୍ଦର୍ତି ମାଉ ୱାଜା, ତାନି ବକା ୱିଜୁୱେଡ଼ାଦୁ ନିଙ୍ଗିଁ ୱେଡ଼ିକା କିପିତ୍; ମାରି, ତାନି ଜିବନ୍ନୋନିମାନୁ ନିନ୍ ୱିଜୁ ୱାଲେ ୱେଡ଼ିକା ମାନ୍ଆ । ଏ ନା ମାରିନ୍, ଦାରିପାଣିକିନି ଆଇମା ଲାକ୍ତୁ ନିନ୍ ଏନ୍ଦା ସନି ? ମାରି ଆଇ ଲୋକା ଆଡ଼ିଦି ଗାତୁ ଏନ୍ଦା ଗୁର୍ନି ?
ୱାର୍ ମାରି ରିଏର୍ ଆଏର୍, ମାତର୍ ଅରେନ୍ନେ । ଆମାୱାରିଙ୍ଗ୍ ମାପୁରୁ ମିସାକିତାମାନାନ୍, ଆକା ଲୋକୁ ୱାରିଙ୍ଗ୍ ୱେରେଏ କିମାକିର୍ ।"
ଜିବନ୍ନୋନିକା ସାହାସ୍, ଦୟାକିନିକା । ଜିବନ୍ନୋନିକା ରିସା କିଏତ୍, ଜିବନ୍ନୋନିକା ଗର୍ବ କିଏତ୍, ଆକାର୍ ସିଲେ । ଜିବନ୍ନୋନିକା ତାଗ୍ଇ ବ୍ୟବ୍ହାର୍ କିଏତ୍, ସ୍ୱାର୍ଥପର ସେସ୍ଟା କିଏତ୍, ରିସା ଆଏତ୍, ଜିବନ୍ନୋନିକା ତାନି ଉଣ୍ତିଙ୍ଗ୍ କିଆୟ୍ଆତିମାନି ଅନ୍ୟାୟ୍ ଏତ୍ ଇଡ୍ଏତ୍ । ଜିବନ୍ନୋନିକା ଅଦାର୍ମୁଦୁ ୱେଡ଼ିକା କିଏତ୍, ମାତର୍ ସତ୍ତାନ୍ ୱେଡ଼ିକା କିନାତ୍ । ଜିବନ୍ନୋନିକା ୱିଜୁ ଇନିକା ସାସ୍ କିନାତ୍, ୱିଜୁ ବିସ୍ବାସ୍ କିନାତ୍, ୱିଜୁ ଆସା କିନାତ୍, ୱିଜୁ ବିସୟ୍ତୁ ସାସ୍ ଆସ୍ସି ତେବାନାତ୍ ।
କନ୍ଲିସିର୍ ନିଜେଦି ମେନ୍ଧଲ୍ ୱାଜା ଅଡ଼୍ବିଜି ନିଜେଦି ଆଡ଼ିଦିଙ୍ଗ୍ ଜିବନ୍ନୋନିକା ମାନାତ୍ । ଏନ୍ ନିଜେ ଆଡିଦିଙ୍ଗ୍ ଜିବନ୍ନୋନାନ୍, ୱାନ୍ ନିଜେଦିଙ୍ଗ୍ ଜିବନ୍ନୋନାନ୍ । ଏନ୍ ଏସାଙ୍ଗ୍ ନିଜେଦି ମେନ୍ଦଲ୍ତିଙ୍ଗ୍ କାଡ଼୍ଏନ୍ । ମାତର୍ ମେନ୍ଦଲ୍ତି ଉଣିକାତିନିକା କିନାନ୍ ମାରି ତାନି ଜାତୁନ୍ ଅନାନ୍ କ୍ରିସ୍ତ ଏଣ୍ତେସ୍ ମଣ୍ତଲିଦି ଜାତୁନ୍ କିନାନ୍ ।
ୱିଜୁ କନ୍ଲିର୍ ଆଡ଼ିଦିଙ୍ଗ୍ ନିଜେଦି ଜିବନ୍ନୋନି ୱାଜା ଜିବନ୍ନୋପିନ୍ ମାରି ୱିଜୁ ଆଡ଼ି ନିଜେଦି କନ୍ଲିଙ୍ଗ୍ ମାନାପିଉ ।
ମାରି ଇୟାୱିଜୁ ଗୁଣୁ ୱାଲେ ଜିବନ୍ନୋନିକା ମିସାକିଦୁ । ଜିବନ୍ନୋନିକା ୱିଜୁ ବିସୟ୍ତିଙ୍ଗ୍ ମିସାକିଜି ଉନ୍ଡ୍ରେମାନୁ କିନାତ୍ ।
ଅରେନ୍ ମାଡ଼ାନ୍ ରିଏର୍ ନେଗିକାର୍, ଇରିଙ୍ଗ୍ ୱାର୍ ନିଜେ ନିଜେଦି ପାଣିଦାନ୍ ନେଗି ପଲ୍ ପୋଇନାର୍ । ଜଦି ୱାର୍ ମେଡ଼୍ତିଙ୍ଗ୍, ଅରେନ୍ ନିଜେ ତୋଡ଼ୁଦିଙ୍ଗ୍ ନିକ୍ନାନ୍; ମାତର୍ ଏନ୍ ମେଡ଼୍ନି ୱାଲେ ଅରେନ୍ନେ ତେବାନାନ୍ ମାରି ୱାନିଙ୍ଗ୍ ନିକ୍ନି ଉଣ୍ତିଙ୍ଗ୍ ଆଇକାନ୍ ଏନ୍ ସିଲେନ୍, ୱାନ୍ ଦୁଃକ୍ ପଇନି ଲୋକ୍ । ମାରିବା, ରିଏର୍ ଅର୍ସେ ଡରିତିଙ୍ଗ୍ ଉସୁମ୍ ଆନାର୍; ମାତର୍ ଅରେନ୍ନେ ଏଣ୍ତେସ୍ ଉସୁମ୍ ଆଦେଙ୍ଗ୍ ଆଟ୍ନାନ୍ ? ଏନ୍ ଅରେନ୍ନେ ମାନି ଲୋକ୍ତିଙ୍ଗ୍ ଆରା କିନାନ୍, ଆର୍ତିଙ୍ଗ୍ ରିଏର୍ ୱାନି ବିରୁଦ୍ କିନାର୍; ମାରି ତିନିଗୁଣ୍ ନାସୁ ବେଗି ତେଉଦେଙ୍ଗ୍ ଆଟ୍ଏତ୍ ।