Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Unitowe fana muhuli muna umoyo wako,
na fana muhuli muna umkono wako,
kwaviya kuilonda kokala siku zose fana ifa,
na wivu wake wokwamha wanhu fana leme.
Milambi yake yolunguza fana milambi ya moto.
Mazi mengi hayadaha kuzima kuilonda,
na nyanda hazidaha kusegeza kuilonda.
One munhu yahageza kugula kuilonda,
na kulava vinhu vake vose kwa ichimu chake,
kezazehigwa muhala.
Mndele wangu kuusangalaza moyo wangu,
mhambe wangu kuusangalaza moyo wangu,
kwa kunilola mwanza umwe muhala,
na kwa usalu umwe wa mkufu wako wouvalile mwiisingo.
Nokulamba uninonele kwa mulomo wako,
kwaviya kunilonda kwako kunoga kufosa divai.
Mavuta yako yonung’hila goya,
zina jako dilinga fana mavuta yonung’hila goya yagidigwe,
lekamana mhambe wokulonda.
Weye yonikulonda, chihanga chako chinoga.
Meso yako yanoga fana huwa!
Muke kolonga
Weye yonikulonda, kweli chihanga chako chinoga,
mayani mabisi yezakuwa komwa jetu,
Maabaho Mndewa Mulungu kalonga, "Havinogile bule munhu kukala yaidumwe. Nizamuusila mtazi yomfaya."
Mndewa Mulungu kamulava muke muna ulubavu lolusoligwe kulawa kwa mulume iyo, na kamgala kwa mulume iyo. Maabaho mulume kalonga,
"Dino niijo vuha dilawile muna yamavuha yangu,
nyama ilawile muna zinyama zangu,
kezatangigwa muke
kwaviya kalavigwa mwa mulume."
Lekamana mulume kowaleka tati yake na mami yake na koilumba na muke wake, nawo wokuwa lukuli lumwe.
Munhu yopata muke kopata chinhu chinogile,
nayo kotogoligwa na Mndewa Mulungu.
Umdeng’helele muke iumsolile ung’hali mbwanga.
Yeye kanoga na kogenda vinogile fana mhala,
ulondo wake ukudeng’heleze siku zose,
unogelwe na ulondo wake siku zose.
Mwanangu, habali unogelwe na mwanamke malaya?
Habali umbandame muke imwenga?
Ivo siyo waidi kaidi, mbali lukuli lumwe. Ivochiya choyachilumbilize Mulungu, munhu sekeyachigole."
Munhu yeli na ulondo kofunya umoyo na kotaza, kabule migongo hebu matopa na haigoda. Munhu yeli na ulondo hapuwa hishima na hazahila faida yake mwenyewo na hakawa kupata ludoko na hapeta yehile. Munhu yeli na ulondo hadeng’helela yehile, mbali kodeng’helela yanogile. Munhu yeli na ulondo wokwehula yose, kololela yose, kohuwila yose, na kofunya umoyo siku zose.
Ivo walume wolondeka kuwanogela wake zawo fana ng’huli zawo wenyewo. Munhu yomnogela mke wake koinogela mwenyewo. Habule munhu yoyose yolwihila lukuli lwake, mbali kolulisa na kuluyawaza, niivo Chilisito nayo viyawatendele wahuwila wose,
Na mweye molondeka kutenda yano, chila mulume yamnogele mke wake fana viyoinogela mwenyewo, na chila mke yamtegeleze mulumake.
Yamwenga ya kongeza, muwe na ulondo kwaviya ulondo wolumbiliza chila chinhu muna ukuilumba chigangamavu.
Muhavu kuwa waidi kufosa munhu yaidumwe, kwaviya wanhu waidi wezagwekigwa kwa sang’hano yawo. One imwe wawo yahagwa, miyage komwinula. Mbali munhu yokala yaidumwe yahagwa kezagaya. Munhu iyo kabule munhu wa kumwinula. Iviya kuhawa na mbeho, wanhu waidi wogona hamwe wopata vuke. Vino munhu yahagona yaidumwe kezapataze vuke? Munhu yahawa yaidumwe kodaha kuhumigwa na mwihi, mbali wahawa waidi wezamuhuma. Nzabi nhatu zihogosigwe hamwe hazidumuka himahima.
Vino Mulungu hamtendileni mweye waidi muwe lukuli lumwe na muhe umwe? Vino kailunga choni viyatendile ivo? Kailunga cheleke wana wondawamtambikile yeye. Ivo chila mulume yawe mwaminika kwa muke wake iyamsolile yang’hali mbwanga.
"Mulume yasolile sambi kolondeka sekeyahite kuna ing’hondo hebu sekeyeng’higwe sang’hano yoyose, kolondeka yailegehe kwa mwaka umwe, muladi yakale ukaye na kudeng’helela na muke wake.