Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Guntuli pakwegera na gwenga handa shimaniziwu mumoyu gwaku,
yina handa shimaniziwu mumawoku mwaku.
Toziya ufiru wana makakala handa kufuwa,
weya viraa unaunkesera handa lisembi.
Ufiru ulunguziya handa motu
na gwaka handa mlipulipu gwa motu.
Malawa hapeni gatendi ufiru uperi,
pota nshemba ziwezandiri kuwudibiziya.
Handa muntu mekalaviyi lunda yoseri ya ukaya kwakuyi toziya ya ufiru,
mekabeziwi nakamu.
Walongu wa mdala
Gwee mfiru gwangu na mdala gwangu, yanikufira nentu
neni mbezandiri kukuleka,
mana pagundola hera mona ukufu musingu yaku.
Shondi gunoneri kwa mlomu gwaku,
mana ufiru waku unemiziya kuliku divayi.
Utuli waku ununkira weri
na litawu lyaku ndo handa utuli wawumiminitwi.
Toziya ayi wakawali wakufira!
Nakaka gwenga guherepa, mfiru gwangu,
nakaka guherepa na masu gaku gang’ereng’eta kwa ufiru.
Mdala
Nakaka guherepa gwenga yanikufira,
guherepa nakaka!
Pahala panu pa mihambi miwisi hapaweri shitanda shetu,
Mtuwa Mlungu kalonga, "Iherepa ndiri mpalu ayu kuwera gweka yakuwi, hanimtenderi muyaguwi gwa kumfaa."
Shakapanu Mtuwa Mlungu kamuwumba mdala kulawa muluwavu lyalulaviyitwi kwa mpalu ulii, kamjega kwa mpalu ulii. Su mpalu ulii kalikangasha na kalonga,
"Yina, ayu ndo shifupa kulawa mumafupa ganeni,
na shinofu kulawa muvinofu mwaneni.
Na ayu hakashemwi mdala.
Toziya kalaviyitwi kulawa kwa mpalu." Toziya ayi mpalu hakawaleki tati gwakuyi na mawu gwakuyi na hakalimamatiri na mdala gwakuyi na womberi wawili hawaweri nshimba yimu.
Yakapata mdala kapata shintu shiheri, na yomberi kalipanana upenderewu kulawa kwa Mtuwa.
Mbwiru yaku na itekelerwi, gumnemeleri mdala gwaku yagumhetiti paguweriti mntemba. Kaherepa handa mbalapi, kafiriziya handa mbawala. Maweri gakuyi gakufiriziyi mashaka goseri na ufiru wakuyi ukukisikiri mashaka goseri. Mwanagwangu, ntambu gaa gulopolwa na mdala muhumba? Ntambu gaa kumkisikira pashifuwa mdala yumonga?
Su womberi hawaweri ndiri wawili, kumbiti hawaweri yumu. Shakalemetiziyiti Mlungu, muntu nakashitula gweka."
Yakawera na mafiliru kahepelera na utanga na yakawera na mafiliru kahera weya, hapeni kaweri na malingisi ama kalitumba. Yakawera na mafiliru hapeni kakosi ligoya, hapeni kasakuli mota yakuwi mweni na hapeni kaweri na maya kanongola longola na hapeni katuli mumoyu vintu vidoda vyawamtendiriti. Mafiliru hapeni gasekeleri ukondola, kumbiti gasekelera unakaka. Muntu yakawera na mafiliru kahepelera goseri na kajimilira goseri na kakanka goseri.
Wapalu wafiruwa kuwafira wadala wawu handa nshimba zyawu weni. Yomberi yakamfira mdala gwakuwi, kalifira mweni. Kwahera muntu yoseri yakayilema nshimba yakuwi mweni, kumbiti kakuliyiziya na kuyivalasiya gambira Kristu ntambu yakashilolera shipinga sha wantu yawamjimira.
Kumbiti gawawusu mwenga viraa, kila mpalu mpaka kamfiri mdala handa ntambu yakalifira mweni na mdala kafiruwa kamsheri mpalu gwakuwi.
Kwa goseri aga ganongoleriti kulonga, muwongeri mafiliru, toziya mafiliru ganamataziya vintu vyoseri muwumu wawuwera mkamilika.
Mbaka wantu wawili yawatenda lihengu pamuhera kuliku muntu gwekayakuyi. Toziya hawalitangi kutenda lihengu weri. Handa yumu pakaguwa, myaguwi hakamgolusiyi. Kumbiti ndo mlandu gwa kuhinginiziya muntu pakaguwa pakawera gwekayakuyi na kahera gwa kumgolosiya. Viraa, wantu wawili pawagonja pamuhera hawahemuki, kumbiti muntu pakawera gweka yakuyi hakahemuki hashi? Mnkondu kaweza kumkanka muntu pakawera gweka yakuyi, kumbiti pawawera wawili waweza kumkomanga mnkondu na kumkanka. Handa ngoyi ntatu pazipotwa pamuhera hapeni zidumuki kalongola.
Malagaliru gamonga
Mpalu yakaweriti mundowa ya syayi, nakagenda mungondu, viraa nakapananuwa lihengu lyoseri. Yomberi kaweri mlekeru kwa shaka sha shinja shimu, su kalikali ukaya na kunemelera na mdala gwakuwi yakamuyugiti.