6 pone me ut signaculum super cor tuum ut signaculum super brachium tuum quia fortis est ut mors dilectio dura sicut inferus aemulatio lampades eius lampades ignis atque flammarum7 aquae multae non poterunt extinguere caritatem nec flumina obruent illam si dederit homo omnem substantiam domus suae pro dilectione quasi nihil despicient eum

9 vulnerasti cor meum soror mea sponsa vulnerasti cor meum in uno oculorum tuorum et in uno crine colli tui

2 fraglantia unguentis optimis oleum effusum nomen tuum ideo adulescentulae dilexerunt te3 trahe me post te curremus introduxit me rex in cellaria sua exultabimus et laetabimur in te memores uberum tuorum super vinum recti diligunt te

15 ecce tu pulcher es dilecte mi et decorus lectulus noster floridus16 tigna domorum nostrarum cedrina laquearia nostra cypressina

18 dixit quoque Dominus Deus non est bonum esse hominem solum faciamus ei adiutorium similem sui

22 et aedificavit Dominus Deus costam quam tulerat de Adam in mulierem et adduxit eam ad Adam23 dixitque Adam hoc nunc os ex ossibus meis et caro de carne mea haec vocabitur virago quoniam de viro sumpta est24 quam ob rem relinquet homo patrem suum et matrem et adherebit uxori suae et erunt duo in carne una

22 qui invenit mulierem invenit bonum et hauriet iucunditatem a Domino

18 sit vena tua benedicta et laetare cum muliere adulescentiae tuae19 cerva carissima et gratissimus hinulus ubera eius inebrient te omni tempore in amore illius delectare iugiter20 quare seduceris fili mi ab aliena et foveris sinu alterius

6 itaque iam non sunt duo sed una caro quod ergo Deus coniunxit homo non separet

4 caritas patiens est benigna est caritas non aemulatur non agit perperam non inflatur5 non est ambitiosa non quaerit quae sua sunt non inritatur non cogitat malum6 non gaudet super iniquitatem congaudet autem veritati7 omnia suffert omnia credit omnia sperat omnia sustinet

28 ita et viri debent diligere uxores suas ut corpora sua qui suam uxorem diligit se ipsum diligit29 nemo enim umquam carnem suam odio habuit sed nutrit et fovet eam sicut et Christus ecclesiam

33 verumtamen et vos singuli unusquisque suam uxorem sicut se ipsum diligat uxor autem ut timeat virum

14 super omnia autem haec caritatem quod est vinculum perfectionis

9 melius ergo est duos simul esse quam unum habent enim emolumentum societatis suae10 si unus ceciderit ab altero fulcietur vae soli quia cum ruerit non habet sublevantem11 et si dormierint duo fovebuntur mutuo unus quomodo calefiet12 et si quispiam praevaluerit contra unum duo resistent ei funiculus triplex difficile rumpitur

15 nonne unus fecit et residuum spiritus eius est et quid unus quaerit nisi semen Dei custodite ergo spiritum vestrum et uxorem adulescentiae tuae noli despicere

5 cum acceperit homo nuper uxorem non procedet ad bellum nec ei quippiam necessitatis iniungetur publicae sed vacabit absque culpa domui suae ut uno anno laetetur cum uxore sua