amor de Deus

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

8 Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.

38 Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, 39 wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.

Kə yi tə̂ to mâ ndə Ndjapä

7 Alaye ə̂në mə yində e ngbatshe kɔ, a yï tə̂ əzə̂ lə takpa tə̂ əzə̂, mbrə ə̂në kə yi tə̂ to mâ ndə Ndjapä, â əzü nɔ̂ ə̂në tshə sə kə yində azü, Ndjapä kə zû ətshə â tshə wusə̂ Ndjapä nə. 8 Əzü ə̂në tshə yində azü yi ne kɔ, tshə wûsə̂ Ndjapä wû alɔ bale ne, mbrə ə̂në Ndjapä nə kə də̂ kə yi tə̂.

9 Äwä ə̂në Ndjapä nə yîsə̂ kə yində əzə̂ ə̂në tshə yîndə əzə̂ kɔ gashu kɔ kə səye: tshə wlâ Ɨrɨ nə kʉ kpiabale gâ pâ ashɔ ndə kə pa a sə də sorô tə̂ äwä ye. 10 Tshelə âdâ kə yi tə̂ nə kə səye: ə də̂ əzə̂ də̂ kə yində Ndjapä nə ne, bale ətshə, tshə yîndə əzə̂ ə wlâ Ɨrɨ nə ndə kə pa tshə tshu mbrə əzə̂ ə gba tshelə anyaka lə kumu əzə̂.

11 Alaye ə̂në mə yində e ngbatshe kɔ, ə̂në Ndjapä nə yîndə əzə̂ ngbatshe rə kɔ, əzə̂ ndje, a lï ndə kə pa a yi tə̂ əzə̂ lə takpa tə̂ əzə̂.

16 Â əzə̂, a wusə̂ äwä kə yində əzə̂ ə̂në Ndjapä nə yîndə əzə̂ gâ ye kɔ, â a zâ lɔsu əzə̂ gâ tə̂ nə.

Ndjapä nə kə də̂ kə yi tə̂. Əzü ə̂në tshə daka pə tə̂ äwä kə yi tə̂, tshə sə lə Ndjapä nə, â Ndjapä nə sə tə̂ lɔsu ye.

19 Ənə̂ əzə̂, kə yi tə̂ sə tə̂ lɔsu əzə̂, mbrə ə̂në ətshə, Ndjapä nə, tshə yîndə əzə̂ angbʉlînə.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

7 Alaye əmə ə̂në mə yində e ngbatshe kɔ, ə də̂ ə̈bə̈ tafa âgbɔ̂ əpʉ də̂ mə sə kə ta ngrowô də əpʉ nə kə e kɔ ne, bale ə sə tə angbrɔ âgbɔ̂ əpʉ ə̂në e wûsə̂ nə kerə pə tə̂ ama nə gâ ye kɔ; angbrɔ âgbɔ̂ əpʉ səkɔ kə də̂ əpʉ sə̂ ə̂në e djî gâ ye kɔ. 8 Gâ pâ nə ndje, ə sə tə tafa âgbɔ̂ əpʉ də̂ mə ta ngrowô də əpʉ nə kə e kɔ, ə̂në əpʉ nə sə tə djatra əpʉ lə Kristə nə, ndje le e kɔ, mbrə ə̂në əbutshe sə kə ro nə â djatra ə̂yîəwo nə vɔ̂tə̂ kə tshe gâ ye.

3 Mbrə ə̂në äwä kə yində Ndjapä nə, kə də̂ kə pa a mbrə ərə ə lï də aəpʉ ə̂në tshə zâ ama də nə gâ ye kɔ. Â aəpʉ nə ə̂në tshə zâ ama də nə gâ ye kɔ, ə gbɔ gbɔ ne,

4 Əzü ə̂në tshə yində bəngâ nə, tshə sə kə ru tshelə ye, əzü ə̂në tshə yində bəngâ nə, tshə sə kə ma ə̂rɔ̂ nə kə ətshə, tshə sə sə kə za tshelə ye gâ tə̂ ye ne. Əzü ə̂në tshə yində bəngâ nə, tshə sə sə kə da əkro ye ne, tshə sə sə kə ma gao ne,

20 Ə də̂ əmə də̂ kə sə tə sorô kɔ ne, Kristə nə kə sə tə sorô nə lə əmə kɔ. Sorô ə̂në mə sə də nə kpəsəye tə əzü kɔ, mə sə də nə tə̂ äwä lɔsu əmə ə̂në mə zâ kə Ɨrɨ Ndjapä, ə̂në tshə yîndə əmə, ə̂në ə kâ tə̂ ye də ə̂tə̂ ye mbrə əmə kɔ.

4 Bale, Ndjapä nə sə kə wu əyo azü ngbatshe â sə kə yində əzə̂ tə bandanə. 5 Âdârə ə̂në, əzə̂ ə̂në a tshû mbrə aəmbrʉ aərə nə̂ əzə̂ nə gâ ye kɔ, tshə mbrə̂ əzə̂ də a-Kristə tə asorô gâ ye. Tə̂ äwä ə̂rɔ̂tə̂ Ndjapä də̂ e shê lə kuzu gâ ye kɔ.

5 Âgbɔ̂ Əyïngerə dö lɔsu e gâ tə̂ äwä kə yində Ndjapä də äwä kə kânga lɔsu e mata ə̂në Kristə kânga lɔsu ye gâ ye kɔ!