16 God i lavem tumas ol man long wol, nao hem i givim mi, mi stret Pikinini blong hem, mi wan nomo we hem i gat, blong olgeta man we oli bilif long mi bambae oli no save lus, oli gat laef we i no save finis.

8 Be God i lavem yumi tumas, mo i soemaot samting ya long yumi long fasin ya we Kraes i ded blong sevem yumi, long taem ya we yumi stap mekem i nogud yet.

38 Mi mi save finis we i no gat wan samting nating we i save tekemaot yumi long Kraes we hem i lavem yumi tumas. Bambae yumi ded, be hemia i no save tekemaot yumi, mo laef blong yumi i no save mekem. I no gat sam enjel, no sam haeman, no sam narafala paoa long heven we i save mekem. I no gat wan samting we i stap finis, no wan samting we bambae i kam, we i save mekem. 39 I no gat samting long ples blong God, mo i no gat samting long Hom* blong ol Dedman, we i save tekemaot yumi long hem. I no gat wan samting nating long olgeta samting we God i mekem, we i save tekemaot yumi long God, we hem i lavem yumi ya tumas, we yumi joen long Jisas Kraes, Masta* blong yumi.

3 be mi mi aot long ples blong mi we i longwe, mi kamtru long olgeta. Ol laen blong Isrel. Mi mi lavem yufala tumas, mo oltaem, fasin ya blong mi i stap pulum yufala i kam long mi.

1 ✝Olgeta.

Yumi talem tangkiu long Hae God,

from we hem i gud tumas.

Oltaem bambae hem i lavem yumi,

gogo i no save finis.

8 ✝Hae God, hem i gat sore,

mo oltaem hem i glad tumas

blong mekem i gud long man.

Hem i no save kros kwik,

fasin blong hem we oltaem i stap lavem man tumas,

hem i gud we i gud, i bitim mak.

15 Be Masta* long 35.22., yu yu God.

Fasin blong yu,

oltaem yu yu gat sore long man,

mo yu lavem hem tumas.

Oltaem yu stap mekem tingting blong yu i longfala,

mo yu yu kaen tumas,

oltaem yu stap holem ol promes blong yu.

3 Oltaem yu yu lavem mi,

mo fasin ya, mi mi wantem moa,

i winim we mi wantem stap laef.

From samting ya,

bambae mi presem yu.

7 Ol fren. Yumi mas lavlavem yumi, from we fasin ya blong lavem man, hem i kamaot long God. Olgeta we oli stap lavem narafala man, oli pikinini blong God, mo oli save God. 8 Man we i no save lavem narafala man, hem i no save God, from we God i stamba blong fasin ya blong lavem man.

9 God i gat wan Pikinini nomo blong hem, be hem i sanem hem i kam long wol ya, blong i mekem rod blong yumi, blong yumi kasem laef. Long samting ya nao, God i soemaot fasin blong hem blong lavem yumi. 10 Stamba blong fasin ya i no we yumi lavem God, be we God i lavem yumi, nao i sanem Pikinini blong hem, blong i ded blong mekem rod blong God i tekemaot ol sin blong yumi.

11 Ol fren. From we God i lavem yumi olsem, yumi tu i mas lavlavem yumi.

16 Yumi savegud fasin blong God blong lavem yumi, mo yumi bilif se hem i lavem yumi.

God, hem i stamba blong fasin blong lavem man. Man we i stap holem fasin ya oltaem, hem i stap joen gud long God, mo God i stap joen gud long hem.

19 Yumi stap lavem God mo ol narafala man, from we God i lavem yumi fastaem.

1 ✝Yufala i mas luklukgud long fasin ya blong Papa blong yumi, we hem i lavem yumi tumas, nao i singaot yumi se pikinini blong hem. Mo tok ya i tru, yumi ol pikinini blong hem. Ol man blong wol ya oli no save yumi, from we oli no save God.

7 ✝Ol brata mo sista. Loa ya we mi stap raetem i kam long yufala, hem i no wan niufala loa, i wan olfala loa we yufala i harem finis, taem yufala i kasem gud nius ya fastaem. Olfala loa ya i tok we yufala i harem finis. 8 Be i tru, loa ya we mi stap raetem i kam long yufala, hem i wan niufala loa tu. Laef blong Kraes i soemaot we loa ya i tru, mo laef blong yufala tu i soemaot samting ya, from we naoia, tudak i stap lus, mo prapa delaet i stap kamtru.

3 ✝Sipos yumi lavem God, hemia i min se yumi stap folem ol tok blong hem. Mo ol tok blong hem i no strong tumas blong folem,

4 Man we i stap lavem man, tingting blong hem i longfala, mo hem i gat sore long man. Man olsem, hem i no save jalus, mo i no save mekem tingting blong hem i go antap, mo i no save flas.

17 Hae God i God blong yufala,

mo hem i stap wetem yufala.

Paoa blong hem

i stap mekem yufala i win.

Hem bambae i glad long yufala.

Fasin blong hem

we oltaem hem i stap lavem man,

bambae i mekem yufala i gat niufala laef.*

Hem bambae i glad tumas long yufala

we bambae i stap singsing from.

17 Man we i laekem mi tumas,

mi mi laekem hem tumas,

mo man we i stap lukaot mi,

hem i save faenem mi.

4 Mi mi rere blong lego ol man

blong plante narafala kantri

i go long han blong olgeta ya,

blong mi save sevem yufala,

from we mi mi tinghevi tumas long yufala,

mi lavem yufala, mo mi wantem leftemap nem blong yufala.

9 God,

insaed long haos* blong yu,

mifala i stap tingting long fasin ya blong yu,

we oltaem yu yu lavem man tumas.

10 Fasin blong yu,

oltaem yu stap lavem tumas olgeta

we oli save yu,

mo yu stap mekem i gud long olgeta

we fasin blong olgeta i stret.

Plis yu no lego fasin ya blong yu.

20 Naoia, i no moa mi ya we mi stap laef, be Kraes nomo i stap laef long mi. Mo laef ya we mi stap long hem naoia, mi mi gat from we mi bilif long hem, we hem i Pikinini blong God. Hem i lavem mi, nao i givim laef blong hem, i ded blong sevem mi.

4 Be God i sore tumas long yumi, mo hem i stap lavem yumi tumas. 5 Nao taem yumi stap olsem we yumi ded, from we yumi no bin obei long God, hem i joenem yumi long Jisas Kraes*, i mekem yumi olsem we yumi laef bakegen wetem hem. Hemia i samting blong gladhat blong God nomo, we hem i givhan long yufala olsem, i sevem yufala.

14 Prea blong mi we oltaem Jisas Kraes, Masta blong yumi, bambae i stap givhan long yufala evriwan long gladhat blong hem, mo God bambae i lavem yufala, mo Tabu Spirit bambae i stap wetem yufala evriwan.

5 Mo mitrifala i stap prea se Masta blong yumi bambae i lidim tingting blong yufala, blong mekem yufala i savegud lav blong God, mo fasin blong Kraes we hem i stap stanap strong oltaem.* Mo sekenwan i talem se, Mo mitrifala i stap prea se Masta blong yumi bambae i lidim tingting blong yufala, blong mekem yufala i lavem God, mo blong mekem yufala i stanap strong long paoa blong Kraes.