amor de Deus
O amor de Deus é a maior realidade do universo. Ele nos amou com amor eterno, incondicional e sacrificial — e nada no mundo pode nos separar desse amor.
Amor eterno
Deus amou o mundo de tal maneira que deu o seu Filho. Seu amor é de eternidade a eternidade — nunca falha.
"किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।
पर परमेशर करा हाम्हां संघै एतरी झ़ूरी कि ज़ेभै हाम्हैं पापी तै, ईशू मसीहा दैनी म्हारी तैणीं आपणीं ज़ान।
किल्हैकि मुखा आसा थोघ कि नां मौत, नां ज़िन्दगी, नां स्वर्ग दूत, नां जमदूत, नां एभै, नां आगली ज़िन्दगीए फिकर, नां शगती, नां उछ़टी ज़ैगा, नां डुघी ज़ैगा, नां कोई होर संसार हाम्हां परमेशरे झ़ूरी का ज़ुदै करी सकदै, ज़ुंण म्हारै प्रभू ईशू मसीहा दी आसा।
खास्सी साला पैहलै बोलअ त बिधाता इज़राईला लै, "हुंह झ़ूरा तम्हां लै सदा। मेरअ तम्हां लै झ़ूरनअ आसा अटल़ अर मुंह लागा कबल्ली थारी झींण।
बिधातो शूकर करा, किल्हैकि सह आसा भलअ,
सह झ़ूरा हाम्हां लै सदा।
बिधाता आसा झ़ूरनै आल़अ अर झणैल़ू,
तेऊ निं धखी का रोश्शै एछदी अर तेऊए झ़ूरी आसा अटल़।
पर हे मेरै मालक, तूह आसा हाम्हां लै जश दैणैं आल़अ अर झणैल़ू परमेशर,
तूह निं छ़ेक्कै रोश्श करदअ अर एतो सका हाम्हैं निहंचअ डाही कि तूह झ़ूरा हाम्हां लै खास्सअ।
तेरी झींण आसा मुल्है मेरी ज़िन्दगी का बी पैरी,
मुंह करनी तेरी ई बड़ैई।
Natureza do amor divino
Deus é amor. O amor é paciente, benigno. O amor do Pai nos adota como filhos e nos transforma à sua imagem.
मेरै पैरै भाईओ, हाम्हां लागा आप्पू मांझ़ै झ़ूरी करनी। किल्हैकि झ़ूरी आसा परमेशरा का अर ज़ुंण होरी लै झ़ूरी करा सह आसा परमेशरे लुआद, अर सह बछ़ैणा परमेशरा। ज़ुंण होरी लै झ़ूरी नांईं करदअ, तेऊ का निं परमेशरो थोघ आथी, किल्हैकि परमेशर आसा झ़ूरी।
ज़ुंण झ़ूरी परमेशर हाम्हां संघै करा, सह हुई इहअ करे प्रगट कि परमेशरै छ़ाडअ आपणअ कल्हअ पूत संसारै ताकि हाम्हां तेऊ करै सदा रहणैं आल़ी ज़िन्दगी भेटे। झ़ूरी निं एता दी आथी कि हाम्हैं किई परमेशरा संघै झ़ूरी, पर सह आसा एता दी कि परमेशरै किई हाम्हां लै झ़ूरी अर म्हारै पापे प्राश्ते तैणीं दैनअ आपणअ पूत एऊ संसारा लै।
मेरै पैरै भाईओ, ज़ै परमेशरै हाम्हां संघै एही झ़ूरी किई, तै लोल़ी हाम्हैं बी आप्पू मांझ़ै झ़ूरी किई।
ज़ुंण झ़ूरी परमेशर हाम्हां संघै करा, सह झ़ूरी हेरी हाम्हैं बछ़ैणीं अर हाम्हैं करा तेऊ परमेशरा दी विश्वास। परमेशर आसा झ़ूरी।
ज़हा दी झ़ूरी बस्सा, सह बस्सा परमेशरा दी अर परमेशर बस्सा तेऊ दी।
हाम्हैं करा तै एकी-दुजै संघै झ़ूरी कि पैहलै किई परमेशरै हाम्हां संघै झ़ूरी।
सोठा, बाब परमेशरै हाम्हां संघै केही झ़ूरी किई, कि हाम्हैं तेऊए लुआद हई सके। हाम्हैं तेऊए लुआद आसा बी, तैही निं संसार हाम्हां बछ़ैणदअ, किल्हैकि तिन्नैं निं प्रभू, म्हारअ बाब परमेशर बी बछ़ैणअ।
मेरै पैरै भाईओ, हुंह निं तम्हां लै किछ़ै नऊंअ हुकम लिखदअ, पर ईंयां आसा तिंयां ई पराणैं हुकम ज़ुंण तम्हां सेटा शुरू का आसा भेटै दै, ईंयां पराणैं हुकम आसा तिंयां ई बैण ज़ुंण तम्हैं तधू आसा शूणैं दै ज़धू तम्हैं मसीहा दी विश्वास किअ। तेखअ लिखा हुंह तम्हां लै एक नऊंअ हुकम, अह आसा असली सह सत्त ज़ेथ मसीहा त अर तम्हैं बी आसा। किल्हैकि न्हैरै ज़ेही बूरी गल्ला लागी दूर हंदी अर सत्तो प्रैश्शअ लागअ च़मकदअ।
म्हारी परमेशरा संघै झ़ूरी आसा अह कि हाम्हैं मना तेऊओ ई हुकम अर तेऊओ हुकम निं हाम्हां लै कठण आथी।
ज़ुंण होरी लै झ़ूरी करा, सह डाहा सबर अर दुजै लै झींण अर ज़ुंण झ़ूरी करा सह निं कोहिए निंदा करदअ आथी, झ़ूरी निं आपणीं बड़ैई करदअ आथी, अर नां आप्पू सराहंदअ आथी,
Expressões do amor de Deus
O Senhor nos ama com alegria e canta sobre nós. Queni a mim vem, amará; e quem me ama, o Pai o amará.
थारअ परमेशर बिधाता आसा तम्हां संघै।
सह आसा बलबान अर तेऊ हेरनै तम्हैं बच़ाऊई।
तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै।
तेऊ बोल़णीं गिह किल्हैकि सह आसा तम्हां करै खास्सअ खुश।"
ज़ुंण मुंह अक्ली बाखा झ़ूरा, तिन्नां लै झ़ूरा हुंह बी,
ज़ुंण मानदारी संघै मुंह लोल़ा, तेऊ जाआ हुंह भेटी।
थारी ज़िन्दगी बच़ाऊंणे पिछ़ू छ़ाडणैं मुंह सोभ देश,
किल्हैकि तम्हैं आसा मुल्है सोभी मणछा का खास अर किम्मती।
किल्हैकि हुंह झ़ूरा तम्हां लै खास्सअ अर हुंह करा थारअ अदर।
हे परमेशर, तेरै भबना भितरी शुझिआ हाम्हां का
हाम्हां लै तेरी अटल़ झ़ूरी।
हे बिधाता, ज़ुंण ताल्है झ़ूरा, तिन्नां लै दै आपणीं झ़ूरी तरैल़ी करै,
ज़ुंण धर्मीं आसा तिन्नां लै कर भलअ।
ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।
पर परमेशरा लागा म्हारी खास्सी झींण अर सह करा हाम्हां लै खास्सी झ़ूरी। मसीहा दी विश्वास करनै का आजी तै हाम्हैं पाप करनै पिछ़ू मूंऐं दै ज़िहै, परमेशरै दैनी हाम्हां लै ज़िन्दगी ज़ेभै तेऊ मसीहा मरी करै भिई ज़िऊंदअ किअ अर परमेशरे जशा करै ई आसा थारअ उद्धार हुअ द।
प्रभू ईशू मसीहो जश अर परमेशरे झ़ूरी अर पबित्र आत्मां लोल़ी सदा तम्हां संघै रही।
हाम्हैं करा प्राथणां कि म्हारअ प्रभू ईशू मसीहा ऐहा गल्ला थारै दिलै पाए कि परमेशर तम्हां लै केतरी झ़ूरी करा अर ज़ेभै लोग तम्हां कष्ट दैए तेभै सह सबर करना लै थारी मज़त करे ज़ेही तेऊ आप्पू सबर किअ।