34 ታን ህንተንታ ኦራ አዛዙዋ አዛዛይ፤ እቱ እቱዋ ሲቅተ። ታን ህንተንታ ሲቄዳዋዳንካ፥ ህንተንቱ እቱ እቱዋ ሲቃና በሴ። 35 ህንተንቱ እቱ እቱዋና ሲቀቶፐ፥ ታና ካልያዋንታ ግድያዋ አሳይ ኡባይ ኤራና" ያጌዳ።

12 ታ አዛዙ ሀዋ፤ ታን ህንተንታ ሲቅያዋዳን፥ ህንተንቱካ እቱ እቱዋና ሲቀትተ።

13 ባረ ሸምፑዋ ባረ ላገዉ አደ እምያዋፐ አያ ሲቁ ኦስነካ ባዋ።

11 አያዉ ጎፐ፥ ኮይሩዋፐ ህንተ ስሴዳ ኪታይ፥ "እቱ እቱዋና ሲቀታናዉ በሴ" ያግያዋ።✝

14 ኑን አማንያዋንታ ሲቅያ ድራዉ፥ ሀይቁዋፐ ደኦ ፕኔዳዋ ኤሬቶ፤ አማንያዋንታ ሲቀና ኡራይ ኦንነ ሀይቁዋ ግዶን ደኤ።

16 ክርስቶስ ባረ ሸምፑዋ ኑ ድራዉ አደ እሜዳዋን ሲቁ አየንቶ ኑን ኤሬዶ፤ ኑንካ አማንያዋንቱ ድራዉ፥ ኑ ሸምፑዋ አደ እማናዉ በሴ። 17 ሽን ዱረ አሳይ ኦንነ ባረ እሻይ መቶትያዋ በኢደ፥ አዉ ቃረተናን እጾፐ፥ ባረ ዎዛናን ጾሳ ሲቃይ ጋናዉ ዋን ዳንዳዪ? 18 ታ ናቶ፥ ኑን ኦሱዋንነ ቱማተን ሲቀቶይተፐ አትን፥ ጮ ሃሳያን ዎይ ቦላ ዶናን ሲቀታናዉ በሰና።

7 ታ ሲቃቶ፥ ሲቁ ጾሳፐ ይያ ድራዉ፥ አነ እቱ እቱዋና ሲቀቶይተ። ሲቀትያ ኦንነ ጾሳ ናና፤ ጾሳካ ኤሪኖ።

10 ሲቁዋ ግያዌ ሀዋ፤ ጾሳይ ኑና ሲቂደ፥ ኑን ኑ ናጋራፐ ማሮተ ደሜዳ ባረ ናኣ ኑዉ ኪቴዳፐ አትን፥ ኑን አ ሲቄዳዋና ግደና።

11 ታ ሲቆቶ፥ ጾሳይ ኑና ሀዋዳን ሲቄዳዋ ግዶፐ፥ ኑንካ እቱ እቱዋና ሲቀታናዉ በሴ። 12 ጾሳ ኦንነ ሙለካ በእቤና፤ ኑን እቱ እቱዋና ሲቀቶፐ፥ ጾሳይ ኑ ግዶን ደኤ፤ አ ሲቁካ ኑ ግዶን ፖለቴዳ።

20 ኦንነ፥ "ታን ጾሳ ሲቃይ" ጊደ ባረ እሻ እጾፐ፥ እ ዎርዱዋ። አያዉ ጎፐ፥ በኤዳ ባረ እሻ ሲቀናዌ በእቤና ጾሳ ሲቃናዉ ዋን ዳንዳዪ? 21 ቃይ ክርስቶስ ኑዉ እሜዳ አዛዙ ሀዋ፤ ጾሳ ሲቅያ ኡራይ ባረ እሻካ ሲቃናዉ በሴ።

10 እቱ እቱዋና እሻቱዋዳን ሲቀትተ፤ እቱ እቱዋ ቦንችያዋን ናሸትተ።

8 ህንተንቱ እቱ እቱዋና ሲቀታናፐ አትን፥ ሀራ አጩ ኦ ቦላንነ ደኦፖ። አያዉ ጎፐ፥ ሀራ ሲቅያ ኦንነ ህጊ ግያዋ ፖሌዳ።

8 ዉርሰን፥ ኡባይ እት ቆፋን ደእተ። እቱ እቶ ቃረትተ፤ እሻቱዋዳን ሲቀትተ፤ ቃይ እቱ እቶ ኬክያዋንታነ ህንተ ሁጲያ ካዉሽያዋንታ ግድተ።

8 ሲቁ ዳሮ ናጋራ ካምያ ድራዉ፥ ኡባባፐ አደ እቱ እቱዋና ዎዛናፐ ሲቀትተ።✝

9 ህንተ ህንተንቱ ሁጲያን እቱ እቱዋ ሲቃናዳን፥ ጾሳይ ህንተና ታማርሴዳ ድራዉ፥ ህንተንቱ ህንተንቱ እሻቱዋ ዎት ሲቃናዉ በስንቶ፥ ኑን ጻፋናዉ ኮሸና።

1 ህንተንቱ እሻቱዋ ሲቅያዋ አጎፕተ። 2 እማ ሞክያዋካ ዶጎፕተ። አያዉ ጎፐ፥ ያትያዋን እት እት አሳይ ኤረናን ኪታንቻቱዋ ሞኬዳ።✝ 3 ቃሾ ጎለን ደእያዋንቱባ ህንተንቱካ ኡንቱንቱና እትፐ ቃሾ ጎለን ደእያዋዳን ቆፕተ፤ ቃይ ህንተንቱ ህንተንቱ ሁጰዉ ዋየትያዋዳን፥ ዋየትያዋንቱባ ቆፕተ።

14 ሄዋ ኡባ ቦላ፥ ኡባባ እትፐ ሺሽ ቃችያ ሲቁዋ ማይተ።

37 የሱስ ዛሪደ፥ ሀዋዳን ያጌዳ፤ " ‘ኔን ጎዳ ነ ጾሳ ነ ኩመን ዎዛናፐ፥ ነ ኩመን ሸምፑዋፐ፥ ነ ኩመን ቆፋፐ ሲቃ’ ያጌዳ።✝ 38 ሄዌ ኡባፐ ዳርያ አዛዙዋነ ቃይ ኡባፐ አያ አዛዙዋ። 39 ቃይ ላኤንያ አዛዙካ አ ማላ፤ ሄዌ፥ ‘ኔን ነ ሾሩዋ ነ ሁጲያዳን ሲቃ’ ግያዋ።✝

8 ሽን ጾሳ ማጻፋን፥ "ነ ሾሩዋ ነ ሁጲያዳን ሲቃ" ጌተቲደ ጻፈቴዳ ካትያ ህግያ* ህንተ ፖሎፐ፥ ሎኦባ ኦታ።✝