2 ዮሃንሳ ኪታ 1

1,2 ታን አማንያዋንታ ካለያ ጭማይ፥ ህንተንቶ፥ ዶረቴዳ ገንዉነ እዝ ናናዉ*1-2 ዶረቴዳ ገንዉነ እዝ ናናዉ፦ ኦን ኤር ሀዌ ጻፈቴዳዌ፥ ዎሳ ጎለዉነ እዝን ደእያ ጎዳ ካልያ አማንያዋንቶ ግደናን አገና። 13 ጼልተ። ሀ ዳብዳቢያ ጻፋይ፤ ኑ ግዶን ደእያ ቃይ ኑናና መናዉ ደአና ቱማተ ድራዉ፥ ታን ህንተና ቱሙ ሲቃይ። ቃይ ታ ጻላላ ግደናን፥ ቱማተ ኤርያ ኡባቱ ህንተና ሲቂኖ።

3 ጾሳ ኑ አዉዋነ አ ናኣ የሱስ ክርስቶሳ አ ኬካተይ፥ ማሮተይነ ሳሮተይ ቱማተንነ ሲቁዋን ኑናና እትፐ ግዶ።

ቱሙዋባነ ሲቁዋባ

4 ጾሳ አዉ ኑና አዛዜዳዋዳን፥ ነ ናናቱዋፐ አማሬዳዋንቱ፥ ቱማተን ደእያዋ በኣደ ታን ዳሮ ናሸታድ። 5 ሲቆ ገኔ፥ ሀእካ ኑን ኡባይ እቱ እቱዋና ሲቀታና ማላ፥ ታን ኔና ዎሳይ፤ ሀ አዛዙ ካሴደፐ ኑናና ደእያ አዛዙዋፐ አትን፥ ታን ነዉ ኦራ አዛዙዋ ጻፍከ።✝5 ዮሃ. 13:34፤ 15:12፣ 17 6 ሲቁዋ ግያዌ ኑን ጾሳ አዛዙዋ ናጊደ ደእያዋ ግያዋ። ቃይ ኮይሩዋፐ ህንተ ስሴዳዋዳንካ፥ አ አዛዙ አዬ ጎፐ፥ ህንተ ኡባይ ሲቁዋን ደአናዋ።

7 አያዉ ጎፐ፥ የሱስ ክርስቶስ አሳ ግዲደ ዬዳዋ አማኖኮ ግያዋንቱ፥ ባለያ ዳሮ አሳቱ፥ ጋደ ግዶ ገሌድኖ። ሄዋ ማላ ኡራይ ኦንነ አሳ ባለያዋነ ክርስቶሳ ኤቀትያዋ። 8 ህንተ ኦዳዎ ኩመን ዎይታ አካናፐ አትን፥ ኑን*8 ኑን፦ እት እት ጌሻ ማጻፋ ብለይ፥ "ህንተንቱ" ያጌ። ኦዳዋ ባይዘና ማላ፥ ህንተና ናግተ።

9 ክርስቶሳ ትምርትያፐ ሃክያ ኡራዉነ ቃይ አ ትምርትያን ደኤና ኡራዉ ጾሳና እትፐተይ ባዋ። ክርስቶሳ ትምርትያን ደእያ ኡራዉ ጾሳ አዉዋናነ አ ናኣና እትፐተይ ደኤ። 10 ኦንነ ህንተኮ ዪደ፥ ሀ ትምርትያ አሄናን አጎፐ፥ ህንተ ጎለ አ ገልሶፕተ፤ ሳሮካ ጎፕተ። 11 አያዉ ጎፐ፥ አ ሳሮ ግያ ኡራይ አ ኢታ ኦሱዋ አናና ግሸቴ።

ዉርሰ ሳሮታ

12 ታን ህንተንቶ ጻፋናዉ ኮዬዳ ዳሮባይ ደኤ፤ ሽን ዋራቃታንነ ቃላምያን ጻፋናዉ ኮያበይከ፤ ሽን ኑ ናሸቻይ ፖለታና ማላ፥ ህንተናና ዶናን ሃሳያናዉ ህንተኮ ባና ጋደ ቆፓይ።

13 ሲቆ ገኔ፥ ጾሳይ ዶሬዳ ነ ምቻት ናናይ ኔና ሳሮ ሳሮ ያጊኖ።