Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
Tin, Zɛɛb naatel dáa nyɛ di ekwyɛl mena ɛ: Klisto nagwyɛ ɛ́ kɔ ɛsu ɛ lena, é ghɛŋ mena nadika mena dinaa bot ɛ mesyem ɛ.
Tin, ye nɛ lyel náá, mot myaal ɛsyee étɛp sɔ mot, ye nakoozodi náá, sɔ tak ɛ́ mot epiki. Deenek, mot ɛ́ nɛ ghwyil ɛbela mɛghaaz mɛ ɛgwyɛ, étɛp mot di esa enɛm esa ɔ. Tin, Zɛɛb naatel dáa nyɛ di ekwyɛl mena ɛ: Klisto nagwyɛ ɛ́ kɔ ɛsu ɛ lena, é ghɛŋ mena nadika mena dinaa bot ɛ mesyem ɛ.
tin, bot djas naazesyem, duma ɛ Zɛɛb tokapɛ tɔ lɔɔ. Tin, Zɛɛb tɔ enɛm nɛ embɛɛ bɛ, nyɛ eesa náá, mot di piki é mis mɛ, kɔ ɛsu ɛ Yezu Klisto mot di epɛk bot tɔ mesyem, ààbɛ nɛ efute ɔ.
Ɛzɛ di nɛ ghwyil ɛbɛk mena nɛ kwyɛl ɛ Klisto? Yɛ ɛ́ nɛ ghwyil ɛdi mezuk é, kɛŋ é, mɛtiiga, za, eduuba é, embee etɛp é, nɛghu ɛsyee?
Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn’ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm.
Tin, menabɛlka djas nasesaka esonok ɛ́ dáa bɔɔ. Mena nasesaka esonok ɛ́ dáa gwyes epuud nɛ embee esiiza bina nadi elwom mena ɛ. Deenek, Zɛɛb naazekpaa lyem kɔ ɛsu ɛ lena, dáa nyɛ nakpaa lyem nɛ bot ɛ sok ɛ.
Tin, Zɛɛb ɛ́ nɛ boo lyem ghoŋ, nyɛ nɛ kwyɛl mena ɛbuɛpe dhaa nyel. Yɛ ɛ́ dum nɛ kwyɛl tak ɛ, nyɛ nasa náá, mena baadika nɛ tsik sama wat nɛ Klisto. Dáa ye di náá, mena naazegwyɛka étɛp ɛdjak ɛ lena ɛ, Zɛɛb natsik mena ɛ́ kɔ ɛsu ɛ enɛm nɛ embɛɛ bɛ.
Tin, é sok Zɛɛb Mɛtsik-bot yenaka natel bot djas enɛm esa bɛ, nɛ ɛlyaal kwyɛl’ɛ ɛ,
nyɛ naatsik mena. Nyɛ ààpatsik mena etɛɛ náá, mena naasaka esa di náá, yɛ ɛ́ piki ɛ,
deenek, ye nabɛ ɛ́, etɛɛ náá, nyɛy, nyɛ ɛmet naagek mena ghoŋ.
Nyɛ natsik mena ɛ́, nɛ mɛdii mɛ ɛduwa Zɛɛb mena naduwaka é ɛbyel ɛ na bes ɛ,
nɛ Sisim na Dɛɛ ɛ di edjɛ tsik na bes ɛ.
Etɛɛ náá, Zɛɛb naadjɛ mena Sisim na Dɛɛ ɛbuɛpe,
kɔ lo ɛ Yezu Klisto Mɛtsik-bot menaka,
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
Beeka dáa Zɛɛb di elyaal náá, nyɛ nɛ kwyɛl mena ɛ: Nyɛ naadhis Sɛɛŋɛlɛ Mɔn’ɛ kɔ ɛko ɛ bɔs, étɛp bot neebela tɛtɛ tsik kɔ ɛsu ɛ lɛ.
Beeka sa di edjóoaa kwyɛl ɛ: Ye tok náá, menabɛlka ɛ́ nakwyɛl Zɛɛb, tin, yɛ ɛ́ nyɛ ɛ nakwyɛl mena. Nyɛ bookadhis Mɔn’ɛ, mot naka nyel’ɛ é buwa étɛp ɛpelak ɛ mesyem mena ɔ.
Yɛ kabɛ menabɛlka ɔɔ, mena kwyɛlelka ɛ́, etɛɛ náá, Zɛɛb ɛ naleekan ɛkwyɛl mena sok.
Beeka dáa mena di egu tyee mena di egoka nɛ ɛkwyɛl bɔɔ bɛsɔ bina ɛ: Yezu Klisto naadjɛ tsik’ɛ kɔ ɛsu ɛ lena. Deenek, ye goka ɛ́ náá, menabɛlka pe baadjɛ tsik’enaka étɛp bɔn-nyɛɛg bina.
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
Kwyɛl ɛ́ ɛmaad, kwyɛl ɛ́ ɛsa enɛm esa, kwyɛl tok nɛ zok, kwyɛl tok nɛ ɛbet, nɛghu ɛghɛa nyel. Kwyɛl ààsa etɛp e sen, kwyɛl ààsa ekaa, kwyɛl ààbiyo, kwyɛl tok nɛ ɛbuk tɔ lyem nɛ mot.
Kwyɛl ààmyaala nɛ embee etɛp. Tin, nyɛ myaala ɛ́ nɛ etsɛɛtsɛ. Kwyɛl nɛ pel etɛp djas, kwyɛl nɛ myaal etɛp djas, nyɛ ɛ́ nɛ ɛbwaalel nɛ etɛp djas, nyɛ ɛ́ nɛ mɛghaaz tɔ etɛp djas.
Kwyɛl nɛ bot ɛ mɛbhuka
«Ye nabɛ ɛ́, bi naagwak náá: "Ye goka ɛ́, wɔ kwyɛl sɔ’ɔ mot, da wɔ ɛ́ byen mot mɛbhuka mɔ." Yɛ bɛ mam ɔɔ, mɛ kalɛɛ bin ɛ́ náá, kwyɛlka bot ɛ mɛbhuka men. Djaalaka Zɛɛb kɔ ɛsu ɛ bot ɛ di etiig bin ɔ. Yɛ ɛ́ deenek ɛ bi aadi bɔn Sɛɛg’en di pɛ tɔ gwoo ɔ, etɛɛ náá, Zɛɛb ɛ di esa náá, gwyes kas kɔ bot djas, bɛmbee ɛ bot nɛ bɛtɛtɛ ɛ bot. Tyee wat, Zɛɛb sil bhi ɛ́, étɛp bot ɛ di sosoob ɔ, nɛ bot ɛ di ààbɛ sosoob ɔ. Yɛ bɛ náá, bi zokwyɛl ɛ́ bot ɛ di ekwyɛl bin ɔɔ, étɛp yé bi di bun náá, bi ɛ́ waabela efute aadus pɛ ɛko ɛ? Dɔɔ nɛ bɛnɔŋel ɛ epata e lapo zobaakwyɛl ɛ́, bot ɛ di ekwyɛl bɛ ɔ. Yɛ bɛ náá, bi zoswos ɛ́ bɔn-nyɛɛg bin ɔɔ, bi bee tin ɛ́ náá, bi ɛpesa enɛm esa? Etɛɛ náá, bot ɛ di ààbɛ bot ɛ membyak mɛ sis ɔ, bɔɔ pe zobaasa ɛ́ deenek! Dika nɛ mbɛɛ elyem dáa Sɛɛg’en di tɔ gwoo ɔ di nɛ mbɛɛ lyem ɛ.»
Ɛkwyɛl ɛ bot ɛ di ebhina bin ɔ
«Yɛ bɛ biyɔ, bot ɛ di egwak mɛ ɔɔ, mɛ lɛɛ bin ɛ́ náá, kwyɛlka bot ɛ mɛbhuka men. Saka enɛm esa nɛ bot ɛ́ di ebhina bin ɔ. Sɛɛka bot ɛ di ekal bin ɔ, mɛtel. Da bi ɛ́ baadjaala Zɛɛb étɛp bot ɛ́ di esa bin ɛbiyo ɔ.
É di’enek, sa di ɛnyɔɛpe dhaa tyɛ ɛ, yɛ ɛ́ ɛkwyɛlel pak’en, etɛɛ náá, kwyɛl nɛ diyal mbula mesyem.