8 Nyii bɔŋ nɔʼ dʉ̀ʼ ŋkʉ̂ʉ-i tʉ bʉʼʉ mbɔ, ndʉʉ ndə bʉʼʉ kə bíe mu bʉ̂ʼtə-ʉʼʉ, Klai gwè kwú yie-bʉʼʉ.

7 I nɔ kɛŋ shʉ́ə tʉ wo ndə məkwú yie-wo ndə ɔ bɛ ndyʉndyʉ, bɔŋ bəkɔ i bɛ mbɔ wo bu kʉ̀ʉ ndə məkwú yie-wo jyujyu. 8 Nyii bɔŋ nɔʼ dʉ̀ʼ ŋkʉ̂ʉ-i tʉ bʉʼʉ mbɔ, ndʉʉ ndə bʉʼʉ kə bíe mu bʉ̂ʼtə-ʉʼʉ, Klai gwè kwú yie-bʉʼʉ.

23 Bʉʼka bʉə bənchəŋ nɔʼ chìi bʉ̂ʼʉ, dɔ̀ŋnə mbʉə məgʉə-Nyii. 24 Bɔŋ bʉʼka buuŋjyu-Nyii ndə ɔ̃ kɔ́ njʉnjʉ, ɔ nɔ chìi bʉə bənchəŋ ndə məbɛ ndyʉndyʉ tʉ ɔŋ tíŋ hə bɔ̌ŋ Klai Jiso, ndə ɔ kə chʉ̀ʼ tʉkə-ʉə.

35 Bɛ ka ndə bəkɔ i wɔ̀ʼtə bʉʼʉ ndə ŋkʉ̂ʉ-Klai? Bɛ ŋgʉəʼ mɛ, bɛ məlíŋ mɛ, bɛ məchɔ́ŋhə ndə bə tʉʼ chɔ́ŋhə bʉʼʉ mɛ, bɛ chyʉʉ mɛ, bɛ mətòʼ kənchiʼtʉʉ mɛ, bɛ mə bɛ chu-kwú mɛ, byuunɔ məfɛ̀ŋhə nə kwu?

16 "Bʉʼka Nyii nə kʉ̀ʉ wʉʉnəmbikə yɔ́ŋyɔ́ŋ mənɔ, ɔ kɔ́ mbyu Vaa-ɛ imɔʼ mbɔ wotəmiyɔŋ ndə ɔ bɛ́ŋ ɔŋ, bíeleʼnə kwú bɛ́ fɛ, bɔŋ bu kie məchímbi təmə liʼ-i ghɔ fɛ.

3 Bʉʼʉ bənchəŋ nɔʼ nə bɛ haʼ ndə bɔŋ, kə́ fɔ̀ʼ nubə ndə bɔ̂ŋ tʉʼ fɔ̀ʼ bʉʼka ntɔmə ndə i kə bɛ mu fyii-bʉʼʉ, kə́ fɔ̀ʼ nubə ndə mbʉə-yʉʼʉ kʉ̀ʉ ghɔŋbə ndaahə-ʉʼʉ, bʉʼka yɔ̄ŋ-yə, bʉʼʉ nɔ nə kie ndə mənyíɛ ŋgʉəʼ bʉʼka tʉʉbʉə-Nyii haʼ ndə bəʼ-bʉəməsʉʉ-kə, kə kie ndə mənyíɛ. 4 Bɔŋ bʉʼka Nyii kie tʉvyiikə daa, bʉʼka ŋkʉ̂ʉ yɔ́ŋyɔ́ŋ ndə ɔ kʉ̀ʉ bʉʼʉ chɔ, 5 buŋ ndʉʉ ndə bʉʼʉ nɔʼ kə kwú mu bʉ̂ʼtə-ʉʼʉ, ɔ chìi bʉʼʉ bʉ̀nə kie məchímbi bʉʼʉbə Klai, bʉʼka buuŋjyu bə nɔʼ kwáa bii.

4 Bɔŋ ndʉʉ ndə nuʼ jyujyu Nyii Ŋkwaa-yʉʼʉ ghɔŋbə ŋkʉ̂ʉ-i kə kɛ̀ʼnə, 5 ɔ kwáa bʉʼʉ. Kə bɛ bə bʉʼka fɔ̀ʼ ndə bʉʼʉ kə fɔ̀ʼ ndə məbɛ ndyʉndyʉ tʉ Nyii ndə i kə chìi ɔ̈ kwáa bʉʼʉ fɛ, bɔŋ nɔ kə bɛ bʉʼka tʉvyiikə-i ndə ɔ dʉ̀ʼ tʉ bʉʼʉ. Ɔ kwáa bʉʼʉ tíŋ hə bɔ̌ŋ LyʉʉhəNyiikə ndə ɔ kə sʉ̀ bʉʼʉ ndə mə-bʉ̀nə-bìʼ-bí bʉʼʉ bɔŋleʼ kɔ́ məchímbi fefe tʉ bʉʼʉ. 6 Nyii nɔʼ véʼ Lyʉʉhəkə-i ndəŋ bʉʼʉ yɔ́ŋyɔ́ŋ tíŋ hə bɔ̌ŋ Jiso Klai ndə ɔ bɛ Ŋkwaa-yʉʼʉ,

9 Nyii nɔ dʉ̀ʼ ŋkʉ̂ʉ-i tʉ bʉʼʉ ndə mətə́ŋ mbyu Vaa-ɛ imɔʼ kɔ́ mu kəwʉʉnəmbi, mbɔ b̈ʉʼʉ chʉʼ kie məchímbi tíŋ hə bɔ̌ŋ.

10 Nɔ bɛ nukə nɔ ndə ŋkʉ̂ʉ bɛ yɔŋ, kaa mbɔ bʉʼʉ kə fəŋ kʉ̀ʉ Nyii fɛ bɔŋ nɔ fəŋ kʉ̀ʉ ɔ kʉ̀ʉ bʉʼʉ, tə́ŋ Vaa-ɛ, ndə məgwè bɛ fɔ-fɛ̀ʼndɛŋ-bə ndə tíŋ hə bɔ̌ŋ ɔŋ bə sʉ̀fyii hə ndəŋ bʉ̂ʼtə-ʉʼʉ.

19 Bʉʼʉ nɔ tʉʼ kʉ́ʉ ŋwɔŋtə-ʉʼʉ bʉʼka ɔ nɔ kə fəŋ kʉ̀ʉ bʉʼʉ.

16 Bəkɔ bʉʼʉ kínə ŋkʉ̂ʉ ndəŋ yɔ̄ŋ-yə, mbɔ Jiso Klai nɔ kə kɔ́ məchimbi-i tʉ kwú bʉʼka bʉʼʉ. Bʉʼʉ kie ghɔ ndə məkɔ́ məchimbi-yʉʼʉ tʉ kwú ghɔ bʉʼka bəliŋ-bʉʼʉ.

4 Ŋkʉ̂ʉ nɔ bɛ məyá-fyii leʼnə buuŋjyu, ŋkʉ̂ʉ kyinə bàabʉʉ fɛ byuunɔ bʉ́ʼ fyii fɛ, i kaa ŋaʼtəkə fɛ 5 byuunɔ məmɔ̀ʼ tʉ-vyii-wo-kə fɛ. I kyinə lyʉ̀ʉ haʼ ndəŋ yi-yə fɛ, i kyinə chʉʼ yùhə ndə məbàa tʉʉ fɛ, byuunɔ bə́ʼtə tyʉbə ndə mɔ̀ʼmbɛ mɔ̀ʼ fɛ,

6 ŋkʉ̂ʉ kyinə chʉ́əʼtə te nu-bʉəbʉə-kə ndə ibɛʼ-yə wo chìi fɛ, ĩ bɔŋ nɔ chʉ́əʼtə te shʉəŋ. 7 Ŋ̃kʉʉ nɔ bɔ̀ŋtə nubə inchəŋ, bɛ́ŋ nubə inchəŋ, kə́ kie fyii shʉ́əshʉ́ə ndəŋ nubə inchəŋ bɔŋleʼ yá fyii ndəŋ nubə inchəŋ.

43 "Bii nɔʼ kə yʉ́ ndə bə kə ghɔ̀ŋ mbɔ, ‘Kʉ̀ʉ wo-kətoʼ-a, bàa wo-bàa-a.’ 44 M̈ɔ bɔŋ shyíi bii mbɔ b̈ii kʉ̀ʉ bʉə-bàa-bii, gháaNyii tʉ bʉə ndə bɔ̂ŋ tʉʼ chɔ́ŋhə bii, 45 mbɔ b̈ii chʉʼ bɛ vâa-Tie-yii ndə ɔ bɛ yuo. Bʉʼka ɔ̃ nɔ chìi chichi-i, ï kə́ báa ndəŋ bʉə-bʉ̂ʼʉ ghɔŋbə bʉə jyujyu mɔʼɔ, bɔŋ-kə́-leʼ tə́ŋ wyuu ï kə́ fyíi ndəŋ bʉə gìe shʉəŋ leʼnə bʉə ndə bɔ̂ŋ gòʼ təmə kə́ gìe shʉəŋ fɛ. 46 Bʉʼka kaʼ bii kʉ̀ʉ haʼ bʉə ndə bɔ̂ŋ kʉ̀ʉ bii, kɛŋbə-ii bɛ ka? Bʉə fí tashi nə mbii tʉʼ fɔ̀ʼ haʼ nɔ fe? 47 Kaʼ bii bɔŋ kə́ gìe bə haʼ tʉ bəliŋ-bii, i dʉ̀ʼ mbɔ bii chìi ka tə chàa bəbɛʼbʉə? Kaa haʼ nɔ ndə bʉə ndə bɔ̂ŋ gòʼ təmə bɛ bʉə-Juu fɛ tʉʼ fɔ̀ʼ ghɔ fe? 48 Mbəŋ-yii ndʉʉmɛ, nɔ kie ndə məbɛ kʉ̀ʼnə haʼ ndə Tie-yii ndə ɔ bɛ yuo bɛ kʉ̀ʼnə.

27 "M̈ɔ bɔŋ shyíi bii, bii ndə bii tʉʼ yʉ́ mɔ, b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bʉə ndə bɔ̂ŋ bàa bii. 28 B̈II gháa bʉ̀ʉ kɔ́ tʉ bʉə ndə bɔ̂ŋ tʉʼ túu ndɔŋ kɔ́ kətʉ-bii. B̈ii gháaNyii tʉ bʉə ndə bɔ̂ŋ tʉʼ chɔ́ŋhə bii.

8 Fɔŋ ɛŋ kə́ bɛ mbɔ bii nɔ kie ndə mə-kə́-kʉ̀ʉ ŋwɔŋtə-ii shʉ́əshʉ́ə, bʉʼka ŋ̃kʉʉ nɔ bɔ̀ŋtə bʉ̂ʼtə buŋmbi.