Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.
Nono yoba mabunono siragl mere paugwa i, kamga. Yoba ta yoba du morabuka ba yoba pere ta ye ake ple di tenagledi gorabo mo goglkrabe? Ta goglkrabuka. Ana yoba swara ta wakai kaima moran, yoba pere ta ye ake ple di tenagledi gorabo mo goglkrabo mo i na ta prikrika. Yoba suom ta yegl eraiglkwa ba mere yegl ta erekraiglmedi prika. Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.
I siragl pre yoba mudu pra pra tadaglme ersre, God yagl du kaima mogl, abuglagemo podo kide sugo, moglmara enamga i, yage sumga. Ba God yene wakai prumere ere wakai ere norsre, Krais Jisas nono topo si ikne edumara i mina God yoko kaima no yoba du meglme dugwa.
Krais dem muduo podo kide norukwa pre taragl swara ta ye dem muduo podo norukwa i si kegl dinabuka kuno erekrukwa. Yubun unabuka mo giugl pramga mo yoba ta no ere kide ere noraiglkwa i, i mina ta si kegl dikraiglkwa. Te, kidan yenabuka mo kuguglno gaglno ta manabuka mo taragl kane kane no sinamnedi eraiglkwa mo ka kaima no sinaiglkwa i mina, Jisas nono dem muduo podo norukwa i ta si kegl dikraiglkwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Yoba i erme God kamo sede, wan meglmere yegl, nono mudu ama okna kuno yegl ere wan munga. Mano no kiglkwa igne, tadaglme mabuno nono deno muduno mina paugo, mabuno kide ta deno muduno i mina pogglau boglkwa i, nono ersre, te nono nomano mina mabuno kide siragl mere eramnedi punga i ama erumga. Nono okna yegl kede munga pre God yoba dem podo kubro tomara nono okna ama atne kra munga.
Ana nono okna yegl munga pre God nono dem podo kubro norabuka kuno erukwa ba ye yoko kaima no mitno goglsre, dem muduo podo norukwa. Yegl erukwa pre nono tadaglme ersre, kiano wagle gogl kodumga ba ye nono yoko kaima ere yugwa. Ye Kere Yugwa Yagl Jisas nono bogl i swara ede, ye Jisas ere i kor edumere mere yegl nono ama kiano mina ere i kor ede kodugo, nono Jisas bogl akie kor munga.
Nono okna mabuno kide yegl ere wan munga ba God nono ere yugwa yagl moglkwa i, ye Jisas dedumara i mina i nogugl ede, ye yoba mudu dem muduo norsre, ere wakai ere noragledi prukwa i, i nogugl edugwa. Ye mabunomo i, i nogugl edidre, nono yoko kaima ere yugwa. Nono mabuno wakai swara ta erumga pre God nono ta ere ikrukwa ba ye nono mitno goglmara swara i mina nono ere yugwa. Te, God nono ere yugwa igne, ye nono tadeglmeno ere edidre, nono ere i kor edugo, Mudu Murubuglo nono munara udre, kiano kor norukwa. God ye Mudu Murubuglo norukwa i, ye Jisas Krais, nono ere yugwa yagl i, kogon erumara i pre Mudu Murubuglo dedugo, nono munara si kau si norukwa.
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
Te, God dem muduo norukwa ede nogugl ugwa kamga i, yegl paugwa, nono u kor enaiglmedi God ye Wam swara moglkwa i, di makadigle edumara i mina i nogugl edugwa.
Deno muduno tenamga mabuno i, yegl paugwa, nono komono kana God wakai kankrumga ba ye komono kana nono wakai kaima kandre, ye Wam nono tadaglmeno kumapmo tenabedi dedugwa i paugwa.
Ana God komono kana dem muduo norukwa pre nono yoba pere deno muduno tenamga kuno erukwa.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa.
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
Nono deno muduno ikne ikne tenamga pame diga i, ene prio! Nono yoba ta deno muduno tomun, nono tabre deno kubro tekre, ye ere wakai ere tenamga. Ama taragl wakai ta yoba i morabara plau dinan, nono ama kide pre tekre, wakai pramga. Te, nono yoba deno muduno tomun, no nono keme wakai muniwedi prikre, kagno ake mitna edekramga. Yegl ersre, te nono ama yoba i mabuno kide ere tekramga. Te, no nono keme wakai moramnedi prikre, yoba i ama wakai moraiglmedi pramga. Te, yoba deno muduno tomun, ye nono ere kide ere noraiglkwa ba nono deno kubro tekre, ere kide ere noraiglkwa i ta pre moglkramga.
Te, nono yoba deno muduno tomun, ye mabuno kide eribi, nono gun yeikre, mabuno kaima pamere eraiglkwa i keme gun yenamga. Nono yoba deno muduno tomga yoba i ta yubun noribi, nono yage sikre, deno muduno te pai moramga. Yegl ersre, te, God ye nono agroma abaroma i nomano mina kogon erabedi pre pai moglsre, nomane wakai inaiglmedi sugl mogl, agroma abaroma i ta kide kodokramga.
Jisas yoba di te, Ene kudano ikne deno muduno teo dugwa
Jisas yegl didre, ama yegl dugwa, Ka ta okna digwa i, yegl digwa, Yoba ta magigl akie kipanaiglkwa i, ene wakai kandre, kudano ikne kide kanaiglmiwe digo, ene prikwa. Ka i digo, prikwa ba na ene di teiga i, ene kudano ikne ta moraiglkwa i, deno muduno tedre, yoba ene ere kide ere tenaiglkwa i pre kamage ere teo. Ene yegl eribi, ene Neno heven ibo moglkwa i, mabunomo erikwa mere yegl paugwa pre yoba ene God gagiglma meglmedi kanaiglkwa. I siragl pre God moglkwa i, ye ade si, yoba kide wakai akie meglmara edenabedi ersre, yoba du meglkwa ya du moglkrikwa i ama pra, kamun si ye meglmara edenabedi ere togwa.
Aglau eran, yoba ta ene wakai kanigwa i keme wakai kanibi, siragl topo inaiglme? Ta ikraiglkwa. Taks igwa yoba ama ye wakai kanigwa yoba i keme wakai kan meglkwa. Mo, ene agroma abaroma moraiglkwa i keme wakai we di tebi, i taragl podo erimo? Ta manugwa. Juda yoba moglkrikwa God pre kan erekrikwa i, ye ama agroma abaroma wakai we di teigwa. Yegl pre ene Neno heven ibo du moglmere mere yegl, ene ama du kaima moraiglkwa pamiwe di, Jisas yegl dugwa.
Jisas yoba di te, Ene kudano ikne eribi, ere ikne ede tekrio dugwa
Ana Jisas ka yegl di kodidre, ama yegl dugwa, Ene na kana pre meglkwa yoba i, na ene ama yegl di teiga, ene kudano ikne deno muduno teo! Te, yoba ta ene kide kanaiglkwa i, ene ere wakai ere teo. Te, ye ka kide di tenaiglkwa ba ene ka wakai di ikne ede teo. Te, ene ta ere kide ere tebi, kamage ere teo.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.