Amor próprio

14 मै तेरा धन्यवाद करुँगा, इस करकै के मै खतरनाक अर बेमिसाल तरीके तै बणाया गया सूं।

तेरे काम तो अचम्भे के सै,

म्ह इननै आच्छी तरियां तै जाणु सूं।

17 मेरै खात्तर तो हे परमेसवर, तेरे विचार भोत अनमोल सै!

उनकी गिणती का जोड़ कितना बड़ा सै!

18 जै मै उननै गिणदा तो वो रेत कै कणां तै भी घणे होन्दे।

जिब मै जाग जाऊँ सूं, तब भी तेरे गैल रहूँ सूं।

3 जिब मै अकास नै, जो तेरे हाथ का काम सै,

अर चाँद अर तारयां नै जो तन्‍नै ए बणाये सै, देक्खूँ सूं।

4 तो फेर माणस के सै के तू उसनै याद राक्खै,

अर आदमी के सै के तू उसकी सुधि ले?

5 क्यूँके तन्‍नै उस ताहीं परमेसवर* तै थोड़ा ए घाट बणाया सै,

अर महिमा अर प्रताप का मुकुट उसकै सिर पै धरया सै।

7 वो कंगाल नै माट्टी पै तै,

अर गरीब नै राख के ढेर पै तै ठा कै ऊँच्‍चा कर सै,

8 ताके उसनै प्रधानां कै गैल,

यानी अपणी प्रजा कै प्रधानां कै गैल बिठावै।

7 पर यहोवा नै शमूएल तै कह्या, "ना तो उसके रूप नै देख, अर ना उसके कद की ऊँचाई नै, क्यूँके मन्‍नै उस ताहीं अयोग्य जाण्या सै; क्यूँके यहोवा का देखणा माणस जिसा कोनी; माणस तो बाहर का रूप देक्खै सै, पर यहोवा की नजर मन पै रहवै सै।"

9 पर थारे म्ह इसा ना हो, क्यूँके थम परमेसवर के चुणे होए माणस सो, थम परमेसवर के याजक सों, जो के राजा सै, थम परमेसवर के समर्पित माणस सों, अर थम जो परमेसवर के कुह्वावै सों, उसनै थारे ताहीं अन्धकार म्ह तै रोशनी म्ह बुलाया सै, ताके थम परमेसवर के उन अनोक्खे काम्मां के बारें म्ह माणसां ताहीं बता सको।

6 के दो पिस्या की पाँच गौरैयाँ (एक छोट्टी चिड़ियाँ) न्ही बिकदी? फेरभी परमेसवर उन म्ह तै एक नै भी कोनी भुल्दा। 7 थारे सिर के एक-एक बाळ भी गिणे होड़े सै, इस करकै डरो मतना, थम घणी गौरैयाँ तै बढ़कै सो।"

आत्मिक वरदानां तै परमेसवर की सेवा

3 क्यूँके मै उस अनुग्रह कै कारण जो मेरै ताहीं मिल्या सै, थारे म्ह तै हरेक तै कहूँ सूं, के जिसा समझणा चाहिये, उसतै बढ़कै कोए भी अपणे-आपनै ना समझै। पर इसकी बजाए सदबुध्दी राखकै, जिसा परमेसवर नै जितना बिश्वास थारे ताहीं दिया सै उसकै मुताबिक अपणे-आपनै समझो।