14 Ani maso mambe’ake kadee’e dademeennaxxee’e

ateee saadda’eennen;

huje atixxi mambe’aken;

tenneenna ani adda ege’neennen.

17 Ee, Mageno ati ani’aa affe’eetik yaadi yo’oshsha ulfaatekenna ba’lake kadeemmaxxee’e

ani ege’naa dande’abe’non.

18 Yaada atika laakko’anno hiyyeennele maanchii caala bira sa’eeken;

dammaqanno woddanna atinni welti hedhennen.

3 Ati anga atixxenni daddettexxa iima uudanno wodda

bakka bakka’ninni uggittettexxa

baatenna urjuwwa uudanno wodda,

4 Ati isoo heddota’a manji isi maachcho?

Ati isi’a xexxe’attota’a manjiinki belti isi maachcho?

5 Ati isoo dadde ergannatenaa’ni butti darre hedhaashsha assitteten*

moyashsha assite’e ulfinnakanna lumminne isi’a uuttette.

7 Isi hiyyeessa bukotenaa’n fulchaan;

rakkiyyetanna bululokenaa’n xungote’n fulchaan.

8 Ja’laabuwwiinxa qixxe bakka isi’a uwwaan

arda isike hayyichchuwwikinna isoo ofo’lshaan.

7 Yaane kinni Duuchchi Woddik Goottinna Saamu’eeli’i «Eli’aabixxe Ejjumaka qeerinenna isixxe bifaxxa biifa uuddoxxee; ani isoo tuffate’ennen; ani uudannok manji uudashshatebaan; manji albake uudaan Duuchchi Woddik Gootti kinni godoba hexxeexxe uudaan» hiyye.

9 Ha’noo kinni dukkanatenaa’n konne mambe’iinke isike ifibaa ye’eeke Mageniinxa lumoxxa huje lallabino’aa filendineexxe ilaa, moyanjiinxe qeese, woyyichcha ardaa, Mageni umo ifike gargar ha’no foyeeke ardan.

6 Onde diillise lame saantime’n gurgurema gophphaata? Kaddo malee tennee diillisuwwanaa’n mittetinna midde Magenoke’ni dedhendabaan. 7 Umo ha’nookik ordichchi midde laako’eme’eken; yoona mee sodaatte ha’no heddo diillisuwwanaa’n sa’aake hira affine’een.

3 Ha’no mitte mittenge Magen uwweexxe amanaxxe qixxe’n, hexxeneqicisha ifi uudde malee hexxineba’a iimidarre ifi caaqasiten heddinabaashsha ani’a uwweemeke Magenke badhaadhidhinni ha’no’o gorsa uwwaanen.