Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
È mama kɛ̀ɛzu ga kpɛtɛanii gola vizɔgai,
ɗa laavɔɔ vaa wolaiti kɛɛzu, gè naa zuɠwɛɛ ga pagɔ.
Ɗa-ɠisiɛiti, ee, GALA, gè la zooga gè ʋa ti ɠaaɠa!
Ti zuwɔɔlɔʋɛ gola!
Ni gè ti ɠaaluni, ta la mɔin, ti leʋe ɲaɠaegi ʋa, nii é kpoloɗɛi ɠobaʋɛ.
Wɛlɛ, nà wuunsu, gè ɠɛ è ʋa dɛ.
È lɛbiyai lɔa doungoiti daaʋɛ, ta ɲiimiɓɔlegiti,
è wɔinzeɠe nuiti ta-vaa zu,
è è zili nuiti gaalɛi, ta potokula nuiti.
Siɛgi zu nà geeɠɔlɔgiti pɛtɛna da, ti ga ɗɔnɔiti, è-yeei ti ɓɛtɛai,
alugi ta somideɠaiti, è ti ɲɛkpɛai:
Nuɓusɛi ɠa ga leeni, è ʋa ɠigaiziɛ su?
Nui ɠa ga leeni, è ʋa yiizoolɛ la?
Toɠa ɗa maawɔin nui ɠula fufiligi zu,
toɠa ɗa maanɔɠɔ nui wuzeɠe, é kula kpoɠagi zu,
é sei seizumaanɛgiti saama,
ná-nuɓusɛiti ta-zeizumaanɛgiti.
Kɛlɛ Ɠɔoɠɔ GALAGI ɠɛni Samiyɛle ma: «È ɠaazu mina ɠula kpusɛi ta kooza ʋelei ʋa, mazɔlɔɔ gè la yiimazeɠeni la. Gè la faiti pɛtɛsu ga eɠɛʋelei nuiti ti kaazu la. Nuɓusɛi ɓelagi ɠa nɔ ga nii é kaazu ga ɠaazuʋɛ, kɛlɛ nɔ̀un, nà ɗa wɛlɛ nui yiimaʋɛ.»
Kɛlɛ wɔun, wa ga zii ziimazeɠegi wogai da, Masagi ná-zalaɠa ɠula nuiti, zii ɲadegai, GALA ná-nuɓusɛiti. Wa ɠa GALA ge yiimazeɠeai ga woye, naa ɠa a kɛ wo ɗa ná-faa ʋagɔiti bo, nii é wo lolini, wo zeɠe kpidii zu, wo ʋa ná-wozakala pagɔi ɠa.
«Nu la ɗa ga soolo dɔɔlugɔi ʋɔdia ga wali ɠae felegɔ ɓaa? Tama GALA ge la ɗa ga yeemaa ti ɠila kpalaa ma. É ɓudɛ naa maazu, wɔundeɠai pɛ gaalugɛ vɔlɔ. À mina lua, wo vizɔgɛ soolo kpulugiti ba.
Zaalai nii GALA ge daa mà, naa maaʋele ɠa gè ɠɛɛzu la wo ɠilagilagi pɛ ma, tanɔpɛ ge mina ɠisiɛ ɓɔɠɔ zu, é ʋa teʋe kɛɛzu ʋa. Kɛlɛ kɛni wo ɗa kisiɛ ʋagɔi wo, eɠɛʋelei GALA ge kidaaleʋei ɠɔɠɔgai la, é gaaɠwɛ ɛsɛ pɛ ba.