Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Nonga mayagashi toziya neni gwakulikangasha,
na matendu gaku ndo ga mauzauza
na neni gumana nakamu.
Gwee Mlungu, yaguholela neni ndo makulu.
Gawezandiri kuwalangika.
Menigawalangi megaweri gavuwa kuliku mhanga.
Panimkaku na pamuhera na gwenga.
Pandola mpindi zyaku, lihengu lya liwoku lyaku,
lyezi na ntondu yaguzituliti pahala pakuyi.
Muntu ndo gaa, ata gumholi?
Mwana gwa muntu ndo gaa ata gumsheri?
Gumtenda kaweri pakwegera na Mlungu;
gumvalaziya lijenjeri lya manemu na ukwisa;
Kawanyasula wahushu kulawa mumadikudiku;
kamnyasula yakana nfiru kulawa mulifunkusi,
na kumtula pamuhera na wakulu,
pamuhera na wakulu wa wantu wakuyi.
Kumbiti Mtuwa Mlungu kamgambiriti Samueli, "Nagulola sheni shakuyi na utali wakuyi. Neni nimulema toziya ndola ndiri ntambu ya kalola muntu. Muntu kalola kwa kunja, kumbiti neni ndola kumoyu."
Kumbiti mwenga ndo lukolu lwalusyagulwa na utambika wa shifalumi na shipinga sha wantu wananagala na wantu wakuwi Mlungu, yamushemitwi kubwera matendu makulu gakulikangasha ga Mlungu, yakawashemiti kulawa muluwindu na kuwayingiziya muulangala wakuwi wa kulikangasha.
"Iwera ndiri washomolu wamuhanu wawashuwuza kwa senti ndikandika mbili? Kumbiti Mlungu hapeni kamuwaluwi shomolu ata yumu. Ata nvili zya mumtuwi mwenu waziwalangiti kala. Su namtira, mwenga wa mana nentu kuliku washomolu wavuwa!
Toziya ya manemu ga lifupu lya Mlungu kwa neni, nankumgambira kila muntu pakati penu, nagulihola nentu gumweni kuliku ntambu yagufiruwa kuwera. Kumbiti maholu genu gaweri na shyasi na guliholi gumweni kulawirana na njimiru ilii Mlungu yakakupananiti.