Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Ngaeangthua lante ri lan a um lante
nae rae keiccuze kae thehoysah.
Na ryalaw balyn tuh ngaeangthua lan
a um cipaw hoyte ka ny.
Pou Pachia, na tuanaw tuh
ka hanlan pawcih baban mou akhincci!
Tuh-e na tuanaw balyn tuh
pawcih baban mou ako!
Ria lan ka citua zah, laesia laeze
alunghua; he ka thaekuh tuh,
namaw kya mamin nynh ka um.
Na kuihdung nynh a raepaw vaawlui te
na tynsah hae paw sawpaw te
awsi hae kha he ka do tuh,
ccungccaw hynh
paw athua keiccu mou na peki?
Ccungccaw maesae hung athuapaw hynh
pawccemou na do-oih?
Ccungccaw hynh vaawccungccaw hae laeze
ccapyh anehua lante na rae vae,
sawtuanaw te phu-enaw lukhung kha
na khungsah.
Aning nynh ryachi hae kha
laenoi kyate hangthung hae zah,
ahobou hae paw kha
buhhaw apumkuhpaw kyate
a hangthung hae,
te siapharan ccaaw hae te
a ccungccaw hae kya-e uktu bawi hae ryte
a haungsah kheih hae.
Thuasalama Bawipaw nynh Samuel kha, "A muinsan te a pynrua ahangpaw kha do nan, pawccecize amaw kha ka vua vae; pawccecize Bawipaw nynh tuh ccungccaw nynh do hawte do khyh; ccungccaw nynh tuh atolang e muinsan kha a do, thuasalama Bawipaw nynh tuh thinlung kha a do," a cipya.
Thuasalama nanning tuh mohnaw kyate ngaeang lan umpaw amaw kya-e awnaw lungkhu lang ae kotu oh paw a hoynaw kha siakhae khylan popaw ccungccaw, bawi phin ranpibawi ciihan, athyaapaw minphuin, Pachia ccungccaw nynh na thua oh.
Rithya sa pangaw kha phuapia pia ning lang a zua hae khaw? Tuh-e rithya sa kheit sanmah Pachia nynh ning khyh. Nae lu kya-e nae sangrua heize marya ria athua. Tukeiccuze rih nan oh; nanning tuh rithya hae patae laeze na sunghua oh.
Pawccecize kae yn pyapaw thawccinaw liate nanning lu kheit cci kha kae hopya oh; nanning nynh naemaw te naemaw kha tuaku lan accanpaw laeze ahang lante la tuakuh nan oh, thuasalama Pachia nynh milu raveih oun pyapaw zynnaw tounawpaw thyhte angaekuh lante tuakuh oh.