Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
"Kǝthlǝm yah Farta heshi kaan, fǝrkan Wanɗengthlutiyan, kǝthlǝm thla fǝrchǝ kit kǝ anchi kǝ saa ɓahtǝha wa. Kǝ mbǝs tǝ shishingndǝ kǝ kwekichi.
"Yuwa kusiˈ nati fǝrowunda, ndat wa pǝnaman thlǝrɗaktǝ raˈan. Kǝɗ thla pǝnowun ndi thlǝrɗakta, kǝɗu paɗ kun kǝ pǝnawun thlǝrɗaktǝ raˈan. Tǝ minni naa chika wun sǝnda wa kun kǝmsichinchi, ma pǝnawun thlǝrɗaktǝ raˈan."
Kǝɗu paɗ Farta wathlan chi ya mǝn ha, tǝ kafaɗi thlǝ natǝn chamǝnda. Ndat wa kǝ peˈkamǝn kǝ fǝ ɓǝɓifecha, Kǝristi mǝrchan kǝthlǝm nggǝmǝn.
Kǝthlǝm sǝninchǝsi ndat wa, ǝnsi nech chakamǝndǝ ha tǝ thlǝrɗakti Kǝristi wa. Chika mǝrta, natˈha, fǝ thlǝnchi Farta, kuturcha, ndu ichiɗi nechsi nakanya, ichiɗi nech ɓata, tǝ alkicha. Ichiɗi nech hulafǝrta, ichiɗi nech kan haha, ndu ǝnsi hur ichiɗi nat tǝndi fee, nen mbahǝn chakaˈǝn chiha tǝ yahti Farta thla pǝnamǝndǝn tǝmɗi Yesu Kǝristi chinmǝn wa.
Ma thlǝ yahcho yowuna, no tam chantǝ mɓǝɓifata wa. Kǝthlǝm ndaˈan yah raˈan ndaˈan nech kǝ ndiiɗ tǝ kusiˈ taˈan.
Yahraˈan thlǝ ɗǝfchan nef kǝ chok tǝ kǝrǝs ǝna tǝ kaakǝta. Yahraˈan sǝkwa sǝraˈta wa, chǝ wa maan inda wa. Chǝ wa thlaˈ inda wa, kweˈ wa ha kǝ ɓǝra ǝnɗi yahtǝ wanɗǝkaɗatˈyan wa, yah wa inda wa, pata wa fata wa, kǝs wa nef har hur wanɗǝ kaɗata wa. Yahraˈan sǝk wa mbǝndǝf maa chǝ nafchǝ ǝnɗi kǝmwakchǝs wa. Paɗ thlǝ tǝranchǝ hwirha maa chǝ fee ǝnɗi kǝmchǝsi. Yahraˈan thlǝ ɗǝfchan kǝrǝsa ǝ hur chika mǝ nat, fǝr kit kǝ ichi nat, ɗǝf wanɗikaɗata kǝ ichi nat, tǝ paɗ kǝrǝs ǝna hur chika yen mbenna.
Yahraˈan tǝɓawa wa kǝ kwekǝɗan. Thlǝt thlǝnda mǝɗi Farta, nan thlar tǝ ha. Ndiktǝ tǝ wanshenuˈ chǝɗi sǝnwak tǝ fee, nan thlar tǝ ha. Hur inda paɗ, nan tǝɓata.
Nat thla yahwakchǝ wanmanan, sǝnwa Farta wa, kǝthlǝm Farta mǝthlan nech kǝ yahraˈan.
Mǝɗi naa yahraˈan i Farta, lekǝt si minni wa. Kǝthlǝm yahraˈan thla ndiiɗ chǝha thlǝ rǝkchan lekǝta. Thleya pǝnchan wa nat nafɗi nech lekǝta nggǝ yahraˈan sǝ hwirˈyan thla ndiiɗ chǝha wa.
Yah Farta yi kit ndaˈan nech kǝ, thlǝnamǝn kusiˈchiyan, paɗ kusiˈyan ˈyangˈyang kǝ par fee wa.
Paɗaa mbǝs ǝna thla thlǝ fǝrtǝ Shemeta, fen nech kǝ, mbǝnfata, tǝ chiɗ chiɗ tǝ wanɗǝkaɗata, tǝ kǝɓikaɗi, tǝ kǝrǝs ǝna, tǝ chit kafata, tǝ kaakǝta, tǝ chit ǝnɗi naa nef chǝt ndiˈchan,