16 Kʉnsoko Itunda aɨʉwaloilwe antʉ ɨhi mʉʉnkumbigʉlʉ sʉnga wɨkamʉpunya Kinyene nʉwakwe, ɨtule mʉntʉ wɨhi nʉʉkʉmʉhʉɨɨla waleke kʉlimɨla, watule nʉʉpanga wa kalɨ na kalɨ.

34 Kʉmʉpa ilagɨɨlyo nipya, Milowe, anga ʉnene naɨ nʉmʉloilwe ʉnyenye, ʉʉgwa nʉnyenye milowe. 35 Anga milowe, antʉ ɨhi akʉlɨnga kɨna ʉnyenye mɨamanyisigwa ane."

8 Ingɨ Itunda wakondilye kʉkamɨnkɨɨlya kɨna ʉkʉloilwe ikʉlʉ, kʉnsoko apo naɨkʉkɨlɨ kɨanyamɨlandʉ, Kilisito Yesʉ aʉkule kʉnsoko itʉ.

38 Kʉnsoko nɨngile kʉlʉ kʉʉlʉ kɨna kʉtile kɨntʉ nɨkɨhumile kʉʉkomatʉla nʉʉlowa wang’wi Itunda, shanga nsha ang’wɨ ʉpanga, ang’wɨ amalaɨka ang’wɨ ngulu ningɨza niya kigʉlʉ, ang’wɨ mʉ makani nakʉpumɨla itungo ɨlɨ ang’wɨ napembilye panyambele, ang’wɨ ʉhumi, 39 itule makani namolɨ mʉ ʉnkumbigʉlʉ nʉwa migʉlya, ang’wɨ nʉwa mihɨɨ. Kʉtile kɨʉmbwa kɨhi nɨkɨhumile kʉʉkoma nʉ ʉlowa wang’wi Itunda nʉ ʉmolɨ mʉng’wa Kilisito Yesʉ Isekʉlʉ witʉ.

10 Mʉntʉ nʉmʉloilwe ʉmʉya shanga ʉkʉmʉtendeela nɨ mabɨ, kʉlʉlo ʉlowi ʉkamɨnkɨɨye malagɨɨlyo ɨhi.

4 Nʉkete ʉlowa mʉgimya, nʉkete ʉlowa wɨkendepa, mʉntʉ nʉkete ʉlowa mʉgila anga wɨlu, shanga wiketa hangɨ shanga wilolya. 5 Nʉkete ʉlowa shanga wɨduma makani akiaɨɨlya ʉng’wenso du, nʉkete ʉlowa shanga wɨduma nsailo akwe du, hangɨ mʉgila anga ikuo, nʉkete ʉlowa shanga wɨkɨmbʉka nɨmabɨ, 6 mʉntʉ nʉkete ʉlowa shanga wɨlowa ʉbɨ, ingɨ wɨloa nɨtai. 7 Mʉntʉ nʉaloilwe aʉya wɨgimya ɨhi, mʉntʉ nʉaloilwe aʉya wɨahʉɨɨla antʉ angɨɨza, hangɨ wɨhuma maintʉ ɨhi.

8 Ʉlowa wɨlongoleka, anga ɨze imolɨ ipegwa niya kʉtanantya ʉlʉkani nʉla ng’wi Itunda, niyanso yɨzɨza kɨla lʉhikʉ lʉng’wɨ, anga ɨze ipegwa niyakʉtambʉla ntambʉ nakɨgeni yʉkʉkɨla, anga ɨze ʉkolɨ ʉmanyi nʉwenso ʉkʉkɨla.

22 Mʉntʉ nʉwɨtongwa nʉ Ng’wahʉ Ng’welʉ ʉkʉtula nʉ wilowi nʉ ʉlowa nʉ matiliga nʉ wiʉmɨɨlyi nʉ ʉkende nɨ nkolo nza nʉ kʉhʉɨɨlwa,