Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Ntuge Shekwoyi ɓə ye n anyìi n mwa, kwa zhni wo waa əwo Nugwnu mamai ɓyigba ga, nabai əzadəhodəhoyi n wo ga wo gaiciya, n wo to ɓə ɓwu m, ama woi ɓwa wyewyeyi nyalonyalo nya.
"Ɓəgbetu woiwoyi nu n mi ga fye: Fye ye n ajei. Ntulonu ɓəshishi nu fya ye n ajei, ngye shi mi kwu ye n fyei nyi, N dəyei nu n zahozahoyi ɓa kpe nge fye zhni əmi amwutuyi nu, n fya yé n ajei."
Ama Shekwoyi ɓə wu yi əwohni yeye nlai nu: əsa n yi ɓə yee zhni aleifyizhniyi, Kirisiti wa fyí ntu əyi ɓo.
Ntuge kwo la mi kwnuawye; kwo əfyi kwo wyewyeyi, kwo amaləka kwo ase, kwo anya n ɓa lo nsaiye, kwo anya n ɓa ye ɓeɓelo n abye, kwo kalá dəhodəhoi, kwo àsna kwo agyiloloi, kwo nyaho n shnasnu n anyazhnizhni vnyanya, n ɓa ɓá myi ɓa gna yi aje n yeye Shekwoyi nyai, n kwo dnalo ń Kirisiti Yeisu əyi Dagayi nyi m.
Yeyewu ta wu kwnuzhiyi əɓwa m. Ntucenu yeyewu nu zhni owa nunu.
Yeye zhni bwugbaɓwa nu, yeye zhni abmyazhni nu. Kwo to n bmyibmyii m, kwo ta gyigbe m, kwo to n tukwomwai m. Kwo ta ci azaje wyegba m, kwo ta zna əkwohni əɓo shni m, kwo ta pye n minagyi gyii m, kwo ta shi əɓo fyi n əmì m. Yeye ta dagbma dna n nukwoi zhi m, ama kwo ɓwa agbmada n kwnusnu n gaiciyanunui nu. Kwo n aɓwaknai ciici, kwo kwnukpema ciici, kwo n awyetui ciici, kwo n bwugbaɓwai ciici.
Yeye ta gbakalá m. Ama aba n sheaɓəgwognada nyi, ɓa ɓə kwu ɓwuwye; aba n anyitala lo, ɓa ɓə kwu cepyi; aba n ɓəyekpe nyi, kwo ɓə la duya.
Zahozahoyi n wo ta wu yeye lo m, wo ta kpe Shekwoyi əye ye lo m, ntuge Shekwoyi zhni yeye nu.
Ədnawo to lo dna n yeye m. Ama yeye nunui kwo kwnu ədnawo ya, ntuge ədnawo ɓe ntu n tata ɓo nu. Əza n wo wodna wo to zhni nunui nu dna n yeye m.
Ɓəhnihni dəye nu zhni yeyewu ga Shekwoyi: ya shi əwo aɓəgbetu əɓwa. Njesnu əwo aɓəgbetu to dnaɓo lo m,
Ama nyagyigyi Zafnu nya nu nyi; yeye, agbmada, bwugbafu, bwugbaɓwa, ɓwaloya, ɓəmanaizhni, ɓəgbenuzhni,