Amor
O amor é o maior mandamento e a essência de Deus. Deus é amor. Nós amamos porque Ele nos amou primeiro. O amor cristão é sacrificial, incondicional e eterno — refletindo o coração do Pai.
Deus é amor
Deus é amor. Quem permanece no amor permanece em Deus. Nós amamos porque Ele nos amou primeiro — com amor eterno.
Ínsiñeni Bungiu
Niduheñu hínsiñetiña nun, lunti hínsiñegua wamá wámagua lugundun lúmagiñe Bungiu liabin ínsiñehabuni. Sun le hínsiñehabubei, liráü Bungiu, ani subuditi giñe Bungiu lun. Le mínsiñehabuti, ibidiñegili Bungiu lun, lugundun ínsiñeni Bungiu.
Ínsiñeni Bungiu
Niduheñu hínsiñetiña nun, lunti hínsiñegua wamá wámagua lugundun lúmagiñe Bungiu liabin ínsiñehabuni. Sun le hínsiñehabubei, liráü Bungiu, ani subuditi giñe Bungiu lun.
Le mínsiñehabuti, ibidiñegili Bungiu lun, lugundun ínsiñeni Bungiu.
Ítara liña wayabin asubudirei luma afiñera luagu hínsiñe wamá lun Bungiu. Ínsiñeni Bungiu ani le abagariduti lidan ínsiñehabuni, labagariduña lidan Bungiu, ani labagariduña giñe Bungiu lidan. Ítara liña wayabin lun hínsiñe lan Bungiu woun le gumuti, ábame manufudedun wamá lídanme luéyuri aguseruni, ladüga wagaburiduña lan ya ubouagu keisi Hesukrístu. Ñein lumuti ínsiñeni úati anufudei, bugá lumuti ínsiñeni tímatimaati anufudei, ladüga barüti anufudei abeichúni. Ligía, anhein hanufude lubéi aban gürigia, úagilirügü liña ínsiñeni le tímatimaati lidan.
Ítara liña wayabin asubudirei luma afiñera luagu hínsiñe wamá lun Bungiu. Ínsiñeni Bungiu ani le abagariduti lidan ínsiñehabuni, labagariduña lidan Bungiu, ani labagariduña giñe Bungiu lidan.
Hínsiñeti Bungiu woun ladüga wínsiñedun lun furumiñe.
Hínsiñeti Bungiu woun ladüga wínsiñedun lun furumiñe. Anhein ariñaga aban gürigia: «Hínsiñeti Bungiu nun», ani mínsiñeti líbiri lun, yeeti gürigia ligia; lugundun anhein mínsiñe lubéi líbiri aban gürigia lun, le ariha lumuti, siñabei giñe hínsiñe lan Bungiu lun, le marihin lubéi.
Niduheñu hínsiñetiña nun, anhein hínsiñeediwa lubéi lun Bungiu ítara, lunti giñe hínsiñegua wamá wámagua.
Úagili ni aban arihiti Bungiu; lau sun lira, ánhawa hínsiñegua wámagua, anihein Bungiu wadan, ani ítara liña warufuduni wínsiñehabu sunsuinagubei lun Bungiu.
Ru laali Kristu gumadi le woun: Le hínsiñehabuti lun Bungiu, lunti giñe hínsiñe lan líbiri lun.
Subudi wamuti katei lan ínsiñenibei: Luagu líchuguni Hesukrístu libagari wawagu. Lunti giñeti wánharun lun wíchuguni wabagari hawagu wíbirigu. Ladüga anhein risi lubéi aban gürigia, ani lariha luagu anihein lan lemegeirun liduhe ani míderagun lumuti, ida lubagia anihein lan ínsiñeni tidan lanigi lun Bungiu? Nirahüñü, moun lumuti wayumárurügü lan wínsiñehabu; lunti aban lan ínsiñehabuni le arihúati lidan katei le wadügübei.
Subudi wamuti katei lan ínsiñenibei: Luagu líchuguni Hesukrístu libagari wawagu. Lunti giñeti wánharun lun wíchuguni wabagari hawagu wíbirigu. Ladüga anhein risi lubéi aban gürigia, ani lariha luagu anihein lan lemegeirun liduhe ani míderagun lumuti, ida lubagia anihein lan ínsiñeni tidan lanigi lun Bungiu? Nirahüñü, moun lumuti wayumárurügü lan wínsiñehabu; lunti aban lan ínsiñehabuni le arihúati lidan katei le wadügübei.
Sügühadiwa lídangiñe óunweni lun lidoun ibagari, ani subudi wamuti lira lugundun hínsiñetiña waduheñu luéigiñe Hesukrístu woun. Le mínsiñehabuti, hilañumémegili.
Hínsiñegua wamá wámagua
Anihán uganu le haganbubei lúmagiñe furumiñeti dan: Lun hínsiñegua wamá wámagua.
Lirahüñü Bungiu
Ariha humá lueirin wínsiñe lun Bungiu Úguchili, darí lun gayara lan laguarúniwa woun «lirahüñü Bungiu», ani inarüni luagu lirahüñü wamá. Ligía siñá habaliwa lánigu ubóu gunfuranda lugundun ibidiñegili Hesukrístu houn.
Ladügǘniwa le lubeibei Bungiu, ligía ínsiñehabunibei lun; ani ménrenguti lagunfulirúniwa lugumadin,
Amor de Deus
Deus prova o seu amor em que Cristo morreu por nós. Deus amou o mundo de tal maneira que deu o seu Filho unigênito.
Ánheinti Bungiu, arufuda lumuti lueirin línsiñehabu woun lau lóunahani Hesukrístu lun lounwen wawagu, lau sun meha gafigoungidiwa lan.
Línsiñehabu Bungiu houn gürigia
Aba lasigirun Hesusu ariñaga:
«Ladüga wéiriti hínsiñe gürigia ha ubouagubaña lun Bungiu darí lun lóunahani Liráü le ábanrügüti, lun lounwen luagu hafigoun, lun sun lan ha afiñerutiña luagu, meferidirun hamaamuga, gabagarirügü hamaamuga aban ibagari le magumuchaditi.
Línsiñehabu Bungiu houn gürigia
Aba lasigirun Hesusu ariñaga:
«Ladüga wéiriti hínsiñe gürigia ha ubouagubaña lun Bungiu darí lun lóunahani Liráü le ábanrügüti, lun lounwen luagu hafigoun, lun sun lan ha afiñerutiña luagu, meferidirun hamaamuga, gabagarirügü hamaamuga aban ibagari le magumuchaditi.
Lueirin-agei ínsiñeni le gayaraabei gani lani gürigia, lun líchuguni libagari hawagu lumadagu.
Lueirin-agei ínsiñeni le gayaraabei gani lani gürigia, lun líchuguni libagari hawagu lumadagu.
Hínsiñetün nun ítara kei nínsiñe lun Núguchi; ítarameme humá lubeiti lidan nínsiñehabu. Anhaün ñüdün lau le nubeibei, hínsiñememebadün nun, ítara kei nidin lau le lubeibei Núguchi, aba hínsiñememe nan lun.
Anihán nugumadinbei: Lun hínsiñegua humá hungua kei hínsiñe nun.
Füramase lani Hesusu Sífiri Sandu
«Anhein hínsiñe nubéi hun, gúnfuli humá lau le nubeibei;
Ha subudihabútiña lun nugumadin ani úaragua hagía luma, arufuda hamuti luagu hínsiñe nan houn le tímatimaati. Ani hínsiñehabubei Núguchi houn ha hínsiñehabutiña nun, hínsiñebaña giñe nun, arufudagua aume nungua houn».
Aba lariñagun Húdasi (mámatia le Isükarióte):
—Aburemei ka san uagu barufudaguba lubéi bungua woun, mama houn gürigia ha lánigu ubóu le?
Lariñaga Hesusu lun:
—Ha hínsiñehabutiña nun, adügatiña gasu lau le nubeibei; ani hínsiñeduba lun Núguchi, ábame wayabin, au luma Núguchi, aganawa hama. Ha mínsiñehabutiña nun, madügüntiña gasu lau le nubeibei. Ani dimurei le nariñagubei, mama nani, lani Núguchi le óunahabalina.
Níchigaali iseri gumadi le hun: Lun hínsiñegua humá húmagua. Ítara kei hínsiñe nun, lunti giñe hínsiñegua humá húmagua. Anhaün hínsiñegua húmagua, hasubudirubei sun gürigia luagu nani humá disipulugu.
O maior mandamento
Amarás ao Senhor de todo o coração e ao próximo como a ti mesmo. Estes são os maiores mandamentos — neles se resume toda a lei.
Aba lariñagun Hesusu lun:
—Hínsiñela Babureme le Bubungiute bun tau sun banigi, tau sun buani luma lau sun bisaminan. Anihán gumadi wéirigutimabei, furumiñeti giñe lídangiñe sun lugumadin Bungiu. Ani le libiaman lidan uéiriguni lenege le; ítara liña: "Hínsiñe hamá bíbirigu bun kei bínsiñegua bungua".
Aba lariñagun Hesusu lun:
—Hínsiñela Babureme le Bubungiute bun tau sun banigi, tau sun buani luma lau sun bisaminan. Anihán gumadi wéirigutimabei, furumiñeti giñe lídangiñe sun lugumadin Bungiu. Ani le libiaman lidan uéiriguni lenege le; ítara liña: "Hínsiñe hamá bíbirigu bun kei bínsiñegua bungua". Bián gumadi le, ligía ébuubei lun sun lilurudun Moisesi luma harufudahan profetagu.
Ábame nariñagun houn: "Ninarün hau, furumiñeguarügü katei le hadügübei lun aban hádangiñe namulenu, ka lan lǘnabunbei, nun giñe hadügei".
«Súnwandanla lubeiti hadügün houn amu kei le habusenrubei lun hadügün hun; ladüga ligía lariñagubei lilurudun Moisesi tuma haliburun profetagu.
Au nariñahare hun: Hínsiñe hamá háganiñu hun, biní humaña ha íñaragubalün, adüga humá buiti houn ha iyereehabúbaña hun, afurieida huguyame lun Bungiu hawagu ha anabagubalün, ha wuribabei óuserunün.
Hínsiñela lubeiti Babureme le Bubungiute bun tau sun banigi, tau sun buani, lau sun bisaminan, lau sun bere". Ligía gumadi le wéirigutimabei; ani le libiaman lidan uéiriguni lenege le furumiñeti: "Hínsiñela bíbiri bun kei bínsiñegua bungua". Úati amu gumadi wéiriguti luéi biama le.
O amor que não falha
O amor é paciente, é benigno. Tudo sofre, tudo crê, tudo espera, tudo suporta. O amor jamais acaba.
Le hínsiñehabubei gaguraasunti, areidati, ani magimuganti; mapantanti, manaagun ligía lungua. Manarimeguti, mámarügüñein luougua laritagua; magañidunti, máguyugüdünti wuribani luagu wuribani.
Le hínsiñehabubei gaguraasunti, areidati, ani magimuganti; mapantanti, manaagun ligía lungua. Manarimeguti, mámarügüñein luougua laritagua; magañidunti, máguyugüdünti wuribani luagu wuribani. Magundaarunti lau marichaü, lagundaarun lau inarüni. Súfuri lumuti le hínsiñehabubei sun katei; afiñe lumuti sun katei; aguraba lumuti sun katei; ani awanda lumuti giñe sun katei.
Afiñeni, emenigini luma ínsiñeni laduraruba lun sun dan; gama lumoun ínsiñeni, wéiritimabei lídangiñe ǘrüwagubei.
Afiñeni, emenigini luma ínsiñeni laduraruba lun sun dan; gama lumoun ínsiñeni, wéiritimabei lídangiñe ǘrüwagubei.
Afiñeni, emenigini luma ínsiñeni laduraruba lun sun dan; gama lumoun ínsiñeni, wéiritimabei lídangiñe ǘrüwagubei.
Ánhana hamuga gapurichihadi, subudinéi sun burí lilulin-agei inarüni aramudaguati, ani weiri ligía nafiñen darí hamuga lun gayara lan nadiñurun aban wübü lídangiñe lubara lau afiñeni ligia; ani mínsiñehabutina, ni kata nuguya.
Ítara liña keisi tariñaguni Lererun Bungiu:
Katei le marihínwañahagili, ni le maganbúnwañahagili,
le burí mebelugili tidoun hanigi gürigia,
ligía burí laransehabei Bungiu houn ha hínsiñehabubaña lun.
Sun katei le hadügübei, adüga huméi lau ínsiñehabuni.
Sun katei le hadügübei, adüga huméi lau ínsiñehabuni.
Amor inseparável
Nada poderá nos separar do amor de Deus. Nem morte, nem vida, nem anjos — absolutamente nada.
Chouru numuti lubeiti luagu ua lan ni kata lun lafanreinraguniwa luéi línsiñehabu Bungiu —ni óunweni, ni ibagari, ni ánheligu, ni máfianu, ni katei le guentobei, ni le lunbei liabin, ni le siélubei, ni le ubouagubei, ni burí amu katei le ladügübei Bungiu —siñati lafanreinraguniwa luéi línsiñehabu le larufudubei woun lidan Wabureme Hesukrístu.
Chouru numuti lubeiti luagu ua lan ni kata lun lafanreinraguniwa luéi línsiñehabu Bungiu —ni óunweni, ni ibagari, ni ánheligu, ni máfianu, ni katei le guentobei, ni le lunbei liabin, ni le siélubei, ni le ubouagubei, ni burí amu katei le ladügübei Bungiu —siñati lafanreinraguniwa luéi línsiñehabu le larufudubei woun lidan Wabureme Hesukrístu.
Ligaburi habagaridun lánigu Kristu
Hínsiñe hamá hiduheñu luéigiñe Hesukrístu hun lau ínsiñeni le inarüniti. Iyereegulá wuribani hun, falá huméi le buídubei.
Ligaburi habagaridun lánigu Kristu
Hínsiñe hamá hiduheñu luéigiñe Hesukrístu hun lau ínsiñeni le inarüniti. Iyereegulá wuribani hun, falá huméi le buídubei.
Ligaburi habagaridun lánigu Kristu
Hínsiñe hamá hiduheñu luéigiñe Hesukrístu hun lau ínsiñeni le inarüniti. Iyereegulá wuribani hun, falá huméi le buídubei. Lunti hínsiñegua humá húmagua keisi iduheñu. Hímeigua humá hungua inebegua huguyame húniwagua.
Lunti hínsiñegua humá húmagua keisi iduheñu. Hímeigua humá hungua inebegua huguyame húniwagua.
Madúeira humá ni kata ni ka un, hínsiñeguarügü humá húmagua. Le hínsiñehabuti lun gürigia líledi, adüga laali sun le lubeibei lilurudun Bungiu.
Viver no amor
Revesti-vos de amor, que é vínculo da perfeição. O amor cobre multidão de pecados e edifica a comunidade.
Lóugiñe sun katei, hínsiñehabu humá; ligía katei le íchugubalin sun katei lidan aban.
Gaguraasun humá hubaruagua, ferudunagua huguyame húmawagua; ítara kei feruduna lanün Kristu, ítarala giñe hadüga. Lóugiñe sun katei, hínsiñehabu humá; ligía katei le íchugubalin sun katei lidan aban.
Amuriahatina luma Bungiu lun líchugun erei luma ubafu hun según lueirin ubafu le lúmabei, lun hidin hubaruaguóun lau Sífiri Sandu le hídanbei. Amuriahatina giñe luma lun laganóun Kristu tidan hanigi, lau sun hafiñen luagu, lun ínsiñeniba lan lílagüle luma liderebugu hibagari,
Ǘnabugu humá, hínsiñehabu, gaguraasun humá, areida huguyame houn híbirigu.
Hínsiñeta lúmari wügüri lun kei lueirin wínsiñe lun Kristu, wagía le liligilisin, aba líchuguni libagari wawagu. Ladügünbalin lira lun lanúadirunu lun Bungiu, lun larumadagüdünu lídangiñe le binadubei lau duna luma giñe lau lererun,
Amuriahatina lidan nayumuragun lun Bungiu huagu lúntima laweiridun hínsiñehabu lidan subudi luma gunfurandaü lidan sun katei, lun gayara lan hanúadahani katei le buídubei súnwandan lun habagaridun harumañu, madurun humaamuga danme liabin Kristu. Lun labuinchun hibagari lau lin irichaü le líchugubei Hesukrístu, lun lichugúniwa uéiriguni lun Bungiu luagu.
lugundun lidan gumadi le lagunfulira sun lúrudu: «Hínsiñela gürigia bíledi bun keisi bínsiñegua bungua».
Íderagualaün Bungiu lun hínsiñehabu humá kei ligía, luma lun gaguraasun humá luagu hasufurirun kei Kristu.
Lóugiñe sun katei, ñeinlá saragu ínsiñeni hidan houn híbirigu; lugundun daruguati ínsiñeni lau saragu figóu.
Lóugiñe sun katei, ñeinlá saragu ínsiñeni hidan houn híbirigu; lugundun daruguati ínsiñeni lau saragu figóu.
Lóugiñe sun katei, ñeinlá saragu ínsiñeni hidan houn híbirigu; lugundun daruguati ínsiñeni lau saragu figóu.
Expressões de amor
O amor há de ser eterno como o grande Rei. Como a esmeralda reluz, assim brilha o amor que vem de Deus.
Agubuhati iyereehabúni wuribu;
ánheinti ínsiñeni, feruduna lumuti sun wuribani.
Mígirabei ínsiñeni luma inarüni;
barübei búmagua súnwandan kei aban iñari.
Dabei tidoun banigi,
ábame fuleseihabu lánibu Bungiu,
hínsiñe buguyame houn gürigia.
Ni lidunari sun barana,
lásiñarubei ínsiñeni éñegucha;
ni duna éibaaguati lásiñarubei giñe éñegucha.
Anhein hamuga abusenra aban gürigia
lasansiruni sun lirisin luagu ínsiñeni,
adügǘwarügübei bula lau.
Koru:
Uremu lánina seremei
Ru humá seremei lun Aburemei ladüga buiti,
magumuchaditi línsiñehabu.
Subudigüdabana libügürü bínsiñehabu binaafin,
ladüga ru naali nemenigin buagun.
Subudigüdabei nun ida luba lan nóuserun,
ladüga buma nálugei le nayumahabei.
Hínsiñela Aburemei houn sun ha gúnfulibaña luma,
góunigi lumutiña ha furangubaña,
ánhaña ha íñubei hanaagun houngua
ru lumuti hafayeiruaha houn luagu sun le hadünabei.
Ladüga bínsiñe nun,
wéiriti bebegi ani hínsiñetibu nun.
Deregetina wügüriña hama néchanigu
lun numa ban luma lun nesefuruni bibagari.
Ánheinti huguya, lunti hínsiñe hamá háganiñu hun; adüga huguyame buiti; afuredeiha huguyame, magurabahanga ni kata leweñegua. Ítara luba weiri lan hafayeiruáha lúmagiñe Bungiu le íñugubei, ani lirahüñübadün giñe le tímatimaati; ladüga ligía, fuleseihabúti giñe houn ha meteingiradibaña luma houn ha wuribabaña.