Ânimo
O ânimo vem de Deus. Ele nos fortalece, nos encoraja e renova nossas forças. Quando o desânimo chega, as promessas de Deus nos levantam e nos impulsionam a seguir em frente.
Hae God, hem i laet blong mi,
mo hem i stap sevem mi.
Mi bambae mi no save fraet long man.
Hae God i strong ples blong haed blong mi.
Bambae mi no save fraet.
Oltaem Hae God i stap sevem ol stret man,
i stap lukaot gud long olgeta
long taem blong trabol.
Taem mi mi krae i go long yu,
yu yu harem krae blong mi,
yu mekem mi mi strong moa
long paoa blong yu.
Mi save mekem evri samting, long paoa blong Kraes ya we i stap mekem mi mi strong.
Mo mi savegud se God ya we i statem gudfala wok ya long yufala fastaem, hem bambae i save gohed long hem, gogo i finisim long Lasdei ya we bambae Jisas Kraes i jajem olgeta man long hem.
Spirit ya we God i givim long yumi, hem i no blong mekem yumi fraet, nogat. Spirit ya i blong mekem yumi gat paoa, i blong mekem yumi lavem ol man, mo i blong mekem yumi naf blong blokem ol samting we yumi nomo i wantem.
Mi nomo mi save ol plan we mi mekem finis from yufala. Mi mi wantem we bambae yufala i stap gud olwe, trabol bambae i no kasem yufala, mo bambae yufala i stap gogo, yufala i kasem ol samting ya we tingting blong yufala i stap long hem.
Be ol man oli talem se, "!No gat! Hae God i God blong yumi, mo bambae mifala i no save lego hem blong go biaen long ol narafala god ya. Taem ol olfala blong yumi oli stap wok slef* long Ijip, hem nao i tekemaot olgeta, i mekem yumi evriwan i fri, mo mifala i luk ol merikel ya we hem i mekem long taem ya. Hem i stap lukaot gud long yumi long olgeta ples we yumi pas long hem, mo long fes blong olgeta man we yumi pas long graon blong olgeta.
Yufala i save harem gud from ol samting ya. Nating we naoia yufala i mas harem nogud from plante samting we oli stap kam blong traem yufala.
Mi mi wantem tumas blong kam luk yufala, blong bambae God i yusum mi blong givhan long yufala blong yufala i kasem paoa ya we Tabu Spirit i stap givim, blong mekem yufala i strong. Mo bakegen, mi wantem kam joen long yufala, blong bambae bilif blong yufala i save givhan long mi, olsem we bilif blong mi tu i save givhan long yufala.
Nao from samting ya, neva tingting blong mifala i kam nogud long ol trabol we i kasem mifala. Maet bodi blong mifala i stap kam nogud moa oltaem, be nating. Evri dei, God i stap mekem tingting blong mifala i niuwan bakegen.
From samting ya, yufala i mas stap toktok gud long yufala blong mekem tingting blong yufala i strong, mo yufala i mas givgivhan long yufala, olsem we yufala i stap mekem naoia.
Long taem ya we nius blong bilif blong yufala i kamtru, mifala i stap long plante trabol, mo mifala i stap harem nogud tumas, be nius ya i mekem mifala i harem gud tumas.