Aniversario de casamento
O aniversário de casamento celebra a fidelidade de Deus na jornada do casal. Cada ano juntos é testemunho da graça divina que sustenta o amor na vida a dois.
Abọọñ anam ami ke usen mfịn ami;
yak ñnyịn idaara mfịn inyʌñ inem esịd.
Ikpeep ñnyịn adibat mme usen ñnyịn,
nọ ñnyịn inie esịd aniọñ.
Yọhọ esịd mmi ye idaara
ke ini abakpa ye ufa ukọd ammọ eyọhọke isọñ.
Ndin ammọ idooho awo iba aba, ado edido abʌk keed. Ke ntoro, se Abasi amaakedian, yak awo ndomokeed akuudiañña."
Ima ado ime, ima afọfọn ido. Inieghe udu, inyʌññọ iduaak inua, ikokkoke idem. Inanake ukpono inọ mbon mfen, iyemme ufọn idem amọ, isọppọ iyadesịd, ibatta nnamndue. Ima ikoppo inem ke idiọọk, ado adaara ke akpanikọ. Ima akpekpeme afịd ini, anịm ke akpanikọ, anie idodanyen, anie nsọọñọnda.
Ekọọm
Ami mmekọọm Abasi afịd ini inọ ndufo ato ke mfọn a-Abasi inọọhọ ndufo ato ke Krais Yisọs.
Afo ameyaiya afịd idem, edima mmi;
ndo ndomokeed ibaaha ke idem mfo.
Ami ndo ake awoima mmi,
anye anie udọñ annọ miin.
Uwak mmọọñ ikanna inịme ima;
Mme inyañ ikanna ikwọọk anye iduọọk.
Adieke awo akpenọọhọ
afịd inie ke ufọk amọ ke ntak ima,
ekpeneenekke esịn anye ke ata ndek.
Mme Ufan
Ndin ke akanna afịd mme nti ido ami, isịne ima, a-abọppọ afịd ammọ adian keed ke usʌñ a-afọnnọ ama.
Ami mmesikọọm Abasi mmi afịd ini a-ami itoiyoke ndufo.