Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
मेरे मनो रा स्वामी तो तूँई ए,
मेरिया माया रे गर्भो रे तैंई आँऊ बणाई राखेया।
मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।
तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।
जेबे मेरी आड्डिया बणने लगी रिया थिया, तो त्यानो साथे आपणियां माया रे पेटो दे राखणे लगी रे थे,
जेबे आऊँ तेती गुप्त रूपो दे बढ़ने लगी रा था, तो तुसे जाणो थे कि आऊँ तेती था,
तेरिये आखी मेरा बांगा-टेडा शरीर बणदा देखेया
ओर मेरे सारे अंग जो हर दिन बणदे जाओ थे,
सेयो रचे जाणे ते पईले, तेरिया कताबा रे लिखी राखे थे।
ओ परमेशर, तेरे बिचार मेरिया तँईं कितणे कीमती ए!
तिना री गिणतिया रा जोड़ कितणा बड़ा ए!
आजका दिन प्रभुए बणाई राखेया;
आसे इदे मगन ओर खुश ओईये।
इजी खे आसा खे सखा कि म्हारा जीवन कितणा छोटा ए,
ताकि आसे समजदार ऊई जाऊँ।
जन्मो तेई मैं तेरा आसरा लया;
से तूँई था जिने मेरिया माया रे गर्भो ते आँऊ निकयाल़ेया था;
इजी री खातर मां सदा तेरी स्तुति करदे रणा।
मैं सिर्फ एक ई बरदान प्रभुए ते मांगी राखेया,
मां तेतेरे ई जत्नो रे लगेया रा रणा,
ताकि आऊँ पूरी जिन्दगी प्रभुए रे मईलो रे रई सकूँ ओर प्रभुए री सुन्दरता खे देखी सकूँ
ओर तेसरे मईलो रे दर्शण करुँ।
से तूँई था जिने आऊँ गर्भो ते निकयाल़ेया;
जेबे आऊँ दूद पींदा बच्चा था,
तदुए तेई तैं माखे परोसा राखणा सिखाया।
आऊँ जन्मो तेई तांगे सम्बाल़ी ता था,
माया रे गर्भो तेई तूँई मेरा परमेशर रया।
ये से ई पाऊ ए जेसखे पाणे रिया तँईं मैं प्रार्थना कित्ती थी ओर यहोवे माखे मूँ मांगेया वरदान देईता।
सुणो, आऊँ बी आपणे बाओ रा छोटा पाऊ था,
ओर माया रा कल्ला छोटा प्यारा पाऊ था,
ओर मेरा बाओ माखे ये बोली की सिखांदा रओ था,
"तेरा मन मेरिया गल्ला पाँदे लगेया रा रओ;
तूँ मेरिया आज्ञा खे मानदा ऊआ आपणा जीवन बितांदा रओ।
प्रभुए रे सदा खुश रओ, आऊँ फेर बोलूँआ कि खुश रओ।
तेबे बाल़क बढ़दा, और तागतबर और अक्ला ते परिपूर्ण ऊँदा गया और परमेशरो री कृपा तेस साथे थी।