Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
किजोकि तीं मेरे एंत्रीं अंग बनेवरेन;
तीं अवं अम्मरे पेटे मां बनाव।
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
मेरो ढांचो तीं करां छ़पोरो न थियो,
ज़ैखन अवं खुफिया ठैरी बनेवरो थियो,
तैखन मेरी हेड्डी तीं करां छ़ेपोरी न थी।
तेरी एछ़्छ़ेईं अवं तैखने लाहोरो थियो,
ते मेरे सब अंग ज़ैना रोज़ बनते गाते थिये तैना बन्ने करां पेइले
तेरी किताबी मां लिखोरे थिये।
हे परमेशर, मेरे लेई त तेरे खियाल केत्रे बड़े कीमती आन!
तैन केरि तैधातरो जोड़ केत्रो बड्डोए।
अज़ तै दिहाड़ीए ज़ै यहोवा बनेवरीए;
अस इस मां मघन ते खुश भोम।
असन अपने ज़िन्दगरे दिहाड़े गन्नेरी समझ़ दे, कि अस अक्लमन्द भोइ गाम।
ज़र्मते अवं तीं सम्भालो;
तींए अवं अम्मरे पेटे मरां कढो;
एल्हेरेलेइ अवं हमेशा तेरी बडीयाई केरतो रेइलो।
अक बर मीं यहोवा करां मगोरूए,
तैसेरे लेई कोशिश केरतो रेइलो;
कि अवं ज़िन्दगी भर यहोवारे भवने मां रेईं सेकी
ज़ैस सेइं यहोवारी महिमा पुड़ नज़र लेइतां रेखी,
ते तैसेरे भवने मां ध्यान केरतो रेईं।
पन तींए अवं गर्भे मरां कढोरोईं;
ज़ैखन अवं दुद्ध पीतो बच्चो थियो,
तैखने करां तीं मीं भरोसो रखनो शिखालो।
ज़ेरो अवं पैदा भोव; अवं तेरे भरोसे पुड़ छ़ेडी दित्तो;
अम्मरे पेटे करां देंतो तू मेरो परमेशर राहोरोस।
ऐन तैन्ने मट्ठूए ज़ेसेरे लेई मीं प्राथना कियोरी थी; ते यहोवाए मेरे ज़ोनेरे मुताबिक मेरे लेई कियोरूए।
हेरा, अवं भी अपने बाजी केरू मट्ठू थियूं,
ते अम्मरू अक्के लाडोलू थियूं,
ते मेरो बाजी मीं इन ज़ोइतां शिखालतो थियो,
"तेरो मन मेरी गल्लन पुड़ लगोरो राए;
तू मेरे हुक्मन मन्न, तैखन ज़ींतो रालो।
प्रभु मां सदा आनन्दित राथ; अवं फिरी ज़ोताईं, आनन्दित राथ।
तैन मट्ठू बेडोतू जेवं ते अक्लमन्द भोतू जेवं किजोकि परमेशरेरो तैस पुड़ बड़ो अनुग्रह थियो।