Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Hegwe nakundita heni, nhumbula na muhe,
nakungongomanya mmunda mwa mayangu.
Ndangukutogola kwa vila nditigwa kwa kububuwaza na vinduzanduza,
madito ga hegwe ndo ga kububuwaza,
nhumbula ya heni yangugazela ng’hatu.
Lukuli lwa heni haluvisigwe kwa hegwe,
vyounditile kwa uviso, honhu hawele munhu hawezile kumbona.
Hegwe nakumbona lombele nding’hali kupondigwa,
nakwandika chila chinhu mchitabu cha hegwe,
mazuwa ga heni geng’ha nakugawika goya,
mbaka kung’hali kuwa baho zuwa lila lya mwaluko.
Gwa Nguluwi, majesa ga hegwe ndo makulu ng’hatu,
hambe gaweze kuwalizwa ng’hatu.
Ali ndo zuwa lyoyaliditile Mkulu Nguluwi,
ahyo tusangalale na kutowa luchenze.
Utulanguse kuvizela kota ukomu wa hetwe ndo uchefu,
leka tuwe na luhala.
nandikutumbila hegwe kulawila lomhondigwe,
ndo hegwe undavile mmunda mwa mayangu.
Ndokutogola mazuwa gose.
Mbuli imwe nandimlanda Mkulu Nguluwi,
ayo ndo ndilinguipala,
ndikale mng’handa mwa Mkulu Nguluwi
mazuwa geng’ha ga ukomu wa heni,
ndijese ng’hatu kunoga kwa Mkulu Nguluwi,
na kupala ulongozi wa heye kuli ng’handa ya heye.
Ila hegwe ndo undavile mmunda mwa mayangu,
nakumbika hanojile kuli mhambaga ya mayangu.
Nandikutumbila kulawa kupondigwa kwa heni.
Kulawa lomhondigwe, hegwe nawali Nguluwi wa heni.
Nandimlanda Mkulu Nguluwi yamhe mwana ayu naye nakamha heni chila chondandile.
Heni kahi nandali mwana yawele na mhaza,
nandali chali na mwana wa udewele wa mayangu.
Mhaza wa heni nakandangusa chinhu achi,
"Wibatilile kwa nhumbula yeng’ha ulonzi wa heni,
na mizilo ja heni, nagwe kochikala.
Lelo msangalale ng’hatu kuli kilumba kwa hemwe na Mkulu. Ndangulonga kahi, msangalale!
Mwana kakula kawa na ludali na luhala lukami, kunoga kwa Nguluwi kwali na heye.