Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Sia afo akebot ataa esịd idem mmi;
afo akemfʌk miin ke idịb eka mmi.
Ami utooro fiin sia afo akembot miin ke ndịk-ndịk ye utịppe-utịppe usʌñ;
mme utom mfo edo utịppe,
ami mmenekke ndiọọñọ ntoro.
Ikpọkidem mmi ikidịbeke ke iso mfo
ke ini ekembotto miin ke ndedịbe itie,
ke ini ekendianna miin keed ke esịd isọñ.
Anyen mfo amaakịt idaha awo imiikibotto ikpọkidem mmi;
emaewet afịd usen se ekenịm ennọọ miin ke ñwed mfo
mbemiso keed ke atu ammọ adiwuọ ada.
Abasi, akikere mfo ado nsọñudua annọ miin!
Aditọ ammọ ndian akpon die!
Abọọñ anam ami ke usen mfịn ami;
yak ñnyịn idaara mfịn inyʌñ inem esịd.
Ikpeep ñnyịn adibat mme usen ñnyịn,
nọ ñnyịn inie esịd aniọñ.
Ami mbuọt idem ke afo tọọñọ ke emana mmi;
afo akensio miin ke esịd idịb eka mmi.
Ami ñyautooro fiin ke nsi-nsi.
Ñkpọ keed ke ami mbeeñe Abọọñ,
kpa ado kpọd ke ñyem:
nte yak ndʌñ ke ufọk Abọọñ
ke afịd ayio uwem mmi,
nọ nse uyai Abọọñ
ñnyʌñ ñyem anye ke tembịd amọ.
Ado afo akensio miin ke idịb;
afo amaanam ami mbuọt idem ke afo, tọọñọ naña ñwọppọ eba eka mmi.
Tọọñọ ke emana emaeñyaak miin unọ fiin;
tọọñọ ke idịb eka mmi afo ado Abasi mmi.
Ami ñkebọñ akam mbeeñe ayịn ami, Abọọñ anyʌñ annọ miin se ami ñkebeeñe anye.
Sia ami ñko ñkedo ayịn nnọ ete mmi,
ataa nsek, etəkayịn e-eka mmi akemaaha.
Ndin anye amañkpeep miin, anyʌñ ambo miin,
"Mʌm ikọ mmi ke afịd esịd mfo;
nịm mme mbed mmi, ndin afo ayaadu uwem.
Akpatre Ikọitem
Idaara ke Abọọñ afịd ini, yak nsʌk mmaana ntañ, idaara!
Ayịn ado amaakọt anyʌñ akop uko, ayọhọ ye aniọñ ye mfọn Abasi.