Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
मुसीबता ते छुटकारा
प्रभुए रा तन्यवाद करो, कऊँकि से पला ए
ओर तेसरी करूणा सदा री ए!
आजका दिन प्रभुए बणाई राखेया;
आसे इदे मगन ओर खुश ओईये।
परमेशरो रिया पलाईया रिया तँईं तेसरी स्तुति
मां हर बखत प्रभुए खे तन्यवाद बोलेया करना;
तेसरी स्तुति लगातार मेरे मुंए ते ऊँदी रणी।
प्रभु मेरी तागत ए ओर ढाला जेड़ा मेरी रक्षा करोआ;
तेस पाँदे परोसा राखणे ते मेरे मनो खे मताद मिली री,
इजी री खातर मेरा मन खुश ए
ओर मां गाणा गायी की तेसरा तन्यवाद करना।
तैं मेरे मनो रे तेसते केथी जादा खुशी परी ती री,
जो तिना खे नज्ज ओर जादा अंगूरा रे रसो री बढ़ोतरिया ते ओई।
तां माखे से बाट दखाणी;
जो अनन्त जीवनो रिया तरफा खे जाओई;
तेरी मौजुदगिया रे माखे आनंद ओर सदा री खुशी मिलोई।
मैं सिर्फ एक ई बरदान प्रभुए ते मांगी राखेया,
मां तेतेरे ई जत्नो रे लगेया रा रणा,
ताकि आऊँ पूरी जिन्दगी प्रभुए रे मईलो रे रई सकूँ ओर प्रभुए री सुन्दरता खे देखी सकूँ
ओर तेसरे मईलो रे दर्शण करुँ।
इजी खे आसा खे सखा कि म्हारा जीवन कितणा छोटा ए,
ताकि आसे समजदार ऊई जाऊँ।
सफेद बाल़ तर्मी माणूंए रा मुकुट ए,
सेयो तर्मो रिया बाटा दे चलणे ते मिलोआ।
जवान माणूंआ री तागत तिना री शान ए,
पर स्याणेया री शोभा तिना रे सफेद बाल़ ए।
पर जो यहोवे खे मतादा रिया उम्मीदा ते न्याल़ोए, तिना खे नवीं तागत मिलदी रणी, सेयो उकाबो जेड़े उडदे रणे, सेयो दौड़ने ओर बेओश नि ऊणे ओर चलणे पर थकणे नि।
पर एबे देख, जदुओ ते परमेशरे मूसे खे ये गल्ल बोली थी, तदुओ ते पैंताल़ी साल ऊई चूकी रे। जिना दे इस्राएली लोक उजाड़ जगा दे पटकदे रये, तिना बीचे परमेशरे आपणे वचनो रे मुताबिक आऊँ जिऊँदा राखी राखेया ओर एबे आऊँ पच्यासी साला राए। आऊँ एबु बी तिथणा ई तागतबर आ जितणा कि तेस बखते था जेबे मूसे आऊँ यरीहो रा पेत लणे खे तेती पेजेया था, युद्ध करने या बारे-पीतरे आऊणे खे जितणी मांदे तेस बखते सामर्था थी तिथणी एबे बी ए।
यहोवा ताखे आशीष देओ
ओर तेरी रक्षा करो
यहोवा तां पाँदे आपणे मुंए रा तेज चमकाओ
ओर तां पाँदे दया करो:
यहोवा तेरी पलाई करो,
ओर ताखे शान्ति देओ।"
ओ मेरे प्यारे, मेरी ये प्रार्थना ए कि जिंयाँ तूँ आत्मिक तरक्की करने लगी रा, तिंयाँ ई तूँ सबी गल्ला रे तरक्की कर और ठीक-ठाक रओ।