Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Nhogolwa kwa Mulungu yanogile
Mwing’heni hewela Mndewa Mulungu, kwaviya kanoga,
kwaviya ulondo wake wa kufunya umoyo wokala siku zose.
Iyo ni siku yoyaitendile Mndewa Mulungu,
kwa ichimu chake chideng’helele na kusekelela.
Unovu wa Mulungu
Nizamtogoza Mndewa Mulungu lusita lose,
nizamtogoza kwa mulomo wangu siku zose.
Mndewa Mulungu niiyo nguvu yangu na kingilo jangu,
nomuhuwila yeye
na nizamwimbila wila wa kumwing’ha hewela.
Kumemeza moyo wangu deng’ho,
kufosa viuwamemeze weli na divai na ndiya nyingi.
Kwizanitenda niimanye nzila ya ugima,
kuulongozi wako kuna deng’ho ng’hani,
kuna umkono wako wa kulume kuna mbuli zinogile siku zose.
Nompula Mndewa Mulungu mbuli imwe,
mbuli iyo niiyo yoniizahila,
nidahe kukala muna ikaye yake,
siku zose za ugima wangu,
niuwone unovu wa Mndewa Mulungu,
na kumtambikila muna ikaye yake.
Uchifundize kuzipeta siku zetu vinogile,
muladi chipate ubala.
Uhenga ni kombelo da ukulu,
dopatika kwa kutenda mbuli zinogile.
Wabwanga woigodela nguvu zawo,
na walala woigodela uhenga.
Mbali wose womuhuwila Mndewa Mulungu, nayo kezawagangamiza.
Wezaguluka uchanyha fana masumula,
wezakimbila bila kulegela,
wezagenda na hawezasinduka.
Mbali sambi, Mndewa Mulungu kanitenda niwe mgima mbaka sambi kwa miyaka malongo mane na mitano fana viyamulongele Musa chipindi Waisilaili viwakalile wofosela kuchuwala. Sambi nina miyaka malongo manane na mitano. Mbali ning’hali nina nguvu fana vinikalile na nguvu lusita luja Musa viyanitumile. Mbaka sambi nina nguvu za kudaha kuitowa ng’hondo na kusang’hana usang’hano umwenga wowose.
‘Mndewa Mulungu yamtemeleni mate na kumkalizani,
Mndewa Mulungu yamuloleni kwa unovu na kumtendelani yanogile,
Mndewa Mulungu yamuwoneleni ubazi na kumwing’hani tindiwalo.’
Mulondwa wangu, nokulondela ukale goya na uwe na ugima unogile, fana muhe wako viugendelela vinogile.